"ވޯ" ތިން ދުވަހުން 100 ކްރޯޑް ހޯދައިފި

05 އޮކްޓޯބަރ 2019

މިދިޔަ ބުދަ ދުވަހު ރިލީޒްކުރި ރިތިކް ރޯޝަނާއި ޓައިގާ ޝްރޮފްގެ އެކްޝަން ތުރިލާ "ވޯ" ތިން ދުވަސްތެރޭ 100 ކްރޯޑް (14 މިލިއަން) ޑޮލަރުގެ އާމްދަނީއެއް ހޯދައިފި އެވެ.

އަހުމަދު އަދްޝަން

ސިދާތު އާނަންދު ޑައިރެކްޓްކޮށްފައިވާ ފިލްމުން ބޮކްސް އޮފީހުގައި އާ ރެކޯޑްތަކެއް ހަދަމުން އަންނަ އިރު، މި ފިލްމަކީ މި އަހަރުގެ މިހާތަނަށް ރިލިޒްކުރި ދުވަހު އެންމެ ބޮޑު ފެށުމެއް ވެސް ލިބުނު ފިލްމެވެ. އެގޮތުން "ވޯ" އަށް ބުދަ ދުވަހު އެކަނި އިންޑިއާ އިން 53.35 ކްރޯޑް ރުޕީސް ލިބިފައިވެ އެވެ.

ޔާޝްރާޖް ފިލްމްސް (ވައިއާރްއެފް) އިން 200 ކްރޯޑް ރުޕީސް (28 މިލިއަން ޑޮލަރު) ގެ ބަޖެޓަކުން ހަދާފައިވާ "ވޯ" ހިންދީ ބަހުގެ އިތުރުން ތަމަޅަ އާއި ތެލެގޫ ބަހުން ވެސް އިންޑިއާގައި ރިލިޒްކޮށްފައިވާ އިރު، ތިން ވާޝަނުގެ އާމްދަނީއާ އެކު ހުކުރު ދުވަހު ފިލްމަށް ވަނީ ޖުމްލަ އާމްދަނީ އަށް 100.15 ކްރޯޑް ރުޕީސް ލިބިފަ އެވެ.

#War benchmarks...
⭐️ Fifth #YRF film to cross ₹ ? cr in 3 days, after #Dhoom3, #Sultan, #TZH and #TOH.
⭐️ #Highest grossing *first 3 days* for #HrithikRoshan, #TigerShroff and director #SiddharthAnand.#India biz.
— taran adarsh (@taran_adarsh) October 5, 2019

މިއީ ރިލީޒްކުރިތާ ތިން ދުވަހުގެ ތެރޭގައި 100 ކްރޯޑް ކުލަބުން ޖާގަ ހޯދި ވައިއާރްއެފްގެ ފަސް ވަނަ ފިލްމެވެ. އެ ލިސްޓްގައި ދެން ހިމެނެނީ މިދިޔަ އަހަރު ރިލީޒްކުރި "ތަގްސް އޮފް ހިންދުސްތާން" އާއި 2017 ގައި ރިލީޒްކުރި "ޓައިގާ ޒިންދާ ހޭ" އާއި 2015 ގެ "ސުލްތާން" ގެ އިތުރުން 2013 ގެ "ދޫމް 3" އެވެ.

#OneWordReview...#War: BLOCKBUSTER.
Rating: ⭐️⭐️⭐️⭐️
Escapist cinema at its best... Aces: Hrithik and Tiger’s power-packed act and chemistry + dazzling action pieces + stunning visual appeal + ample thrills, twists, suspense... Dear BO, get ready for the typhoon. #WarReview pic.twitter.com/iHGtaSk8cl
— taran adarsh (@taran_adarsh) October 3, 2019

ކުރިން ވެސް ލަފާކުރި ގޮތަށް "ވޯ" އަށް ބެލުންތެރިންގެ ބޮޑު ތަރުހީބެއް ލިބި، ބޮކްސް އޮފީހުގެ ވިޔަފާރި ވަރުގަދަކުރަމުން އަންނަ އިރު، މި ފިލްމު 300 ކްރޯޑް ރުޕީސްގެ އާމްދަނީއެއް ވެސް ހޯދާނެ ކަމަށް ބޮލީވުޑްގެ ޚަބަރުތައް ދިރާސާކުރާ ފަރާތްތަކުން މިހާރު އަންދާޒާކޮށްފައިވެ އެވެ.

ވަރަށް ސްޓައިލިޝް އަދި އެހާމެ ހިތްގައިމު ލޮކޭޝަންތަކުގައި މަންޒަރުތައް ނަގާފައިވާ "ވޯ" އަކީ ރިތިކާއި ޓައިގާ ޝްރޮފްގެ ވަރުގަދަ ކުރިމަތިލުންތަކެއް ފެނިގެންދާ ފިލްމެކެވެ. މީގެ ބަތަލާއަކީ ވާނީ ކަޕޫރެވެ.

ގިނަ ކްރިޓިކުން ބުނެފައިވާ ގޮތުގައި "ވޯ" އަކީ ރަހަތައް ހެޔޮވަރު، ހުރިހާ އުމުރުފުރައެއްގެ އޯޑިއަންސަށް ވެސް ވަރަށް ކަމުދާ ކަހަލަ ގޮތަކަށް ހަދާފައިވާ ފިލްމެކެވެ. އަދި ފިލްމުގެ ސްކްރީންޕްލޭ ވެސް ވަރަށް ޝައުގުވެރިކަމަށާއި ހީވެސް ނުކުރާ ކަހަލަ ޓްވިސްޓްތަކެއް ފިލްމުން ފެނިގެން ދިއުމަކީ "ވޯ" ބޮކްސް އޮފީސް ފަތަހަކުރަން މެދުވެރި މައިގަނޑު އެއް ސަބަބު ކަމަށް ބުނެފައިވެ އެވެ.

This #WAR has been conquered by your love! @iHrithik & @iTigershroff appear together for the 1st time ever to celebrate a successful beginning, along with @VaaniOfficial & #SiddharthAnand #HrithikVsTiger https://t.co/n4qyM4b0Hu
— Yash Raj Films (@yrf) October 4, 2019

މި ފިލްމަކީ ވައިއާރްއެފުން މި އަހަރު ގެނެސްދިން ފުރަތަމަ ފިލްމު ވެސް މެ އެވެ. އެ ސްޓޫޑިއޯގެ ކުރިއަށް އޮތް ފިލްމަކީ ޑިސެމްބަރު 13 ގައި ރިލީޒްކުރާ ރާނީ މުކަރްޖީގެ "މަރުދާނީ 2" އެވެ.

"ވޯ" ވަރުގަދަމުން އަންނަ އިރު، މި ފިލްމު ޔަގީނުން ވެސް ވެގެން ދާނީ މިދިޔަ އަހަރު ބޮޑު ބަޖެޓަކުން ގެނެސްދިން "ތަގްސް އޮފް ހިންދުސްތާން" އިން ތަޖުރިބާކުރަން ޖެހުނު މާޔޫސްކަން ވައިއާރްއެފަށް ފިލައިދާނެ ފިލްމަކަށެވެ.

އެ ސްޓޫޑިއޯ އިން ހުކުރު ދުވަހު ވަނީ ފިލްމަށް ލިބެމުން އަންނަ ކާމިޔާބީ ވެސް ފާހަގަކޮށްފަ އެވެ. ބައެއް ރިޕޯޓްތައް ބުނާގޮތުން "ވޯ" ގެ ސީކްއެލްއެއް ގެނެސް ދިނުމާ ގުޅޭ ގޮތުން ވައިއާރްއެފުން މިހާރު އަންނަނީ ވިސްނަމުންނެވެ.

Comments