ދަ ސާކަލްގެ ކޯޑިން އާއި ކްރިއޭޓިވް ތިންކިން ޕްރޮގްރާމެއް އަންނަ މަހު

އުގެއިލް ފައުންޑޭޝަނުން ހިންގާ "ދަ ސާކަލް"ގެ "ކޯޑިން އެންޑް ކްރިއޭޓިވް ތިންކިން" ޕްރޮގްރާމަށް ރަޖިސްޓާ ކުރަން ހުޅުވާލައިފި އެވެ.

އެ ޕްރޮގްރަމަކީ 8 އަހަރާއި 12 އަހަރާއި ދެމެދުގެ ކުދިންނަށް ކުރިއަށް ގެންދިއުމަށް ހަމަޖެހިފައިވާ ކޯހެކެވެ. އެ ކޯސް ކުރިއަށް ދާނީ އަންނަ ޖެނުއަރީން ޑިސެމްބަރު މަހުގެ ނިޔަލަށެވެ.

އެ ޕްރޮގްރާމުގައި، އެޗްޓީއެމްއެލް، ޕައިތޯން، ޖާވާ ސްކްރިޕްޓް، ސީއެސްއެސް އަދި ތިންކިން ސްކިލްސް ކިޔަވައިދޭނެ އެވެ. ޕްރޮގުރާމުގައި ކިޔަވާ ދޭނީ ލަންޑަނު ޓިއުޓަރުންނެވެ.

އެ ޕްރޮގްރާމު ކުރިއަށް ދާނީ އޮންލައިންކޮށް ޒޫމް މެދުވެރިކޮށެވެ. ޕްރޮގްރާމުގެ ކްލާސްތައް އޮންނާނީ ކޮންމެ ހަފްތާއެއްގެ ހޮނިހިރު ދުވަހު އެވެ. އެ ކޯހުގައި ދަރިވަރުންނަށް ކޮންމެ ހަފުތާއަކު ވެސް މަސައްކަތެއް ހަވާލު ކުރާނެ އެވެ. ހަވާލުކުރާ މަސައްކަތްތައް ހުށަހަޅަން ޖެހޭނީ ކަނޑައަޅާފައިވާ ޕޯޓަލަކަށެވެ.

ޕްރޮގްރާމުގައި ބައިވެރިވުމުގެ ރަޖިސްޓްރޭޝަން ފީ އަކީ 200ރ. އެވެ. ޕްރޮގްރާމުގެ މަހު ފީ އަކީ 500ރ. އެވެ.