ރޯދަ އަށް އުރީދޫން މިފަހަރުވެސް ގިނަ ހިދުމަތްތަކެއް

ރޯދަމަހަށް ހާއްސަކޮށް މިފަހަރު ވެސް އުރީދޫން ހާއްސަ ހިދުމަތްތަކެއް ތައާރަފުކޮށްފި އެވެ.

އުރީދޫގެ ޕަބްލިކް ރިލޭޝަންސް މެނޭޖަރު ނޫރާ އިބްރާހިމް ޒާހިރު ވިދާޅުވީ، މިފަހަރު ގިނަ ހިދުމަތްތަކެއް އުރީދޫން ތައާރަފްކޮށް ރޯދަ މަހަށް ހާއްސަކޮށް ނެރޭ ވީޑިއޯ ވެސް މިހާރު ދައްކާލާފައިވާ ކަމަށެވެ. މި ވީޑިއޯ ހާއްސަކޮށްފައިވަނީ އާއިލާ އާއި އެކުވެރިންގެ މެދުގައި ގުޅުން ބަދަހިކުރުމަށެވެ.

ޑޭޓާ ކޮމްބޯ

މި ޕެކޭޖުގެ ދަށުން ރޯދަ މަހުގެ ކޮންމެ ދުވަހު ހެނދުނު 5:00 އިން ހަވީރު 5:00 އަށް 25ރ. ހޭދަކޮށްގެން 1 ޖީބީ ލިބޭނެ އެވެ. އަދި 100 މިނެޓް ހިލޭ ލިބޭނެ އެވެ.

ސައުދީ އަށް ހާއްސަ ޕެކޭޖެއް

ސައުދީ ޕްލޭނުގެ ދަށުން 150ރ. އަށް ސައުދީ އަށް ގުޅާލުމަށް 75 މިނެޓް ހިލޭ ލިބޭނެ އެވެ. އޭގެ އިތުރުން ކޮންމެ ގޮތަކަށް ބޭނުން ކޮށްލުމަށް 2 ޖީބީ ލިބޭނެ އެވެ.

ސުޕަނެޓް ހާއްސަ ޕެކޭޖު

ސުޕަނެޓް ޕެކޭޖު ރޯދަ މަހު ނަގައިފި ނަމަ ހަ މަސް ދުވަހަށް ނަގާ ޕެކޭޖުގެ އިތުރުން 30 ޕަސެންޓް ޑޭޓާ ބޯނަސް ލިބޭނެ އެވެ.

އެމްފައިސާ އަށް ހާއްސަ ޕެކޭޖު

އުރީދޫގެ އެމްފައިސާ ބޭނުންކޮށް ކޮންމެ ހުކުރު ދުވަހަކު ރާސްޓަސް ނަގައިފި ނަމަ 10 ޕަސެންޓް ފައިސާ އަނބުރާ ކަސްޓަމަރަށް ކޭޝްބެކްގެ ގޮތުގައި ލިބޭނެ އެވެ. ކޭޝްބެކްގެ ގޮތުގައި ލިބޭ ފައިސާ ނެގޭނެ އެވެ. ނުވަތަ ބޭނުންވާ އެހެން މީހުންނަށް ޓްރާސްފާ ވެސް ކޮށްލެވޭނެ އެވެ. މީގެ އިތުރުން ކަނޑައަޅާފައިވާ ކެފޭތަކުގައި ވެސް މި ފައިސާ ބޭނުންކޮށްލެވޭނެ އެވެ.

ސެމްސަންގް އާ ފޯނުތައް

ސެމްސަންގުގެ އޭ50 އަދި އެމް20 ފޯނުތައް އުރީދޫގެ އެކްސްޕީރިއެންސް ސެންޓަރުތަކުން ލިބޭ އިރު ކަސްޓަމަރުންނަށް ފަސޭހަވާނެ ގޮތަށް އިންސްޓޯލްމެންޓު ޕްލޭނުތަކާ އެކު ލިބޭނެ އެވެ.