އެމިރޭޓްސް އެއާލައިން ވެސް ޕްލާސްޓިކާ ދެކޮޅަށް

19 ޖޫން 2019

ޕްލާސްޓިކްގެ ބާވަތްތައް ކޮންމެ ދުވަހަކު އެންމެ ގިނައިން ބޭނުންކުރާ އެއް ދިމާއަކަށް ވައިގެ ދަތުރުފަތުރުގެ ހިދުމަތް ވާނެ އެވެ. ދަތުރުމަތީގައި ފަސިންސަރުންނަށް ދޭ ކާނާ އާއި ބުއިންތައް ވެސް ގިނަ ފަހަރަށް ހުންނާނީ ޕްލާސްޓިކް އެއްޗެހީގަ އެވެ.

އަހުމަދު އަދްޝަން

އެހެންވެ މިކަމާ ދެކޮޅަށް، ޔޫއޭއީގެ ރަސްމީ އެއާލައިން އެމިރޭޓްސް ވެސް މިހާރު ވަނީ ފިޔަވަޅުތައް އަޅަން ފަށައިފަ އެވެ. އެ އެއާލައިން މިހާރު ވަނީ ޖޫސްބޯ ޕްލާސްޓިކް ހޮޅި ބޭނުން ކުރުން މި މަހުގެ 1 އިން ފެށިގެން ހުއްޓާލައި، ބަދަލުގައި ކަރުދާސް ހޮޅި ބޭނުން ކުރަން ފަށައިފަ އެވެ.

We are committed to reducing single-use plastic on board all our flights, starting with a ban on plastic straws. Watch the video to learn more about our ongoing long-term sustainability initiatives. #FlyEmiratesFlyBetter pic.twitter.com/49DRL0LeV3
— Emirates Airline (@emirates) June 17, 2019

އެމިރޭޓްސް އިން ބުނި ގޮތުގައި ދުރު މުސްތަގުބަލަކަށް އަމާޒުކޮށްގެން، ޕްލާސްޓިކް ބޭނުން ކުރުން ހުއްޓައިލަން ހާއްސަ މަސައްކަތަކެއް މިހާރު ފަށާފައިވާ ކަމަށެވެ. އެގޮތުން މި އަހަރު ނިމުމުގެ ކުރިން، ދަތުރު މަތީގައި ބޭނުން ކުރާ އެއް ފަހަރު ބޭނުންކޮށްފައި އުކައިލާ ޕްލާސްޓިކްގެ ގިނަ އެއްޗެހި ބޭނުން ކުރުން ހުއްޓާލައި، ތިމާވެއްޓާ ރައްޓެހި އެއްޗެހި ބޭނުން ކުރަން ފަށާނެ ކަމަށް ބުންޏެވެ.

Emirates commits to reducing single-use plastic on board all flights. #FlyEmiratesFlyBetter https://t.co/I2jXYryUZr pic.twitter.com/IAL7cz0W3S
— Emirates Airline (@emirates) June 17, 2019

އެމިރޭޓްސް އިން ބުނި ގޮތުގައި މި ފިޔަވަޅުގެ ސަބަބުން އެ އެއާލައިނުން އަހަރެއްގެ މައްޗަށް އުކައިލާ 81.7 މިލިއަން ސިންގަލް-ޔޫޒްޑް ޕްލާސްޓިކް ހުއްޓުމަކަށް އަންނާނެ އެވެ.

ދެހާސް ސަތާރަ އިން ފެށިގެން އެމިރޭޓްސް އިން ޕްލާސްޓިކް މަދުކުރަން މަސައްކަތް ކުރަމުން އަންނަ އިރު، ޕްލާސްޓިކް ފުޅި ރިސައިކަލްކޮށްގެން "އިކޯ ތުރެޑް" ރަޖާ ތައްޔާރުކޮށް މިހާރު އަންނަނީ އެ އެއާލައިންގެ ބޯޓްތަކުގެ އިކޮނޮމީ ކްލާހުގައި ބޭނުން ކުރަމުންނެވެ.

Comments