އައްޑޫގައި ވެސް ފިތުރު ޒަކާތް ބަލައިގަންނާނީ އޮންލައިންކޮށް

އައްޑޫގައި ވެސް އޮންލައިންކޮށް މާދަމާ އިން ފެށިގެން ފިތުރު ޒަކާތް ބަލައިގަންނަން ފަށާނެ ކަމަށް އައްޑޫ ސިޓީ ކައުންސިލުން ބުނެފި އެވެ.

އެތަނުން ބުނި ގޮތުގައި ފިތުރު ޒަކާތް ބަލައިގަތުން ކުރިއަށް ދާނީ މާދަމާ އިން ފެށިގެން، އަންނަ މަހުގެ 2 ވަނަ ދުވަހާ ހަމައަށް ކޮންމެ ދުވަހެއްގެ މެންދުރު 12:00 އާ ހަމައަށެވެ.

ކައުންސިލުން ބުނީ ފިތުރު ޒަކާތަށް ދައްކާ ފައިސާ ޖަމާކުރާނީ 1277-Kharadhu 2 ގެ ނަމުގައި ހުޅުވާފައިވާ 7708700341004 އެކައުންޓް ނަމްބަރަށް ކަމަށެވެ. އަދި ފައިސާ ޖަމާކުރުމަށް ފަހު ސްލިޕް ވައިބަކުރެވޭނެ ނަމްބަރުތަކެއް ވެސް ވަނީ ހަމަޖައްސައިފަ އެވެ. ސްލިޕް ފޮނުވާ އިރު ފައިސާ ދެއްކި މީހުންގެ އަދަދާއި، ރޭޓް އަދި ފައިސާ ދެއްކި މީހާގެ ނަމާއި އެޑްރެސް ހިއްސާކުރަން ޖެހެ އެވެ.

ސްލިޕް ފޮނުވަން ޖެހޭ ނަމްބަރުތަކަކީ ހިތަދޫ އަވަށް 9494495، މަރަދޫ އަވަށް 7900621، މަރަދޫ ފޭދޫ އަވަށް 7651634، ފޭދޫ އަވަށް 7902809، ހުޅޫދޫ އަވަށް 7938600 އަދި މީދޫ އަވަށް 7842725 އެވެ.

ފިތުރު ޒަކާތުގެ މިންވަރަކީ މީހަކަށް 2.4 ކިލޯގެ ގޮވާމުގެ މިންވަރެވެ. ޒަކާތް ނެރޭނީ އެ ބަޔަކު އަހަރުތެރޭގައި އާންމުކޮށް ކައި އުޅުނު ބާވަތްތަކުން (ގޮވާމުން) އެ އަވަށެއްގައި 2.4 ކިލޯގެ މިންވަރެވެ. ނުވަތަ އެ އަދަދަށްވާ އަގެވެ.

* އާދައިގެ ހަނޑުލުން ނަމަ މީހަކަށް 12ރ.

* ތައިލެންޑް ހުދު ހަނޑުލުން ނަމަ މީހަކަށް 31ރ.

* ބާސްމަތީ މޮޅު ހަނޑުލުން ނަމަ މީހަކަށް -55ރ.

* ރަތްހަނޑުލުން ނަމަ މީހަކަށް 62ރ.

* އާދައިގެ ފުށުން ނަމަ މީހަކަށް 9ރ.