31 އޯގަސްޓް 2022
ޕާކިސްތާނަށް މިހާރު ކުރަމުންދާ ވިއްސާރައިގައި ކުރިމަތިވަމުންދާ ފެންބޮޑުވުމާއި ބިންގަނޑު ކަނޑައިގެން ދިއުމުގެ ހާދިސާތަކުން ގެއްލުން ލިބިފައިވާ މީހުންނަށް ބޭނުންވާ ޒަރޫރީ އެހީތެރިކަން ފޯރުކޮށްދިނުމަށްޓަކައި މަދުވެގެން 160 މިލިއަން ޑޮލަރު ބޭނުންވާ ކަމަށް އދ. މަޖިލީހުން އިއްޔެ ބުނެފި އެވެ.
ޕާކިސްތާނަށް މިހާރު ކުރަމުންދާ ވިއްސާރައިގައި ކުރިމަތިވަމުންދާ ފެންބޮޑުވުމާއި ބިންގަނޑު ކަނޑައިގެން ދިއުމުގެ ހާދިސާތަކުން ގެއްލުން ލިބިފައިވާ މީހުންނަށް ބޭނުންވާ ޒަރޫރީ އެހީތެރިކަން ފޯރުކޮށްދިނުމަށްޓަކައި މަދުވެގެން 160 މިލިއަން ޑޮލަރު ބޭނުންވާ ކަމަށް އދ. މަޖިލީހުން އިއްޔެ ބުނެފި އެވެ.
މިދިޔަ ޖޫން މަހުން ފެށިގެން ޕާކިސްތާނަށް ކުރަމުން ދާ ވިއްސާރައިގައި އެ ގައުމުގެ ތިން ބައިކުޅަ އެއް ބައި މިހާރު އޮތީ ފެނު އަޑީގަ އެވެ. ކޯރުތައް ފުރިގެން ބަންޑުންވެ ބޮޑު ސަރަހައްދެއްގައި ފެން ބޮޑުވެފައިވާ އިރު، ފެންގަނޑުގެ ތެރެއަށް ގެނބިގެން 1350 އަށް ވުރެ ގިނަ މީހުން ވަނީ މަރުވެފަ އެވެ. އިތުރު 50 މިލިއަން މީހުން ގެދޮރު ގެއްލި ހާލުގައި ޖެހިފައިވާ އިރު، 900000 އަށް ވުރެ ގިނަ ގެރިބަކަރި އާއި ކުކުޅު ފަދަ ތަކެތި ވަނީ މަރުވެފަ އެވެ.
Pakistan's devastating floods:
— South Asia Index (@SouthAsiaIndex) August 29, 2022
- 1350 people killed
- 50M people displaced
- 900K livestock deaths
- 1M houses washed away
- 40+ reservoirs breached
- 220+ bridges collapsed
- 90% cropped damaged
- $10B loss to economy
- 1/3 country underwater
Source - PDMA / NDMA pic.twitter.com/TG6jnL8zZQ
ކޯރުތައް ފުރިގެން ބަންޑުންވެ، ބާރު އޮއިވަރާއެކު ވާދީތަކުން ދެމިގެން އަންނަ ފެންގަނޑު އަވަށްތަކުގެ މަގުތަކުން ތިރިއަށް ފައިބައިގެން ދާއިރު، ވެލިގަނޑު ކެހިގެން ދިއުމުން އެތައް އިމާރާތެއް ވަނީ ފެންގަނޑުގެ ތެރެއަށް ގަނަބައިގެންފަ އެވެ. އަދި ބައެއް ގެތައް ވެއްޓި ހަލާކުވެފައިވެ އެވެ. ކޯރުތައް ހުރަސްކުރުމަށް އަޅާފައިވާ 220 އަށް ވުރެ ގިނަ ބްރިޖު ހަލާކުވެ މިލިއަނަކަށް ވުރެ ގިނަ ގެ ވަނީ ހަލާކުވެފަ އެވެ.
އޮގަސްޓް 31، 2022: ޕާކިސްތާނަށް މިހާރު ކުރަ،މުންދާ ވިއްސާރައިގައި ބަލުޗިސްތާން ޕްރޮވިންސްގެ ޖައްފާރް އަވަށުގައި ފެންބޮޑުވެފައި. --އޭއެފްޕީ
ޕާކިސްތާނު ސަރުކާރުން ބުނާ ގޮތުގައި، ފެންބޮޑުވުމުގެ ސަބަބުން ދަނޑުބިންތަކުގެ 90 ޕަސެންޓް ވަނީ ހަލާކުވެފަ އެވެ. މިހާރު ކުރަމުންދާ ވިއްސާރައިގެ ސަބަބުން އިގްތިސާދީ ގޮތުން މިހާތަނަށް ލިބުނު ގެއްލުމުގެ މިންވަރު 10 ބިލިއަން ޑޮލަރަށް އަރާނެ ކަމަށް ސަރުކާރުން ބުނެ އެވެ.
Terrible torrents in Pakistan, destroying thousands of homes and displacing hundreds of thousands of citizens. #flood #floodinpakistan #Pakistanfloods #FloodinPakistan #Pakistanflood pic.twitter.com/Gye1462LOP
— Wahid Bhat (@wahidbhat32) August 27, 2022
މިހާރު ޕާކިސްތާނަށް ކުރަމުންދާ ވިއްސާރައިގެ ސަބަބުން ހާލުގައި ޖެހިފައިވާ މީހުންނަށް އެހީވުމަށް ގޮވާލައްވައި، އދ.ގެ ސެކްރެޓަރީ ޖެނެރަލް އެންޓޯނިއޯ ގުޓަރެސް އިއްޔެ އާންމު ކުރެއްވި ވީޑިއޯ މެސެޖެއްގައި ވިދާޅުވީ ޕާކިސްތާނު އޮތީ ތަކުލީފުތަކަކުން ވަށައިލެވިފައި ކަމަށެވެ. އަދި އެ ގައުމަށް މިހާރު ލިބިފައިވާ ގެއްލުމަށް ބަލާއިރު، މުޅި ދުނިޔޭގެ އެއްބާރުލުން ލިބިގެން ނޫނީ، ޕާކިސްތާނުގެ ހާލުގައި ޖެހިފައިވާ ރައްޔިތުންނަށް އެކަށީގެންވާ އެހީތެރިކަމެއް ފޯރުކޮށްނުދެވޭނެ ކަމަށް ވެސް އޭނާ ވިދާޅުވި އެވެ.
The Pakistani people are facing a monsoon on steroids. More than 1000 people have been killed - with millions more lives shattered.
— António Guterres (@antonioguterres) August 30, 2022
This colossal crisis requires urgent, collective action to help the Government & people of Pakistan in their hour of need. pic.twitter.com/aVFFy4Irwa
އޭގެ އިތުރުން އޭނާ ވިދާޅުވީ ޕާކިސްތާނަށް މިހާރު ކުރަމުންދާ ވިއްސާރައިގެ ސަބަބުން ކުރިމަތިވެފައިވާ ފެން ބޮޑުވުމުގެ ހާދިސާއަކީ ދުނިޔެ ހޫނުވުން ހުއްޓުވުމަށް ފިޔަވަޅު އެޅުން އަވަސް ކުރުމަށް ދިން އިޝާރާތެއް ކަމަށެވެ.
Pakistani children being evacuated from killer floods.
— Khaled Beydoun (@KhaledBeydoun) August 30, 2022
This is what it looks like on the ground, in #Pakistan, where 1/3 of the country is underwater. At least 40 million people have been impacted, and millions of them are children.
DONATE: https://t.co/MMoNScpsUE pic.twitter.com/rUtj2JQH8d
"މޫސުމީ ބަދަލުތަކުގެ ސަބަބުން އަހަރެމެންގެ މި ބިން ފަނާވަމުންދާ އިރު، ނިދީގައި ހިނގުން ހުއްޓައިލަމާ ހިނގާ. މިއަދު ފަނާވަމުން އެދަނީ ޕާކިސްތާން. މާދަމާ ތިބާގެ ގައުމަށް ވެސް މި ގޮތް މެދުވެރިވެދާނެ،" އދ.ގެ ސެކްރެޓަރީ ޖެނެރަލް ވިދާޅުވި އެވެ.
ދުއިސައްތަ ވިހި މިލިއަން މީހުންގެ މައްޗަށް އެކުލެވޭ ޕާކިސްތާނުގެ އާބާދީގެ 20 ޕަސެންޓަށް ވުރެ ގިނަ މީހުން މިހާރު ހާލުގައި ޖެހިފައިވާ އިރު، އެ ގައުމުގެ މޫސުމާ ބެހޭ އިދާރާތަކުން މިއަދު ވެސް ބުނީ، ކުރިއަށް އޮތް ހަފުތާތަކުގައި ވެސް ބޯކޮށް ވާރޭ ވެހޭނެ ކަމަށެވެ. އަދި މިހާރު ކުރަމުންދާ ވިއްސާރަ ހުއްޓޭނީ ކޮން ދުވަހަކުން ކަން ބުނަން ނޭނގޭ ކަމަށް ވެސް އެ އިދާރާ އިން ބުންޏެވެ.
އޮގަސްޓް 31، 2022: ޕާކިސްތާނަށް މިހާރު ކުރަ،މުންދާ ވިއްސާރައިގައި ހާލުގައި ޖެހިފައިވާ މީހުން ވަގުތީ ގޮތުން ތިބުމަށް ބަލުޗިސްތާން ޕްރޮވިންސްގައި ޖަހާފައިވާ ފޭލިގެތަކެއްގައި ދިރިއުޅޭ ބަޔަކު ކާބޯތަކެތި ހޯދުމަށް ކިޔޫގައި. --އޭއެފްޕީ
ޕާކިސްތާން ސަރުކާރުން ބުނި ގޮތުގައި އިންސާނުންގެ އަމަލުތަކުގެ ސަބަބުން ދުނިޔޭގެ މޫސުމަށް އައިސްފައިވާ ނޭދެވޭ ބަދަލުތަކުގެ ސަބަބުން ޕާކިސްތާނަށް ބޮޑެތި ގެއްލުންތަކެއް ލިބެމުންދާ އިރު، އެ ގެއްލުންތައް ފޫބެއްދުމުގައި އެހީތެރިވުމަކީ މުޅި ބައިނަލްއަގުވާމީ މުޖްތަމައުގެ ޒިންމާއެކެވެ.
ޕާކިސްތާނުގެ ޚާރިޖީ ވަޒީރު ބިލާވާލް ބުއްޓޫ-ޒަރްދާރީ ވިދާޅުވި ގޮތުގައި ހާލުގައި ޖެހިފައިވާ އެތައް ލައްކަ ކުޑަކުދިންނާއި އަންހެނުންނާއި މުސްކުޅިން، ވަންނާނެ ހިޔާވަހިކަމެއް ނެތި ހާމަ ތަންތަނުގައި އުޅެމުންދާތާ އެތައް ހަފުތާއެއް ވެއްޖެ އެވެ. ފެން ބޮޑުވުމުގެ ސަބަބުން ހާލުގައި ޖެހިފައިވާ އެމީހުންނަށް ކާބޯތަކެއްޗާއި ސާފު ބޯފެނާއި ސިއްހީ ޚިދުމަތް ވެސް އެކަށީގެންވާ މިންވަރަށް ނުލިބެ އެވެ.
އެހެންކަމުން، ހާލުގައި ޖެހިފައިވާ މީހުންނަށްޓަކައި ފޭލިގެތަކާއި މަދިރި ދަލާއި ކާބޯތަކެތި ވަރަށް އަވަހަށް ބޭނުންވާ ކަމަށް ޚާރިޖީ ވަޒީރު ވިދާޅުވި އެވެ.
ތިމާވެށީގެ މިވަރުގެ ގަތުލުއާންމެއް ނުދެކެން: ގުޓަރޭސް
ޕާކިސްތާނުގެ ފެންބޮޑުވުމުގައި އިތުރު މީހުން މަރުވަނީ
ފެންބޮޑުވެ އަފްޣާނާއި ޕާކިސްތާނުން 45 މަރު
ފެން ބޮޑުވުމުން ދުނިޔޭގެ އެހީއަށް ޕާކިސްތާނުން އެދިއްޖެ
މިހާތަނަށް އެންމެ ހޫނު އަހަރު: 2023
2022: ރެކޯޑް އަދަދަކަށް ގެދޮރު ގެއްލުނު އަހަރެއް
އެކުގައި މަސައްކަތް ކުރުން، ނޫނީ އެންމެން މަރުވުން
ހޫނު އެންމެ ގަދަވީ މިދިޔަ 8 އަހަރު: ރިޕޯޓް
ނައިޖީރިއާގައި ފެން ބޮޑުވެ 600 މީހުން މަރުވެއްޖެ
ޕާކިސްތާނުގައި ފެންގަނޑު ހިނދޭއިރު ކޮލެރާ ފެތުރެނީ
