ގޫގްލްގެ ބަގް ހޯދުމުން ދޭ އިނާމު 1.5 މިލިއަން ޑޮލަރަށް ބޮޑުކޮށްފި

ގޫގްލް އިން ނެރޭ ސްމާޓްފޯންތަކުގައި ޓެކްނިކަލް އެއްވެސް ބާގަނޑެއް ނުވަތަ ބަގެއް ހުރި ނަމަ އެކަން ކުންފުނީގެ ސަމާލުކަމަށް ގެނެސްދީ އެކަން ހައްލުކުރަން ޓެކްނިކަލް ސަޕޯޓް ފޯރުކޮށްދޭ މީހުންނަށް ދޭ ފައިސާގެ އިނާމު ބޮޑުކޮށްފި އެވެ.

ގޫގްލް އިން ނެރޭ ޕިކްސެލް ސީރީޒްގެ ފޯނުތަކުގައި ހުންނަ އެކި ކަހަލަ ޓެކްނިކަލް މައްސަލަތައް ފާހަގަކޮށްދޭ މީހުންނަށް މީގެ ކުރިން އިނާމެއްގެ ގޮތުގައި ދެމުން އައީ 200،000 ޑޮލަރެވެ. ނަމަވެސް އެ ކުންފުނީގެ އެންމެ ފަހުގެ ފޯނުގެ ޓައިޓަން އެމް ސިކިއުރިޓީ ޗިޕްގައި އެއްވެސް ކަހަލަ ބާގަނޑެއް ހުރި ނަމަ އެކަން ފާހަގަކޮށްދޭ މީހަކަށް ދޭ އިނާމުގެ އަގު މިހާރު ވަނީ 1.5 މިލިއަން ޑޮލަރަށް ހިއްލާލައިފަ އެވެ.

ގޫގްލްއާ ހަވާލާދީ ބީބީސީން ބުނިގޮތުގައި 2015 އިން ފެށިގެން އެ ކުންފުނިން ވަނީ ބަގްތައް ސަމާލުކަމަށް ގެނެސްދީ ހައްލު ހޯދައިދޭން މަސައްކަތްކުރާ ފަރާތްތަކަށް އިނާމުގެ ގޮތުގައި 4 މިލިއަން ޑޮލަރަށް ވުރެ ބޮޑު އަދަދެއް ހޭދަކޮށްފަ އެވެ.

ނަމަވެސް މިކަމާ ގުޅިގެން، ޓެކްނޮލޮޖީގެ ދާއިރާގައި މަސައްކަތްކުރާ ބައެއް ފަރާތްތަކުން ވަނީ ކަންބޮޑުވުންފާޅުކޮށްފަ އެވެ. އެއީ ފައިސާގެ ބޮޑު އިމާނެއްގެ ދަހިވެތިކަމުގެ ނާޖާއީޒު ފައިދާ ނަގައިފާނެ ކަމުގެ ބިރު ވެސް އޮތުމެވެ.

ގޫގްލް އަކީ މިކަހަލަ މަސައްކަތްތަކުގައި ފައިސާގެ އިނާމުދޭ ހަމައެކަނި ކުންފުންޏެއް ނޫނެވެ. އެޕަލް އާއި ސެމްސަންގާއި ފޭސްބުކާއި ބަޒްފީޑް ފަދަ ކުންފުނިތަކުން ވެސް ކަސްޓަމަރުންގެ ސެކިއުރިޓީއާ ގުޅުން ހުރި ޓެކްނިކަލް މައްސަލަތައް ފާހަގަކޮށްދޭ މީހުންނަށް ފައިސާގެ އިނާމު ދެ އެވެ.