އަންހެން ވެރިން ތިބޭ ކުންފުނިތަކުގެ ފައިދާ މާ ބޮޑު

29 ޖުލައި 2020

އިސް ވެރިންގެ ގޮތުގައި އަންހެނުން ތިބޭ ކުންފުނިތަކުގެ އުފެއްދުންތެރިކަން މާ ބޮޑަށް ވެސް ރަނގަޅު ކަމަށާއި އެފަދަ ކުންފުނިތަކުގެ ފައިދާ ވެސް އެ ނޫން ކުންފުނިތަކާ އަޅާބަލާ އިރު 10 ގުނަ ރަނގަޅު ކަމަށް އިނގިރޭސިވިލާތުގައި ހެދި ދިރާސާ ރިޕޯޓެއްގައި ބުނެފި އެވެ.

އަހުމަދު އަދްޝަން

ދަ ޕައިޕްލައިނުން ނެރުނު "ވިމެން ކައުންޓް 2020 ރިޕޯޓް" އެކުލަވާލާފައި ވަނީ ޔޫރަޕްގެ އެންމެ ކުރިއަރާފައިވާ ގައުމުތަކުގެ ތެރޭގައި ހިމެނޭ އިނގިރޭސިވިލާތުގެ ހިއްސާގެ ބާޒާރުގައި ލިސްޓްކޮށްފައިވާ ލަންޑަނުގެ 350 ކުންފުންޏެއްގެ ހާލަތު ދެނެގަތުމަށް ފަހު އެވެ. އެގޮތުން ފާހަގަކުރެވުނު އެންމެ މުހިއްމު ކަމަކީ ކުންފުނިތަކުގެ އެކްޒެކެޓިވް ފެންވަރުގެ މަގާމުތަކުގައި ނުވަތަ ކަންކަން ނިންމޭ ފެންވަރުގެ މަގާމުތަކުގެ ތިންބައިކުޅަ އެއް ބަޔަކީ އަންހެނުން ނަމަ އެފަދަ ކުންފުނިތަކުގެ ފައިދާ އެ ނޫން ކުންފުނިތަކާ އަޅާބަލާ އިރު ބޮޑުކަމެވެ.

އެކަމަކު ފާހަގަކުރެވޭ ކަމަކީ 350 ކުންފުނީގެ ތެރެއިން ވެރިންގެ ފެންވަރުގައި މަސައްކަތްކުރާ އަންހެނުން ތިބި ކުންފުނިތައް ނިސްބަތުން ވަރަށް މަދުކަމެވެ. އެއީ އެންމެ 14 ކުންފުންޏެވެ. އަދި 15 ޕަސަންޓް ކުންފުނިތަކަކީ ކަންކަން ނިންމޭ ފެންވަރުގެ މަގާމެއްގައި އެންމެ އަންހެނަކު ވެސް ނެތް ކުންފުނިތަކެވެ.

Female bosses could help firms to reap 10 times more profit, research shows ⁦⁦@Lornfit⁩ explains in today’s ⁦@Independent⁩ #WomenCount2020 #WomeninBusiness #Diversity #Inclusion #equality #ukplc #boards #leadership #femaleleaders https://t.co/vrFqshVKQK
— The Pipeline (@execpipeline) July 27, 2020

ޕައިޕްލައިންގެ އެއް ބާނީ ލޯނާ ފިޓްޒްސައިމަންސް ވިދާޅުވި ގޮތުގައި ވެރިންގެ ފެންވަރުގައި އަންހެނުން ތިބޭ ނަމަ ކުންފުނިތައް ހިންގުން ބައްޓަންކުރަން ފަސޭހަވަ އެވެ.

"އެއާ އެކު ދެވޭ ހިދުމަތްތައް ރަނގަޅުވުމާއި ހިދުމަތްތައް ހޯދާ މީހުންގެ ބޭނުންތަކާ އެއްގޮތަށް ހިދުމަތްތައް ބައްޓަންކުރަން މަގުފަހިވޭ." އޭނާ ވިދާޅުވި އެވެ.

“Every single male CEO who looks around his board table to see nine out of ten male faces staring back at him needs to ask himself what he is doing to make his business one which his daughter or granddaughter can get on in” Thank you @theresa_may pic.twitter.com/1CsshWiz8I
— The Pipeline (@execpipeline) July 27, 2020

ރިޕޯޓްގައި ފާހަގަކޮށްފައިވާ ގޮތުގައި އެކްޒެކެޓިވް ފެންވަރުގެ މަގާމުތަކުގައި އަންހެނަކު ނެތް ކުންފުނިތަކަށް ބަލާ އިރު، އެ ކުންފުނިތަކުގެ އަހަރީ ފައިދާ އާންމުކޮށް އުޅެނީ 1.5 ޕަސެންޓްގަ އެވެ. އެކަމަކު އަންހެނުން ދައުރު ބޮޑު ކުންފުނިތަކުގެ އަހަރީ ފައިދާ އެވްރެޖްކޮށް 15.2 ޕަސެންޓަށް އަރާ ކަމަށް ބުންޏެވެ.

މީގެ އިތުރުން ލަންޑަނުގެ އެންމެ ވަރުގަދަ 100 ކުންފުންޏަށް ބަލާއިރު، ޗީފް ފައިނޭޝަނަލް އޮފިސަރު (ސީއީއޯ) ގެ މަގާމުގައި ތިބީ ކޮންމެ 10 ފިރިހެނުންގެ ތެރެއިން ދެ އަންހެނުންނެވެ. އަދި އިންވެސްޓްމަންޓް މެނޭޖަރުންގެ 96 ޕަސެންޓަކީ ފިރިހެނުންނެވެ.

ރިޕޯޓުން ދައްކާ ގޮތުގައި އަންހެނުންގެ ދައުރު އެކްޒެކެޓިވް ފެންވަރުގައި އެންމެ ކުޑަ ދާއިރާތަކަށް ބަލާ އިރު، އޭގެ ކުރީގައި އުޅެނީ އިމާރާތްކުރުމުގެ ދާއިރާ އާއި ރިޓެއިލް ވިޔަފާރީގެ ދާއިރާ އެވެ.

"އެކަމަކު ވަރަށް ފާހަގަކުރެވޭ ކަމެއް ރިޓެއިލް ވިޔަފާރީގެ އެންމެ އާދައިގެ ވަފީޒާތަކުގައި އުޅޭ އަންހެނުންގެ އަދަދު އިތުރުކަން. އެ ނިސްބަތް އަރާ އަށްޑިހަ ޕަސަންޓަށް އަރާ،" ލޯނާ ވިދާޅުވި އެވެ. "އެކަމަކު އެ ދާއިރާ އިން އެ މީހުންނަށް އެކްޒެކެޓިވް ލެވެލްއަކަށް ނުދެވޭ."

ޕައިޕްލައިންގެ ދިރާސާ ރިޕޯޓަށް ފަންނީ އެހީދެއްވި އިނގިރޭސިވިލާތުގެ ކުރީގެ އަންހެން ބޮޑުވަޒީރު ތެރީޒާ މޭ ވިދާޅުވި ގޮތުގައި ކުންފުނިތަކުގެ ވެރިންގެ ފެންވަރުގައި އަންހެނުން ތިބުމުގެ މުހިއްމުކަން މިހާރު ވަރަށް ސާފުކޮށް ފެންނަން އެބައޮތެވެ. އެހެންވެ ކުންފުނިތަކުގެ ބޯޑްގައި 10 ފިރިހެނުން ތިބޭ ނަމަ އެއީ އެފަދަ ކުންފުނިތަކުން މިހާރު ސީރިއަސްކޮށް ވިސްނަންވެއްޖެ ކަމެއް ކަމަށް ވިދާޅުވި އެވެ.

"މިއީ އެފަދަ ބޯޑްތަކުގައި ތިބޭ ފިރިހެނުން އެ މީހުންގެ އަންހެން ދަރިންނާއި ދަރިންގެ އަންހެން ދަރިން ކުރިއަށް ނެރުމާ ދޭތެރޭ ވިސްނަންވީ ވަގުތު." އޭނާ ވިދާޅުވި އެވެ.

Comments