ހިބަރެއްގެ ތުންގަނޑު މެޔަށް ހެރިގެން ޒުވާނަކު މަރުވެއްޖެ

ބ. މާޅޮހުން ސްނޯކްލިން އަށް ގޮސް އުޅުނު މީހެއްގެ މެޔަށް ހިބަރެއްގެ ތުންގަނޑު ހެރިގެން މިއަދު މަރުވެއްޖެ އެވެ.

ފުލުހުން ބުނީ އެ ހާދިސާގައި މަރުވެފައި ވަނީ އުމުރުން 33 އަހަރުގެ ދިވެހި ފިރިހެނެއް ކަމަށެވެ. އެނގިފައިވާ ގޮތުގައި އޭނާ އަކީ މާލެ އަށް އުފަން، އާދަމް އިގުދާން ނަމަކަށް ކިޔާ ޒުވާނެކެވެ.

ސްނޯކްލިންގައި އުޅެނިކޮށް ހިބަރެއްގެ ތުންގަނޑު ހެރިފައި ވަނީ އޭނާގެ ހިތާ ދިމާލަށް ކަމަށާއި އޭނާ އަށް ފަރުވާ ދިނުމަށް މިއަދު ހަވީރު 4:10 ގައި ބ. އަތޮޅު ހޮސްޕިޓަލަށް ގެންގޮސްފައިވާ ކަމަށް ފުލުހުން ބުންޏެވެ.

ބ. އަތޮޅު ހޮސްޕިޓަލުން ބުނީ އެ މީހާ ހޮސްޕިޓަލަށް ގެނައި އިރު ވެސް މަރުވެފައިވާ ކަމަށެވެ.

މި ހާދިސާ ހިނގި ގޮތުގެ ތަފްސީލެއް އަދި ނުލިބެ އެވެ.