އައްޑޫން ނަގާ ރުއްތައް އެހެންތަނެއްގަ އިންދަން ޖެހޭނެ

އައްޑޫން ރުއް ނަގަން ހުއްދަ ދިނީ އެހެން ތަނެއްގައި އިންދަން ޝަރުތުކޮށްފައި: އީޕީއޭ

15 މެއި 2019

އައްޑޫ ހިތަދޫގެ ސިޓީ ސްކެއާ އަލުން ތަރައްގީކުރަން އެ ސަރަހައްދުން ރުއް ނަގަން ހުއްދަ ދިނީ، އެ ރުއްތައް އެހެން ސަރަހައްދެއްގައި އިންދަން ޝަރުތުކޮށްފައި ކަމަށް އެންވަޔަރަމެންޓް ޕްރޮޓެކްޝަން އޭޖެންސީ (އީޕީއޭ) އިން އިއްޔެ ބުނެފި އެވެ.

ލަމްޔާ އަބްދުﷲ

އެ ތަން ތަރައްގީކުރަން ރުއްތައް ނަގާތީ އެ އަތޮޅުގެ ރައްޔިތުން އަންނަނީ އެކަމާ ދެކޮޅަށް އަޑު އުފުލާ، ކަންބޮޑުވުން ފާޅުކުރަމުންނެވެ. އެކަމަކު އީޕީއޭ އިން ބުނީ އެ ރުއްތައް އައްޑޫގެ އެހެން ސަރަހައްދެއްގައި އިންދަން ޝަރުތުކޮށްފައި ވާނެ ކަމަށެވެ.

"އަޅުގަނޑުމެން މި އަންނަނީ މި މައްސަލަ ވަރަށް ގާތުން ބަލަމުން،" އީޕީއޭ އިން ބުންޏެވެ.

Regarding palm removal for city square development in Hithadhoo, Addu City, the approval was given on condition to replant the removed palms elsewhere in Addu. We assure the public that we are monitoring the implementation of this condition.
— EPA Maldives (@EPAMaldives) May 14, 2019

އީޕީއޭ އިން އިއްޔެ ކުރި ޓްވީޓެއް

ހިތަދޫ ޕޮލިސް ސްޓޭޝަނުގެ އެއްފަރާތުގައި އޮންނަ ސަރަހައްދުގައި ބޮޑު ދިދައެއް ޖަހައި، ސިޓީ ސްކެއާއެއްގެ ގޮތައް އެންމެ ފުރަތަމަ އެތަން ތަރައްގީކުރީ 2011 ވަނަ އަހަރުގެ ސާކް ސަމިޓާ ދިމާކޮށެވެ. އެކަމަކު ފަހުން ސިޓީ ސްކެއާގައި ދިދަ ނެގުން ހުއްޓި، އެތަން ނުބެލެހެއްޓި ގިިނަ ދުވަސްތަކެއް ވަންދެން އޮތެވެ. އަދި ދިދަ ދަނޑީގައި ދަބަރު ޖަހައި ހަލާކުވުމުން ދިދަ ވެއްޓިދާނެ ކަމަށް ބުނެ އޭތި މިދިޔަ އަހަރު ވަނީ ނަގައިފަ އެވެ.

Addu city square gai ruh thah kandaalaifi

The most trusted news source in the Maldives

Mihaaru

އެ ތަން އަލުން ހުޅުވާލާނީ ހުރިހާ އުމުރުފުރައެއްގެ މީހުންނަށް ހިތްފަސޭހަ ކަމާއެކު ވަގުތު ހޭދަކޮށްލެވޭނެ ތަނެއްގެ ގޮތުގައި ކަމަށް އެ ސިޓީ ކައުންސިލުން އިއްޔެ ބުނެފައި ވެ އެވެ.

އައްޑޫ ސިޓީ ސްކެއާ އަލުން ތަރައްގީކޮށް ކުލަގަދަ ރަސްމިއްޔާތަކާ އެކު ހުޅުވުމަކީ މި ސަރުކާރުގެ 100 ދުވަހުގެ ވައުދުތަކުގެ ތެރޭގައި ހިމެނޭ ކަމެކެވެ.

Comments