ޝަރުއީ ދާއިރާ އިސްލާހު ކުރުމުގެ މަގު ޗާޓެއް ސުޕްރީމް ކޯޓުން އިއުލާން ކުރަނީ

ޝަރުއީ ދާއިރާއަށް ގެންނަންޖެހޭ އިސްލާހުތައް ގެނައުމާއި އެ ދާއިރާގެ މިނިވަންކަން ކަށަވަރު ކުރުމުގެ މަގު ޗާޓެއް ސުޕްރީމް ކޯޓުން އެކުލަވާލައި، މާދަމާ އިއުލާން ކުރަން ނިންމައިފި އެވެ.

ސުޕްރީމް ކޯޓުން މިއަހަރު ވަނީ ޖުޑިޝަލް އިންޑިޕެންޑެންސް އެންޑް ރިފޯމް ކޮންފަރެންސެއް ބާއްވައި، ޝަރުއީ ދާއިރާއަށް ގެންނަންޖެހޭ ބަދަލުތަކާއި ގޮންޖެހުންތަކާ ގުޅޭގޮތުން އެކި ފަރާތްތަކުގެ ޚިޔާލު ހޯދައިފަ އެވެ. އެގޮތުން ފަނޑިޔާރުންނާއި ޕްރޮސެކިއުޓާ ޖެނެރަލްގެ އޮފީހާއި ބަންޑާރަ ނައިބުގެ އޮފީހުގެ އިތުރުން ވަކީލުންގެ ޚިޔާލު ވެސް އެ ކޮންފަރެންސްގައި ހޯދި އެވެ.

ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން ބުނިގޮތުގައި ޖުޑިޝަލް އިންޑިޕެންޑެންސް އެންޑް ރިފޯމް ރޯޑް މެޕް އިއުލާން ކުރާނީ މާދަމާ ރޭ ބާއްވާ ރަސްމިއްޔާތެއްގަ އެވެ.

ޝަރުއީ ދާއިރާއަށް ގެންނަންޖެހޭ އިސްލާހުތަކުގެ ރޯޑް މެޕެއް އިއުލާން ކުރާއިރު، ނިމިދިޔަ ރައްޔިތުންގެ މަޖިލީހުގެ އިންތިޚާބާ ދިމާކޮށް އެމްޑީޕީން ނެރުނު އެޖެންޑާ 19 ގައި ވެސް ޝަރުއީ ދާއިރާ އިސްލާހު ކުރުމަށް ގިނަ ކަންތައްތަކެއް ހިމަނާފައިވެ އެވެ.