5ޖީ ނެޓްވޯކެއް މުހިންމުތަ؟

ސްމާޓް ޑިވައިސްތައް ބޭނުންކުރާ ގިނަ މީހުންނަށް މުހިންމުވެގެން އުޅެނީ 5ޖީ ނެޓްވޯކެއް ނޫނެވެ. 5ޖީ ނެޓްވޯކެއް، ހަމަ ނަމެއްގައި، އެކަކު ވެސް ބޭނުމެއް ނުވާނެ އެވެ. އިންޓަނެޓް ބޭނުންކުރާ މީހުންނަށް ހުރިހާ ވެސް އެއްޗަކީ ސްޕީޑެވެ.

ދުނިޔެ އަށް 5ޖީ ތައާރުފުކުރަން އޮޕަރޭޓަރުން މަސައްކަތްކުރަމުން އަންނައިރު، ކަސްޓަމަރުންނަށް އޮޅުވާލާ ބަޔަކު ވެސް އޮޕަރޭޓަރުންގެ ތެރޭގައި އެބަ އުޅެ އެވެ. އެއީ 4ޖީ ނެޓްވޯކްގައި ބޭނުންހިފެން ހުރި "އެޑްވާންސްޑް" ފީޗާތަކުން ހިޔަނިއަޅުވައި، އެއީ 5ޖީ ކަމަށް ދައްކަން މަސައްކަތްކުރުމެވެ. މިއީ އޮޕަރޭޓަރުންނަށް ހެދެން އޮތް ވަރަށް ބޮޑު މަކަރެކެވެ.

މޮބައިލް އިންޓަނެޓް ބޭނުންކުރާ ގިނަ މީހުން ދެކޭ ގޮތުގައި "ޖީ" އަކީ ބޭނުމެއް ނެތް އެއްޗެކެވެ. ދުވެލި ބާރުކުރުމަށްޓަކައި ހޯދަން ޖެހެނީ ކިތައް "ޖީ" ހޭ، އެ މީހުން ސުވާލުކުރެ އެވެ. 3ޖީ އަކީ ބަޔަކު އުފާކުރި ޒަމާނެކެވެ. އޭގެ ބޭނުންކެނޑުނީ 3ޖީ އަށް ނުތަކާ ވަރަށް ޑިވެލޮޕަރުން އުފައްދަން ފެށުމުންނެވެ. މިއީ މާކެޓް "މޫވް"ކުރުމަށްޓަކައި އޮޕަރޭޓަރުން އަދި ޑިވެލޮޕަރުން ޖަހާ މަޅިއެކެވެ. އެ ހިސާބުން އޮންނަ ފަސޭހަ ގޮތަކީ 4ޖީ އަށް ބަދަލުވުމެވެ.

ދިވެހިރާއްޖެ ކަހަލަ ބައިމަދު ގައުމެއްގައި 5ޖީ ގާއިމުކުރުމަކީ ބޮޑު ބުރައަކަށް ވާނެ އެވެ. އާބާދީ ބޮޑު ގައުމެއްގައި އޮޕަރޭޓަރުންނަށް އޮންނަ ޔަގީންކަމަކީ، އިންވެސްޓްމަންޓް ކަވަރުކުރަން ނަގާ މުއްދަތު ކުރުވުމެވެ. އެހެނެއް ކަމަކު، 5ޖީ ގާއިމުކޮށް ފަށައިގަތުމަށް ދެ އާބާދީގައި ވެސް ހޯދަންޖެހެނީ ދާދި އެއް އާލާތްތަކެކެވެ. ކުރަން ޖެހޭ މަސައްކަތްތައް އެއްފަދަ އެވެ.

މޮބައިލް ނެޓްވޯކްތައް 4ޖީ އަށް ކަނޑައެޅި ޒަމާން ނިމި 5ޖީ އަށް ބަދަލުވަމުން އަންނައިރު، "4ޖީ"އާ މެދު ގިނަ ބަޔަކު އަދި ވެސް ތިބީ އުފަަލުންނެވެ. ކަސްޓަމަރުންނާ މެދު އޮޕަރޭޓަރުން ހުރޭ ނަމަ، 5ޖީ އަށް ކުރަން ހުރި ބޮޑެތި އިންވެސްޓްމަންޓްތައް އަދި ވެސް ލަސްކުރެވެން އެބަ ހުއްޓެވެ. އެއީ 4ޖީ ނެޓްވޯކް ދުޅަހެޔޮކުރުވައި، ދަތްގަނޑު ހިއްލާލައިގެންނެވެ. އެ ގޮތުގައި، ކަސްޓަމަރުންގެ ރުހުމުގައި ދެމިތިބެ، 5ޖީ ނެޓްވޯކް ގާއިމުކުރަން ވަގުތުގެ ބޭނުންހިފެން އެބަ އޮތެވެ.