ކައިލީގެ ދަރިފުޅަށް ހަދިޔާއަކަށް ސްކޫލް ބަހެއް

ކައިލީގެ ދަރިފުޅަށް ސްކޫލް ބަހެއް ހަދިޔާއަކަށް ދިނުމުން ފާޑުކިޔަނީ

27 އޯގަސްޓް 2021

އެމެރިކާގެ މަޝްހޫރު ސެލެބްރިޓީ ވިޔަފާވެރިޔާ ކައިލީ ޖެނާގެ ތިން އަހަރުގެ އަންހެން ދަރިފުޅު ސްޓޯމީ އަށް ބޮޑު ސްކޫލް ބަހެއް ހަދިޔާއަކަށް ދިނުމުން ސޯޝަލް މީޑިއާގައި ފާޑުކިޔަން ފަށައިފި އެވެ.

އަހުމަދު އަދްޝަން

ރީނދޫ ކުލައިގެ ބަހުގެ އެތެރެ އާއި ބޭރުގައި ސްޓޯމީއާ އެކު ނަގާފައިވާ ފޮޓޯތަކެއް އިންސްޓަގްރާމް ސްޓޯރީގައި ހިއްސާކޮށް ކައިލީ ބުނީ އެ ބަހަކީ ދަރިފުޅުގެ ބައްޕަގެ ފަރާތުން ލިބުނު ސަޕްރައިޒް ހަދިޔާއެއް ކަމަށެވެ.

Kylie and Travis buying Stormi a yellow school bus because all she wanted to do was be a normal kid and ride on one is the most dystopian, surreal, depressing, and funny thing I’ve ever seen pic.twitter.com/Vx9CUmGNep
— Emily (@emilybernay) August 24, 2021

ކައިލީގެ އެ ޕޯސްޓްތަކާ އެކު ވަރަށް ގިނަ ބަޔަކު އެކަމަށް ފާޑުކިޔައި ބުނެފައި ވަނީ ކުދިންނާ އެކަށީގެން ނުވާ ވަރުގެ ބޮޑެތި ހަދިޔާތައް ދެނީ ދެއްކުންތެރިކަމުގެ ގޮތުން ކަމަށެވެ. އަދި އެފަދަ ހަދިޔާތައް ދަރިފުޅަށް ދޭ ވާހަކަ އާންމުކުރަނީ ވެސް އެ މީހުންގެ ތަނަވަސްކަމާއި ނުފޫޒު ހާމަކުރަން ކަމަށް ބައެއް މީހުން ބުންޏެވެ.

I think labeling riding a school bus as a "poor people" thing in the context of Kylie Jenner's daughter Stormi wanting to ride one is incredibly disrespectful to kids who ride school busses. It's a neutral life experience and doesn't need to be laughed at as a mark of poverty.
— Meghan Robins (@megbrobins) August 25, 2021

ޓްވިޓާގައި މިކަމަށް ފާޑުކީ ބައެއް މީހުން ބުނި ގޮތުގައި މިއީ ބަހުގައި ސްކޫލަށް ކުދިން ފޮނުވާ އާދައިގެ ބެލެނިވެރިންނަށް ކުރި ފުރައްސާރައެކެވެ. އަދި އެންމެ ކުއްޖަކަށް ސްކޫލް ބަހެއް ހަދިޔާއަކަށް ދިނުމަކީ ބޮޑުވަރު ކަމަށް ވެސް ބުނެފައިވެ އެވެ.

rich people are literally so far from reality they bought a school bus for stormi to sit on pic.twitter.com/Fa4wTJOvB4
— bd (@biancadanello) August 24, 2021

މީގެ ކުރިން ކައިލީ، 24، ދަރިފުޅަށް އަގުބޮޑު ޖަވާހިރު އަނގޮޓިއެއް ހަދިޔާކުރުމުން ވެސް ގިނަ ބައެއްގެ ފާޑުކިޔުންތައް އަމާޒުވި އެވެ.