ދެ މީހުން ދޫވުމުގައި ގޯހެއް އުޅޭ ނަމަ ރަނގަޅުކުރާނަން

ދެ މީހުން ދޫވުމުގައި ފުލުހުންގެ ގޯހެއް އުޅޭ ނަމަ ރަނގަޅު ކުރާނަން: ސީޕީ

06 ޖޫން 2019

މަސްތުވާތަކެއްޗާ އެކު ހުޅުމާލެ އިން ހައްޔަރު ކުރި ދެ މީހަކު ދެ ފަހަރެއްގެ މަތިން ކޯޓުން ދޫކޮށްލި މައްސަލައިގައި ފުލުހުންނަށް ގޯހެއް ހެދިފައިވާ ނަމަ އެކަން އިސްލާހު ކުރައްވާނެ ކަމަށް ޕޮލިސް ކޮމިޝަނަރު މުހައްމަދު ހަމީދު މިއަދު ވިދާޅުވެއްޖެ އެވެ.

އަހުމަދު ސާއިލް އަލީ

އެ މައްސަލައިގައި ހައްޔަރު ކުރި މީހުން ދެ ފަހަރު ވެސް ކޯޓުން ދޫކޮށްލީ އެވެ. ހުޅުމާލޭ ކޯޓުގެ އަމުރެއްގެ ދަށުން ރޭ ތިން ވަނަ ފަހަރަށް އެ ދެ މީހުން ވަނީ ހައްޔަރުކޮށްފަ އެވެ.

Masthuvaathaketheege massalaigai hayyaru kuri meehun 3 vana faharah hayyaru koffi

The most trusted news source in the Maldives

Mihaaru

ތިން ވަނަ ފަހަރަށް ހައްޔަރު ކުރުން---

ކޮމިޝަނަރު ކުރެއްވި ޓްވީޓެއްގައި ވިދާޅުވީ މަސްތުވާތަކެތީގެ ވިޔަފާރި ކުރާ ފަރާތްތަކާ ގާނޫނު އަރާ ހަަމަ ކުރުމަށް ފުލުހުން ކުރަން ޖެހޭ ހުރިހާ މަސައްކަތެއް ކުރާނެ ކަމަށެވެ. ހުޅުމާލެ އިން ހައްޔަރު ކުރި ދެ މީހުން ދޫވި މައްސަލަ ބަލައި ފުލުހުންގެ ފަރާތުން ކަމެއް ރަނގަޅު ކުރަން ޖެހޭ ނަމަ އެކަމެއް ކުރައްވާނެ ކަމަށް ވެސް ވިދާޅުވި އެވެ.

ތިން ކިލޯ މަސްތުވާތަކެއްޗާ އެކު ހައްޔަރުކުރީ 25 އަހަރުގެ ފިރިހެނަކާއި 52 އަހަރުގެ އަންހެނެކެވެ.

އެ ދެ މީހުން ފުރަތަމަ ދޫކޮށްލީ ހުޅުމާލޭގެ މެޖިސްޓްރޭޓް ކޯޓުން ނެރުނު ސައްހަ ނޫން އަމުރަކާ ހެދި ކްރިމިނަލް ކޯޓުންނެވެ. ދެ ވަނަ ފަހަރަށް ހައްޔަރުކޮށް ބަންދުގެ މުއްދަތު އިތުރުކުރަން ގެންދިއުމުން ހުޅުމާލޭ ކޯޓުން ވެސް އެ ދެ މީހުން ދޫކޮށްލީ އެވެ.

https://t.co/SdDWBtt5I3 MPS will exercise all its powers to pursue drug trafficking offenders in compliance with procedural law. Will review this particular case, & if necessary rectify any errors on our part. We assure the public of our commitment to combat serious drug crimes.
— Mohamed Hameed (@M_Hameedh) June 6, 2019

ކޮމިޝަނާ މިއަދު ކުރެއްވި ޓްވީޓް---

އެ ގެ ފާސްކުރުމަށާއި މީހުން ހައްޔަރުކުރަން ހުޅުމާލޭ ކޯޓުން ނެރުނު އަމުރުގައި ޖިނާއީ އިޖުރާއަތުގެ ގާނޫނުގައި ބުނާ ކަންކަން ފުރިހަމަވެފައި ނެތުމުން ކްރިމިނަލް ކޯޓުން އެ މީހުން އެ މީހުން ދޫކޮށްލީ ޝަރީއަތް ނިމެންދެން ބަންދުކޮށްދިނުމަށް އެދި ކްރިމިނަލް ކޯޓަށް އެ މީހުން ހާޒިރުކުރުމުންނެވެ.

އެކަމާ ގުޅޭ ގޮތުން ފުލުހުން އިއްޔެ ބުނީ ކޯޓުން އެ މައްސަލައިގައި ފާހަގަކުރި އިޖުރާއީ މައްސަލަ އަކީ ކުރިން އެއްގޮތަކަށް ވެސް ނުނަގާ މައްސަލައެއް ކަމަށެވެ. އެގޮތުން މައްސަލައެއް ކަމަށް ބެލީ، މައްސަލަ ތަހުގީގުކުރުމާ ހަވާލުވެފައިވާ ފުލުސް އޮފިސަރު ނޫން އެހެން މީހަކު ބަންދުގެ މުއްދަތަށް އެދުމުން ކަމަށް ފުލުހުން ބުންޏެވެ. ފުލުހުންގެ ވާހަކަތަކާ ގުޅިގެން ކްރިމިނަލް ކޯޓުން ނެރުނު ބަޔާނުގައި ބުނީ ދެ މީހުން ފުރަތަމަ ހައްޔަރުކޮށްފައި ވަނީ ގާނޫނާ ހިލާފަށް ކަމަށާއި އެހެންވީމާ އެމީހުންގެ ބަންދުގެ މުއްދަތު ފުރަތަމަ ޖަހައި ނުދިން މައްްސަލަ ޖެހޭނީ ހައިކޯޓުގައި އިސްތިއުނާފް ކުރަން ކަމަށެވެ.

Comments