"އޭކް ވިލަން 2"ގެ ޓްރެއިލާ ނެރެފި

ބޮލީވުޑްގެ ތަރިން ކަމަށްވާ ޖޯން އަބްރަހަމް އާއި އަރްޖުން ކަޕޫރާއި ދިޝާ ޕަޓާނީ އަދި ޒުވާން ތަރި ތާރާ ސުތާރިއާ ލީޑު ރޯލު ކުޅޭ ފިލްމު "އޭކް ވިލަން 2"ގެ ޓްރެއިލާ ނެރެފި އެވެ.

އޭކް ވިލަން އަކީ 2014 ވަނަ އަހަރު ރިލީޒްކުރި ފިލްމެކެވެ. ފުރަތަމަ ބައިން ބެލުންތެރިންނަށް ފެނުނީ ސިދާތު މަލްހޯތުރާ އާއި ޝްރައްދާ ކަޕޫރެވެ.

އެ ފިލްމުގެ ދެވަނަ ބައިން ދެ އެކްޓްރެސް އިންނާއި ދެ އެކްޓަރުން ފެންނައިރު، ޓްރެއިލާ އިން ވިލަން އަކީ ކާކުކަމެއް ސާފެއް ނުވެ އެވެ.

މޯހިތު ސޫރީ ޑައިރެކްޓްކުރާ އެ ފިލްމުގެ ޓްރެއިލާ އަށް ވަނީ ޕޮޒިޓިވް ފީޑްބެކެއް ލިބިފަ އެވެ.

މޯހިތު ބުނީ އޭކް ވިލަން އަކީ އޭނާގެ ޕެޝަން ޕްރޮޖެކްޓެއް ކަމަށެވެ. އެ ފިލްމުގެ ފުރަތަމަ ބަޔަށް ބެލުންތެރިންގެ ފަރާތުން ލިބުނު ތަރުހީބު ވަރަށް ބޮޑު ކަމަށާއި ދެވަނަ ބަޔަށް އަދި އެއަށް ވުރެ ބޮޑު ތަރުހީބެއް ލިބޭނެ ކަމަށް އުއްމީދުކުރާ ކަމަށް ވެސް ބުންޏެެވެ.

އެ ފިލްމު ރިލީޒްކުރާނީ މި މަހު 29 ގަ އެވެ.