އައްޑޫ ވިއްސާރައިގައި 50 ގެއަކަށް ގެއްލުން

އައްޑޫ ވިއްސާރައިގައި 50 ގެ އަކަށް ފެން ވަދެ، ގެއްލުންތަކެއް ވެއްޖެ

12 އޮކްޓޯބަރ 2019

އައްޑު އަށް މިހާރު ކުރަމުންދާ ވިއްސާރައިގައި މިހާތަނަށް 50 ވަރަކަށް ގެ އަށް ފެން ވަދެ އެކި ވަރުގެ ގެއްލުންތައް ވެފައިވާ ކަމަށް އައްޑޫ ސިޓީ ކައުންސިލުން މިއަދު ބުނެފި އެވެ.

ސ. ފޭދޫން އަހުމަދު އަދްޝަން

ކައުންސިލުން ބުނީ ގެއްލުންވި ގެތަކުގެ ހާލަތު އިތުރަށް ބަލަމުން އަންނަ ކަމަށާއި ދެ ގެ އެއްގައި ނޫޅެވޭ ވަރަށް ފެންވަދެފައި ވާތީ އެ ގެތަކުގެ މީހުން މިހާރު އެހެން ތަނަކަށް ބަދަލުކޮށްފައިވާ ކަމަށެވެ. އަދި ފެން ހިންދުމުގެ މަސައްކަތާއި ފެން ވަނަ ނުދިނުމަށް ވެލި ބަސްތާ ޖެހުން ފަދަ މަސައްކަތްތައް އަންނަނީ އެމްއެންޑީއެފް ސަދަން ކޮމާންޑާއި އައްޑޫގައި ތިބޭ ފުލުހުންނާއި އައްޑޫގެ އެހެން މުއައްސަސާތައް ގުޅިގެން ކުރަމުންނެވެ.

ކައުންސިލުން ބުނިގޮތުގައި، ވިއްސާރައިގައި ލިބުނު ގެއްލުންތަކުގެ މައުލޫމާތު އަންނަނީ އެއްކުރަމުންނެވެ. ހަމަ އެއާ އެކު، އެކަމާ ބެހޭ މައުލޫމާތު ވެސް އެހެން ފަރާތްތަކުން ހިއްސާކުރަން ކައުންސިލުން އެދެ އެވެ. އަދި އެމްއެންޑީއެފާއި ފޮލިހާއި ޑިޒާސްޓާ މެނޭޖްމަންޓް އޮތޯރިޓީ އާއި ހެޔޮއެދޭ ފަރާތްތަކުގެ އެހީގައި އެހީތެރިކަން ބޭނުންވާ މީހުންނަށް އެހީ ފޯރުކޮށްދިނުމުގެ މަސައްކަތް ކުރާ ކަމަށް ވެސް ކައުންސިލުން ބުނެ އެވެ.

Addu ah kuramundhaa vissaaraigaa geyge ah fen vadhe gellunthakeh dhany libemun. Councillaai kamaabehey idhaaraathah gulhigen vissaaraiga gellun libey faraaiythakah ehy vumuge masahkaiy dhany kuriyah pic.twitter.com/TRNlF7aRUW
— Addu City Council (@AdduCityCouncil) October 12, 2019

ރެއިން ފެށިގެން އައްޑު އަށް ބޯކޮށް ވާރޭ ވެހި، އަވަށްތަކުގެ މަގުތަކުގައި ވެސް ވަރަށް ބޮޑަށް ފެންބޮޑުވެފައިވެ އެވެ. އަދި ބައެއް މަގުތަކަކީ އެކި ކަހަލަ މަސައްކަތްތައް ކުރަން ކޮނެފައިވާ ތަންތަނަަށް ވާތީ ދުއްވާ މީހުންނާއި ހިނގާ މީހުން ވެސް ސަމާލުވުމަށް ކައުންސިލުން އިލްތިމާސްކޮށްފައިވެ އެވެ.

Vissaaraga geygeah libifaivaa gellun Councilun dhanee balamun. Velibasthaa jehumuge masaikathaai, fen hindhumuge masaikathuga Council ah eheetheri vumuge gothun Police, MNDF, Fenaka, public works, Red Cresent, Counil ge Municipal service teamun dhanee masaikaiy kuramun pic.twitter.com/0G6urFrton
— Addu City Council (@AdduCityCouncil) October 12, 2019

ކުރިއަށް އޮތް ވަގުތުތަކުގައި ވެސް އައްޑު އަށް ވިއްސާރަކުރާނެތީ މޫސުމާ ބެހޭ އިދާރާ އިން ވަނީ މެންދުރު 12:00 އިން ހަވީރު 4:00 އަށް ޔެލޯ އެލާޓް ވެސް ނެރެފަ އެވެ.

Comments