ދިރާގުގެ "އާރްބީ ކުއެސްޓް" ގޭމް ކުޅެގެން އިނާމް ހޯދުމުގެ ފުރުސަތު

ދިރާގުގެ "އާރްބީ ކުއެސްޓް" ގޭމް ކުޅެގެން ގިނަ އިނާމުތަކެއް ހޯދުމުގެ ފުރުސަތު ހުޅުވާލައިފި އެވެ.

ރާއްޖޭގެ ފުރަތަމަ އޮގްމަންޓެޑް ރިއަލިޓީ ގޭމް "އާރްބީ ކުއެސްޓް" އަނެއްކާ ވެސް މިވަނީ ކަސްމަރުންނާ ހަމައަށް އައިސްފަ އެވެ. މިފަހަރު މި ގޭމަށް އިތުރު ފީޗާތައް ވެސް ވަނީ އިތުރު ކޮށްފަ އެވެ. މި ގޭމް ދިރާގުން ރީ-ލޯންޗުކޮށް ފެށި ޕްރޮމޯޝަންގެ ދަށުން ދިރާގުގެ މޯބައިލް ހުރިހާ ކަސްޓަމަރުންނަށް ބައިވެރިވެވޭނެ އެވެ.

މި ގޭމުގައި ޖެހޭނީ ފޯނު ކެމެރާ ބޭނުންކޮށްގެން އެކި ސަރަހައްދުތަކުން ރާޅު ބިސް ހޯދާށެވެ. މިކަން ކުރުމުގައި "ކަލޯ" ނަމަކަށް ކިޔާ ކެރެކްޓާއެއް ޕްލެޔަރުންނަށް އެހީތެރިވާނެ އެވެ. އަލަށް ގެނައި ވާޝަންގައި ޕްލެޔަރުންނަށް އެހީވާ އޭއާރްގެ އިތުރު ފީޗާސް ހިމެނެ އެވެ. މި ގޭމާ އެކު ފުރަތަމަ ތިން މަހުގައި ދިރާގުގެ މަމެން ކަސްޓަމަރުންނަށް ބޯނަސް ޑޭޓާ ގޭމް ޕްލޭ އިން މަމެން އެޕަށް ޓްރާންސްފާ ކުރެވޭނެ އެވެ.

މި ގޭމުން އެންމެ ގިނަ ޕޮއިންޓް ހޯދާ ކަސްޓަމަރުންނަށް އައިޕޯން 12 ޕްރޯ މެކްސް ގެ (128ޖީބީ) ފޯނެއް ލިބޭނެ އެވެ. ދެވަނަ އަށް ހޮވޭ ޕްލެޔާ އަށް ސެމްސަންގް ގެލެކްސީ އެސް 20 އަލްޓްރާ އެއް ލިބޭ އިރު ތިން ވަނަ އަށް ހޮވޭ މީހަކަށް ސެމްސަންގް ގެލެކްސީ އެސް 20 ޕްލަސް އެއް ލިބޭނެ އެވެ.

"އާރުބީ ކުއެސްޓް" ގޭމް ގޫގުލް ޕްލޭސްޓޯރުންނާއި އެޕަލްގެ ސްޓޯރުން ޑައުންލޯޑް ކުރެވޭނެ އެވެ.