ހުޅު ޖެހިއަސް ޑްރަގްގެ ވަބާ ނައްތާލަން ފަހަތަކަށް ނުޖެހޭނަން: ސީޕީ

18 ފެބުރުއަރީ 2022

ހުޅުޖަހައި އުނދަގޫތައް ކުރި ނަމަވެސް މަސްތުވާތަކެތީގެ ވިޔަފާރި ހުއްޓުވުމަށް ކުރާ މަސައްކަތް ފުލުހުން ހުއްޓާނުލާނެ ކަމަށް ޕޮލިސް ކޮމިޝަނަރު މުހައްމަދު ހަމީދު މިއަދު ވިދާޅުވެއްޖެ އެވެ.

އާސިމާ ނިޒާރު

ނ. މިލަދޫގައި ޑްރަގްގެ ވިޔަފާރިކުރަން އުޅުނު ކަމަށް ތުހުމަތުކުރާ މީހަކު އެ ރަށު ޕޮލިސް ޑެސްކްގެ އިންޗާޖު، ސާޖަންޓް މުހައްމަދު އަރީޝް ހުއްޓުވުމުން، އޭނާގެ ސައިކަލްގައި ރޭ ދަންވަރު ރޯކޮށްލި ހާދިސާއާ ގުޅިގެން ސީޕީ ކުރެއްވި ޓްވީޓުގައި ވަނީ އަރީޝްގެ މަސައްކަތަށް ތައުރީފު ކުރައްވައިފަ އެވެ.

Drug ge viyafaari kuran ulhunu meehaku huttuvumun fuluhehge cycle gai roakollaifi

The most trusted news source in the Maldives

Mihaaru

އޭނާ ވިދާޅުވީ މިލަދޫގައި ދިރިއުޅޭ މީހުންގެ ސަލާމަތާއި ރައްކާތެރިކަމަށް އަރީޝް ކުރި މަސައްކަތާ މެދު ފަހުރުވެރިވެވަޑައިގަންނަވާ ކަމަށެވެ.

ގޭގެ ގޯތިތެރޭގައި ޕާކްކޮށްފައި އޮއްވައި ސައިކަލްގައި ރޯކޮށްލި މައްސަލަ ތަހުގީގުކުރަން އިސް އިންވެސްޓިގޭޓަރަކު އެ ރަށަށް ފޮނުވަން ވަނީ ނިންމައިފަ އެވެ. އަދި އެ ހަމަލާ ދިން މީހުން ހޯދުމުގެ މަސައްކަތް ކުރަމުން އަންނަ ކަމަށް ވެސް ހަމީދު ވިދާޅުވި އެވެ.

"މަސްތުވާތަކެތީގެ ވަބާ ނައްތާލުމަށް ރާއްޖެއާއި ބައިނަލްއަގުވާމީ ފެންވަރުގައި ކުރާ މަސައްކަތް ކުރިއަށްދާނެ. [މިފަދަ ހަމަލާތަކުން] ފަހަތަކަށް ނުޖެހޭނަން،" ސީޕީ ވިދާޅުވި އެވެ.

We will dispatch a senior investigator from Headquarters to investigate this crime. Local police are already working to arrest the perpetrators who carried out this arson. Our officers will continue to tackle the drug menace both locally and nationally. We are not backing down!
— Mohamed Hameed (@M_Hameedh) February 18, 2022

ސީޕީ ހަމީދުގެ ޓްވީޓް

ސޯޝަލް މީޑިއާގައި ދައުރުވަމުންދާ ސީސީޓީވީ ފުޓޭޖުން ފެންނަނީ މޫނު ނިވާކޮށްގެން ހުރި ފިރިހެނަކު އެ ގޭގެ ގޯތި ތެރެއަށް ރޭ 3:37 ހާއިރު ވަދެ، ޕާކްކޮށްފައި ހުރި ސައިކަލަށް އެއްޗެއް އަޅާ ތަނެވެ.

އެ މީހާ އެ ތަނުން ދިއުމާ އެކު، ދޮރުމަތީގައި ހުރި އެހެން ފިރިހެނަކު ސައިކަލުގައި ވަގުތުން ރޯކޮށްލައި ދުއްވައިގަނެ އެވެ.

Comments