09 ފެބުރުއަރީ 2022
ކޮވިޑް-19 ޖައްސައި ވައިރަހުގެ ބާވަތްތަކުގެ ތެރެއިން އޮމިކްރޯން ބާވަތުގެ ވައިރަހުން އެ ބަލި ފެތުރެން ފެށި ފަހުން މިވީ ކުޑަ ދުވަސްކޮޅުގެ ތެރޭގައި ބައި މިލިއަނަށް ވުރެ ގިނަ މީހުން ކޮވިޑް ބަލީގައި މަރުވެފައިވާ ކަމަށް، ދުނިޔޭގެ ސިއްހަތު ޖަމިއްޔާ (ޑަބްލިޔޫއެޗްއޯ) އިން ބުނެފި އެވެ.
ކޮވިޑް-19 ޖައްސައި ވައިރަހުގެ ބާވަތްތަކުގެ ތެރެއިން އޮމިކްރޯން ބާވަތުގެ ވައިރަހުން އެ ބަލި ފެތުރެން ފެށި ފަހުން މިވީ ކުޑަ ދުވަސްކޮޅުގެ ތެރޭގައި ބައި މިލިއަނަށް ވުރެ ގިނަ މީހުން ކޮވިޑް ބަލީގައި މަރުވެފައިވާ ކަމަށް، ދުނިޔޭގެ ސިއްހަތު ޖަމިއްޔާ (ޑަބްލިޔޫއެޗްއޯ) އިން ބުނެފި އެވެ.
އެ ޖަމިއްޔާ އިން ބުނި ގޮތުގައި ކޮވިޑުން ދިފާއުވުމުގެ ވެކްސިން ޖަހަމުންދާއިރު ވެސް، މިހާ ގިނަ އަދަދެއްގެ ބަޔަކު މަރުވުމަކީ ވަރަށް ބޮޑަށް ކަންބޮޑުވާ ކަމެކެވެ. އޮމިކްރޯން ބާވަތުގެ ކޮވިޑް ވައިރަހަކީ، ކޮވިޑް ޖައްސައި ވައިރަހުގެ އެހެން ބާވަތްތަކަށް ވުރެ މާ ހަލުވުކޮށް ފެތުރޭ ވައިރަހަކަށް ވާއިރު، މިހާރު ގިނަ މީހުންނަށް ކޮވިޑް ޖެހެނީ ވެސް އޮމިކްރޯން ބާވަތުގެ ކޮވިޑް ވައިރަހުން ކަމަށް ވެސް އެ ޖަމިއްޔާ އިން ބުންޏެވެ.
ޑަބްލިޔުއެޗްއޯ އިން ބުނި ގޮތުގައި ކޮވިޑް ބަލީގައި މަރުވާ މީހުންގެ އަދަދު މިދިޔަ ފަސް ހަފުތާގައި ވެސް ދިޔައީ މައްޗަށެވެ. އޮމިކްރޯން ބާވަތުގެ ކޮވިޑް ވައިރަހަކީ، އެހެން ކޮވިޑް ވައިރަސްތަކަށް ވުރެ އޭގެ ގެއްލުން ކުޑަ ވައިރަހަކަށް ވިޔަސް، އޮމިކްރޯންގެ ނުރައްކާތެރިކަން ކުޑަ ނޫން ކަމަށް ވެސް އެ ޖަމިއްޔާ އިން ބުނެ އެވެ.
އޮމިކްރޯން ބާވަތުގެ ކޮވިޑް ވައިރަހަކީ މިދިޔަ އަހަރުގެ ޑިސެމްބަރު މަހުގެ ތެރޭގައި ދެކުނު އެފްރިކާ އިން ފެނުނު ކޮވިޑް ވޭރިއެންޓެކެވެ. އޭގެ ކުރިން އެންމެ ނުރައްކާތެރި ގޮތެއްގައި ފެތުރެމުން ދިޔައީ އިންޑިއާ އިން ފެނުނު ޑެލްޓާ ބާވަތުގެ ކޮވިޑް ވޭރިއެންޓެވެ. ޑެލްޓާ ބާވަތުގެ ކޮވިޑް ވައިރަހުން ކޮވިޑް ޖެހުމުން، ބަލި މީހާގެ ހާލު ވަރަށް ބޮޑަށް ދެރަވެ، އެނދުމަތިކޮށްގެން ފަރުވާ ދޭންޖެހޭ ބަލި މީހުންގެ އަދަދު ވަރަށް ބޮޑަށް މަތިވެ އެވެ.
ޑެލްޓާ ބާވަތުގެ ވައިރަހުން ކުރިމަތިވާ ނުރައްކާތަކާ އަޅައި ބަލާއިރު، އޮމިކްރޯން ބާވަތުގެ ކޮވިޑް ވައިރަހުގެ ނުރައްކާ ކުޑަކަމަށް ޑޮކްޓަރުންނާއި ސިއްހީ ތަޖުރިބާކާރުން ބުނި ނަމަވެސް، އެ ބާވަތުގެ ވައިރަހުން ކޮވިޑް ޖެހޭ މީހުން މަރުވާ ނިސްބަތަށް ބަލާއިރު، އޮމިކްރޯންއަކީ ވެސް ނުރައްކާ ކުޑަ ވައިރަހެކޭ މުޅިން ބުނެވޭކަށް ނެތެވެ.
އޮމިކްރޯން ބާވަތުގެ ކޮވިޑް ވައިރަހުން ކޮވިޑް ޖެހޭ މީހުންނަށް މާބޮޑުވަރު ނުވާތީ، ގިނަ ބަޔަކު އުންމީދު ކުރީ، އޮމިކްރޯންއާ އެކު ކޮވިޑްގެ ވަބާއީ ހާލަތު ނިމިގެންދާނެ ކަމަށެވެ. އަދި ކޮވިޑަކީ އާދައިގެ އަރިދަފުސް ރޯގާއެއްގެ ގޮތުގައި ބަލައިގެން ކުރިއަށް ދެވިދާނެ ކަމަށް ބައެއް ފަރާތްތަކުން ބުނެ އެވެ.
އޮމިކްރޯން ފެތުރުން ހަލުވި، ވެކްސިންގެ ބާރު ދަށްވޭ
ދެން އުފެދޭ ކޮވިޑް ވައިރަސް ފެތުރުން މާ ހަލުވި ވެދާނެ
އޮމިކްރޯން އާއި ޑެލްޓާއިން ކޮވިޑްގެ ސުނާމީއެއް އުފެދެނީ
އެމެރިކާގައި އޮމިކްރޯންގެ ނިސްބަތް 73 ޕަސެންޓަށް
އޮމިކްރޯން ފެތުރެނީ ހީނުކުރާހާ ހަލުވިކޮށް
ބަލިމަޑުކަން ނިމުމުގެ ކޮޅުމަތި އެބަ ފެނޭ: ޑަބްލިއެޗްއޯ
ކޮވިޑް ވެކްސިނުން ޔޫރަޕްގެ މިލިއަން މީހުން ސަލާމަތްވި
ކޮވިޑްގެ އަސްލު ވައިރަސް މިހާރަކު ނުފެނޭ
ތައިވާނުން ކަރަންޓީނު އުވާލައި ޓޫރިޒަމަށް ހުޅުވައިލަނީ
އެމެރިކާއިން ކޮވިޑްގެ ވަބާއީ ހާލަތު ފިލައިފި: ބައިޑެން