ރަންބީރު ޑޭޓަކަށް ދިޔައީ 21،000ރ. ގެ ގަމީހެއް ލައިގެން

ރަންބީރު ކަޕޫރާއި އާލިއާ ބަޓަކީ ބޮލީވުޑްގެ އެންމެ ލޯބި އެއް ޖޯޑެވެ. އެ ދެމީހުން އެކުގައި ފިލްމެއްގެ މަސައްކަތް ކުރަން އުޅުމުގެ ތެރޭގައި ރައްޓެހިވެ، ވަރަށް ލޯބިން އުޅެމުން އަންނައިރު މިފަހުން އެ ކަޕުލް ދިޔަ ޑޭޓެއްގައި އެންމެންގެ ކަޅި ހުއްޓުނީ ރަންބީރުގެ ގަމީހަށެވެ.

އުމުރުން 39 އަހަރުގެ ރަންބީރު ހުރީ ވަރަށް ސިމްޕަލް ލުކެއްގަ އެވެ. ރަންބީރު ލައިގެން ހުރީ ޑިއޯ ބްރޭންޑްގެ 1،400 ޑޮލަރުގެ ގަމީހެކެވެ. އެއީ އިންޑިއާ ރުޕީސް އިން ބަލާ ނަމަ، 1،06،654 ގެ އަގުބޮޑު ގަމީހެކެވެ. އަދި ދިވެހި ފައިސާއިން ބަލާ ނަމަ، 21،644ރ. ގެ ގަމީހެކެވެ.

އެ ގަމީހާ އެކު އޭނާ ހުރީ ހުދު ކުލައިގެ ޖިންސެއް ލައިގެންނެވެ. އަދި އަޅި އާއި ހުދު ކުލައިގެ ނައިކް ސްނީކާސްއަކަށް އަރައިގެން ހުރިއިރު ރަންބީރުގެ އެ ލުކް ވަރަށް ފުރިހަމަ ކަމަށް ގިނަ ބަޔަކު ބުންޏެވެ.

ރަންބީރުގެ ލޯބިވެރިޔާ އަދި އުމުރުން 28 އަހަރުގެ އާލިއާ ހުރީ ހުދު ކުލައިގެ ވަން ޝޯލްޑާ ކްރޮޕް ޓޮޕަކާ އެކު ހައި ވެއިސްޓް ކާގޯ ޕޭންޓްސްއެއް ލައިގެންނެވެ. އަދި އޭނާގެ އަތުގައި ޑެނިމް ޖެކެޓެއް ވެސް އޮތެވެ.

ޑޭޓް ނައިޓަކަށް ވަރަށް ރީތިވެލައިގެން ދެމީހުން ދިޔައިރު، ރަންބީރު ފެނުނީ ވަރަށް ޕްރޮޓެކްޓިވް ބޯއީފްރެންޑެއްގެ ގޮތުގަ އެވެ. ޕަޕަރާޒީންގެ އުނދަގޫނުވާނެ ގޮތަށް އާލިއާ ގެންގޮސް ކާރަށް އަރުވާ އޭނާ އުޅޭ މަންޒަރު ފެނެ އެވެ.

އެ ދެ ލޯބިވެރިން މި އަހަރު ކައިވެނިކުރާނެ ކަމަށް ބެލެވެ އެވެ. އެމީހުންގެ ގުޅުމަށް ދެ އާއިލާ ވެސް ވަރަށް ރުހެ އެވެ.