އޮރެންޖް ހިޔާ އެހެން ބަލިތަކުގެ ފަރުވާއަށް ބޭނުންކުރަނީ

އަލަށް ހުޅުވި ކޮވިޑް ފެސިލިޓީގައި ގައިންގަޔަށް އަރާ އެހެން ބަލިތަކަށް ވެސް ފަރުވާދޭނެ: އެޗްޕީއޭ

13 މާޗް 2022

ކޮވިޑުގައި ހާލު ބޮޑުވެ ސީރިއަސްވާ މީހުންނަށް ފަރުވާދޭން ހާއްސަކޮށްގެން ހެދި ހުޅުމާލެ އޮރެންޖް ހިޔާ ފެސިލިޓީގައި މިވަގުތަށް އެ ބަލީގެ ގިނަ ބަޔަކަށް ފަރުވާދޭން ނުޖެހޭތީވެ އެ އިމާރާތް، ގައިންގަޔަށް އަރާ އެހެން ބަލިތަކަށް ބޭނުންކުރަމުން އަންނަ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިއަދު ބުނެފި އެވެ.

އިފްރާޒް އަލީ

"އިންފެކްޝަސް ޑިޒީސް މެނޭޖްމަންޓް ސެންޓަރު"ގެ ނަމުގައި ފުރިހަމަ ވަސީލަތްތަކާ އެކު ސަރުކާރުން ހެދި ކޮވިޑަށް ހާއްސަ އެ ފެސިލިޓީ ހުޅުވީ މިދިޔަ ހަފުތާގަ އެވެ. ގާތްގަނޑަކަށް 40 މިލިއަން ހޭދަވި އެ ތަން ހަދާފައި ވަނީ އެޗްޑީސީގެ ޑިސްޓްރިބިއުޝަން ސެންޓަރެއްގެ ގޮތުގައި ކުރިން ބޭނުންކުރަމުން އައި އިމާރާތެއްގަ އެވެ.

އެ ފެސިލިޓީގައި އެއްފަހަރާ 272 މީހުންނަށް ފަރުވާ ދެވެ އެވެ. އެ ތަނުގައި 44 އައިސީޔޫ ބެޑް ބަހައްޓާފައި ހުރިއިރު އެމަޖެންސީ ފަރުވާ އާއި އާންމު ފަރުވާތައް ވެސް ލިބެ އެވެ.

އެ އިމާރާތް ނިމުނުއިރު ރާއްޖޭގައި ކޮވިޑް ޖެހިގެން އެޑްމިޓްކޮށްގެން ފަރުވާދޭން ޖެހޭ މީހުންގެ އަދަދު ވަނީ ވަރަށް ބޮޑަށް ދަށްވެފަ އެވެ.

އެޗްޕީއޭގެ މީޑިއާ އޮފިޝަލް ތަސްލީމާ އުސްމާން ވިދާޅުވީ އެތަން ހަދާފައި ވަނީ ކޮވިޑްގެ އިތުރުން ގައިންގަޔަށް އަރާ އެހެން ބަލިތަކަށް ފަރުވާދޭން ވެސް ބޭނުންކުރެވޭ ގޮތަށް ކަމަށެވެ.

As part of the commitment to improve the quality of care provided to Covid-19 patients, a new facility has been opened. The Infectious Diseases Mangement Center at Hulhumale' is a 272 bedded facility including 44 ICU beds. pic.twitter.com/1DswNyLh36
— Ministry of Health (@MoHmv) March 8, 2022

"ކޮވިޑް ކޭސްތައް މަދުވިޔަސް އެ ބަލީގައި މީހެއްގެ ހާލުބޮޑުވެއްޖެ ނަމަ އެޑްމިޓްކުރާނެ ތަނެއް އަދިވެސް ބޭނުންވާނެ. އެ މީހުން އެޑްމިޓްކުރާނީ އެ ސެންޓަރުގައި،" އޭނާ ވިދާޅުވި އެވެ.

އެޗްޕީއޭ އިން ރޭގައި އާންމުކުރި ތަފާސްހިސާބުތަކުން އެނގޭ ގޮތުގައި ކޮވިޑްގެ އެކްޓިވް ކޭސްތަކުގެ އަދަދު 12،000 އިން މަތީގައި ހުރި އިރު، ހޮސްޕިޓަލުގައި އެޑްމިޓްކޮށްގެން ފަރުވާދެމުން އަންނަނީ އެންމެ ހަތަރު މީހަކަށެވެ.

Orange hiyaa covid facility anna mahu beynun kuran fashanee

The most trusted news source in the Maldives

Mihaaru

ރާއްޖެއިން ކޮވިޑް ފެނުމާ އެކު ފަރުވާދޭން ފެސިލިޓީއެއް ފުރަތަމަ ހެދީ ފަރުކޮޅުފުށީގަ އެވެ. އެކަމަކު ޖޫން، 2020 ގައި ހުޅުމާލޭ މެޑިކަލް ފެސިލިޓީގެ ހިދުމަތް ފެށި ފަހުން ހައި ރިސްކް މީހުންނަށް ފަރުވާ ދެމުން އަންނަނީ އެ ތަނުގަ އެވެ.

The center will provide both Emergency and in-patient care. Current functional capacity is 35 in-patient beds with 5 ICU beds. @HPA_MV pic.twitter.com/cmyDIfn3ld
— Ministry of Health (@MoHmv) March 8, 2022

ދުވާލެއްގެ މައްޗަށް ފެންނަ ކޮވިޑްގެ އާ ކޭސްތަކުގެ އަދަދު މިހާރު ވަރަށް ބޮޑަށް ދަށްވެއްޖެ އެވެ. އެ ބައްޔާ ގުޅިގެން ރާއްޖޭގައި އަޅާފައިވާ ފިޔަވަޅުތަކަށް ވެސް ވަނީ ވަރަށް ބޮޑަށް ލުއި ދީފަ އެވެ.

ބަލީގައި ހާލުބޮޑުވާ މީހުންގެ އަދަދު މަދުވި އިރު، ރާއްޖޭގައި ގިނަ ބަޔަކު ވަނީ ކޮވިޑުން ދިފާއުވުމަށް ޖަހަން ޖެހޭ ވެކްސިން ވެސް ފުރިހަމަކޮށްފަ އެވެ. މި ބަލީގައި މިހާތަނަށް 297 މީހަކު ރާއްޖެއިން މަރުވެފައިވެ އެވެ.

Comments