03 އެޕްރީލް 2020
އަމްސްޓަޑަމް (އޭޕްރީލް 3) - ކޮރޯނާވައިރަސް ފެތުރޭތީ ހުއްޓާލާފައިވާ ފުޓްބޯޅަ ސީޒަން ކުރިއަށްގެންދަން މަސައްކަތްކުރާއިރު އަމަލުކުރަންޖެހޭނީ ރަނގަޅު އުސޫލުގެ ތެރެއިން ކަމަށާއި އެމެރިކާގެ ރައީސް ޑޮނާލްޑް ޓްރަމްޕް އަމަލުކުރައްވާ ގޮތަށް އަމަލުނުކުރަން އަޔަކްސްގެ ސްޕޯޓިން ޑިރެކްޓަރު މާކް އޯވަމާސް އެދިއްޖެ އެވެ.
އަމްސްޓަޑަމް (އޭޕްރީލް 3) - ކޮރޯނާވައިރަސް ފެތުރޭތީ ހުއްޓާލާފައިވާ ފުޓްބޯޅަ ސީޒަން ކުރިއަށްގެންދަން މަސައްކަތްކުރާއިރު އަމަލުކުރަންޖެހޭނީ ރަނގަޅު އުސޫލުގެ ތެރެއިން ކަމަށާއި އެމެރިކާގެ ރައީސް ޑޮނާލްޑް ޓްރަމްޕް އަމަލުކުރައްވާ ގޮތަށް އަމަލުނުކުރަން އަޔަކްސްގެ ސްޕޯޓިން ޑިރެކްޓަރު މާކް އޯވަމާސް އެދިއްޖެ އެވެ.
ޔޫރަޕްގެ ފުޓްބޯޅަ އިދާރާ ޔުއެފާއާ އެކު ގައުމުތަކުގެ ފުޓްބޯޅަ އެސޯސިއޭޝަންތަކުން ބޭއްވި ވީޑިއޯ ކޮންފަރެންސް އަށް ފަހު ނެދަލެންޑްސްގެ އެފްއޭ އިން އާންމުކުރި ބަޔާނެއްގައި ބުނެފައިވަނީ މަޝްވަރާކުރެވުނު ޝެޑިއުލާ އެއްގޮތަށް ލަސްވެގެން ފުޓްބޯޅަ ސީޒަން ޖޫން މަހުގެ މެދު ތެރޭގައި ފަށައި އޮގަސްޓް ތިން ވަނަ ދުވަހުގެ ކުރިން ނިންމާލުމަށެވެ. މި ބައްދަލުވުމުގައި ޔުއެފާ އިން ވަނީ ސީޒަން އެއްކޮށް ނިންމަން ވަރަށް ބޮޑަށް ބާރުއަޅައިފަ އެވެ.
މިކަމާ މެދު ވަރަށް ބޮޑަށް ހިތްހަމަނުޖެހި، ކުރިން އާސެނަލާއި ބާސެލޯނާ އަށް ކުޅުނު އޯވަމާސް ވަނީ ޔުއެފާ އާއި ނެދަލެންޑްސް އެފްއޭ އަށް ވަރަށް ބޮޑަށް ފާޑުކިޔައިފަ އެވެ. އޯވަމާސް ބުނީ މީހުންގެ ސިއްހަތަށް ވުރެ މުހިއްމު އެއްވެސް ކަމެއް އޮވެގެން ނުވާނެ ކަމަށެވެ.
"އަހަންނަށް ހީވަނީ ޔުއެފާގެ ޕްރެޝަރާ ހެދި ގައުމުތަކަށް މަޖުބޫރުވެފައި މި އޮތީ ލީގު ފުރިހަމަކުރަން. އަހަންނަށް ނެދަލެންޑްސް އެފްއޭ އާއި ޔުއެފާގެ މި އަމަލުތަށް ފެންނަނީ މީގެ ހަފްތާއެއްހާ ދުވަސްކުރިން އެމެރިކާގެ ރައީސް ޑޮނާލްޑް ޓްރަމްޕް އުޅުއްވިހެން. އޭރު ޓްރަމްޕަށް ވެސް މުހިއްމުވީ ކޮރޯނާވައިރަސްއާ ގުޅިގެން މީހުންގެ ސަލާމަތަށް ވުރެން އެމެރިކާގެ އިގްތިސޯދު. މިހެން ވެގެން ނުވާނެ،" އޯވަމާސް ބުންޏެވެ.
ޔުއެފާ އިން ކޮންމެ ގޮތަކަށް އެންގި ކަމުގައި ވިޔަސް ނެދަލެންޑްސް އެފްއޭ އިން މިނިވަން ބައެއްގެ ގޮތުގައި ތިބެ ނަމަވެސް ހުރިހާ ފަރާތަކަށް އެންމެ ރަނގަޅު އަދި އިންސާފުވެރިގޮތަށް ކަންތައްތައް ނިންމަން އޯވަމާސް ގޮވާލި އެވެ.
"އަހަރެމެން މި ތިބީ ނެދަލެންޑްސްގައި. އަހަންނަށް އެނގޭ. އަހަރެމެންނަކީ ޓީވީ ރައިޓްސް ވިއްކައިގެން ލިބޭ އާމްދަނީ އަށް އެހާ ބޮޑަށް ބަރޯސާވެގެން ކްލަބްތައް ހިންގާ ބައެއް ނޫން. މިނިވަންކޮށް ތިބެ ވެސް ނެދަލެންޑްސް އެފްއޭ އިން ރަނގަޅު ނިންމުމެއް ނިންމަން ޖެހޭ. ފެންނަން އޮތް ހަގީގަތަކީ ކޮރޯނާވައިރަސް ޖެހިގެން ކޮންމެ ދުވަހަކު ވެސް ނެދަލެންޑްސްގެ 100 އަށް ވުރެން ގިނަ މީހުން މަރުވަމުންދާކަން،" ނެދަލެންޑްސް ގައުމީ ޓީމަށް ކުރިން ކުޅުނު އޯވަމާސް ބުންޏެވެ.
އޯވަމާސް ވަނީ މި ފަހަރުގެ ފުޓްބޯޅަ ސީޒަން އިތުރަށް ކުރިއަށް ނުގެންދިއުމަށް ނުސީދާ ގޮތަކަށް ގޮވާލައިފަ އެވެ.
ކޮވިޑް-19 އަށް މިހާތަނަށް ނެދަލެންޑްސްގެ 14،700 މީހުން ޕޮޒިޓިވްފައިވާއިރު، 1340 މީހުން ވަނީ މަރުވެފަ އެވެ. އަދި 250 މީހުން ވަނީ މި ބަލިން ރަނގަޅުވެފަ އެވެ.
ޓެން ހަގް ނެތި އަޔެކްސް އޮޔާ ދަނީ
ސީޒަން ނިންމާލައި ޓެން ހަގް ޔުނައިޓެޑުގެ މަސައްކަތަށް
ޔުނައިޓެޑާ ހަވާލުވާ ޓެން ހަގްއަށް ޑަޗް ކަޕް ގެއްލިއްޖެ
ނެދަލެންޑްސްގެ ލީގު ކެންސަލްކުރުމުގެ ފުރުސަތު ބޮޑު
ޔޫރަޕްގެ ޗެމްޕިއަންކަން ސްޕެއިން ހޯދައިފި
އެންޓޯނިއަން ޕެނެންކާ ޖެހި ދުނިޔޭގެ އެއްވަނަ ޕެނަލްޓީ
ރޮނާލްޑޯއާ ބައްދަލުކުރަން ދަނޑަށް އެރުމުން ތަހުގީގަށް
ބޮއިކޮޓަށް ގޮވިޔަސް ޔޫރޯގައި ގިނައީ ޗައިނާ ކުންފުނިތައް
އޮލިމްޕިއާކޯސްއަށް ކޮންފަރެންސް ލީގު ކާމިޔާބު
ޔޫރޯގެ ފައިނަލް މެޗު ބަލަން ޖަރުމަނަށް ފޮނުވަނީ