ލައިފް ސަޕޯޓުން "ޕްރިމް އޯތޮޕީޑިއާ"ގެ އުފެއްދުންތައް ތައާރަފު ކޮށްފި

މަޝްހޫރު ގިނަ ބާވަތްތަކުގެ އޯތޮޕީޑިކް އުފެއްދުންތައް ތައްޔާރުކުރާ "ޕްރިމް އޯތޮޕީޑިއާ"ގެ އުފެއްދުންތައް ލައިފް ސަޕޯޓުން ރާއްޖެ އަށް ތައާރަފު ކޮށްފި އެވެ.

ސާޅިސް އަހަރުގެ ތަޖުރިބާ ލިބިފައިވާ "ޕްރިމް އޮތޯޕީޑިއާ"އަކީ ހަށިގަނޑުގެ ހުޅުތަކުގެ ރައްކާތެރިކަމަށާއި އަދި އެހެނިހެން ގުނަވަންތަކަށް ބޭނުންވާ އެކިއެކި އުފެއްދުންތައް ޑޮކްޓަރުންގެ އިރުޝާދާ އެކު އުފައްދަމުން އަންނަ ކުންފުންޏެކެެވެ. މީގެ ތެރޭގައި ފަޔާއި އެތެރެ ހައްޓަށް ލައްވާ "އިންޕްލާންޓަބަލް" ސިއްހީ އުފެއްދުންތަކާއި ތަފާތު އޮޕަރޭޝަންތަކަށް ފަހު، ރަނގަޅުވާން ބޭނުންވާ ވަސީލަތްތަކާއި ފިޒިއޮތެރަޕީ އަދި ސްޕާގެ އުފެއްދުންތައް ހިމެނެ އެވެ.

ޕްރިމް އޯތޮޕީޑިއާގެ އަމާޒަކީ ހަށިގަނޑުގެ ރައްކާތެރިކަމާއި ދުޅަހެޔޮކަމަށް އުފެއްދުންތެރި، ނަތީޖާ ދައްކުވައިދޭ އަދި ކަސްޓަމަރުންނަށް އިތުބާރު ކުރެވޭ ބާވަތްކަތުގެ ޕްރޮޑަކްޓްސް މާކެޓަށް ނެރުމެވެ. އެގޮތުން އެ ކުންފުނީގެ އުފެއްދުންތަކުގެ ތެރޭގައި ކުޅިވަރު ކުޅޭ މީހުންނަށް ހާއްސަ "އެކްޓިވޯ" އާއި "ނިއޯޕްރެއާ" އާއި "އެއާޓެކްސް މޮޓިއޯ" ބްރޭންޑުގެ ހުޅުގާޑުތަކާއި އާންމުކޮށް ބޭނުންކުރުމަށް "އެކްޓިވޯ ސްކިން" ބްރޭންޑުގެ ހުޅުގާޑު ހިމެނެ އެވެ.

ޕްރިމް އޯތޮޕީޑިއާގެ އުފެއްދުންތަކުގެ ތެރެއިން ކުޑަކުދިންނަށް ހާއްސަ ކޮށްގެން އުފައްދާފައިވާ "މައިޕްރިމް ކިޑްސް"ގެ ބާވަތްތަކަކީ ޔޫރަޕްގެ ގިނަ ސަރަހައްދުތަކުގައި ތަރުހީބު ބޮޑު އުފެއްދުންތަކެކެވެ.

މި އުފެއްދުންތަކުގެ ސަބަބުން، އުނދަގޫ ކަމެއް ނެތި ރައްކާތެރިކަމާއެކު، ހެލިފެލިވެ އުޅުމަށް ބޮޑު އެހީއަކަށް ވެ އެވެ.

ޕްރިމްގެ އުފެއްދުންތައް ލިބެން ހުންނާނީ މަޖީދީ މަގުގަ އާއި ކަނބާ އައިސާ ރަނި ހިނގުމުގައި ހުންނަ ލައިފް ސަޕޯޓުގެ ފާމަސީތަކުންނެވެ.