30 ޖުލައި 2018
ސެޕްޓެމްބަރު 23ގައި ބާއްވާ ރިޔާސީ އިންތިހާބުގައި ވޯޓުލުމަށް ރިސޯޓުތަކުގެ މުވައްޒަފުން ރީ ރަޖިސްޓްރީކުރަން ހުށަހަޅާ ފޯމުގައި ރިސޯޓްގެ ސްޓޭމްޕް ޖަހަންޖެހޭތީ އެކަން އެމްޑީޕީން އިލެކްޝަންސް ކޮމިޝަނަށް މިއަދު ޝަކުވާއެއްގެ ގޮތުގައި ހުށަހަޅައިފި އެވެ.
ސެޕްޓެމްބަރު 23ގައި ބާއްވާ ރިޔާސީ އިންތިހާބުގައި ވޯޓުލުމަށް ރިސޯޓުތަކުގެ މުވައްޒަފުން ރީ ރަޖިސްޓްރީކުރަން ހުށަހަޅާ ފޯމުގައި ރިސޯޓްގެ ސްޓޭމްޕް ޖަހަންޖެހޭތީ އެކަން އެމްޑީޕީން އިލެކްޝަންސް ކޮމިޝަނަށް މިއަދު ޝަކުވާއެއްގެ ގޮތުގައި ހުށަހަޅައިފި އެވެ.
އިދިކޮޅު އެންމެ ބޮޑު ޕާޓީ، އެމްޑީޕީގެ ސެކްރެޓަރީ ޖެނެރަލް އަނަސް އަބްދުލްސައްތާރު ވިދާޅުވީ ރިސޯޓުތަކުގެ މުވައްޒަފުން ރީ ރަޖިސްޓްރީ ކުރާއިރު، އެ މީހަކު މަސައްކަތްކުރާ ރިސޯޓެއްގެ ސްޓޭމްޕް، ރީރަޖިސްޓްރޭޝަން ފޯމުގައި ޖަހަން ޖެހޭ ކަމަށެވެ. މިކަމުން މުވައްޒަފުންނަށް އުނދަގޫވާނެ ކަމަށާއި އެހެންވެ އެކަން އިސްލާހުކޮށްދިނުމަށް އެދި އިލެކްޝަންސަށް ހުށަހަޅާފައިވާ ކަމަށް އޭނާ ވިދާޅުވި އެވެ.
އަނަސް ވިދާޅުވި ގޮތުގައި ރިސޯޓުގެ ސްޓޭމްޕް ޖަހައިގެން، މުވައްޒަފުން ފޯމު ހުށަހަޅަން ޖެހޭއިރު، ސަރުކާރު އިދާރާތަކާއި ކުންފުނިތަކުގެ މުވައްޒަފުން މި ފަދަ އެއްވެސް ކަމެއް ކުރާކަށް ނުޖެހެ އެވެ. އެހެންވެ، މިއީ ރިސޯޓުތަކުގެ މުވައްޒަފުންނަށް ވޯޓުލުމުގައި ދަތިކޮށް، އެ ފުރުސަތު ހަނިކުރުމަށް އަޅާފައިވާ ފިޔަވަޅެއް ކަމަށް އޭނާ ތުހުމަތު ކުރެއްވި އެވެ.
Today, MDP has submitted a complaint with regard to Resort employees voter registration issue. The @ElectionsMv is requiring from employees to get their forms stamped by their employer while they accept forms collected through the ministries, SoE's without their stamps.
— Anas Abdul Sattar (@anasabdulsattar) July 30, 2018
"މިސާލަކަށް ރިސޯޓުގައި އުޅޭ މުވައްޒަފަކު އޮފްޑޭ އަކަށް މާލެ އައިސް ވެސް، ރިސޯޓުގެ ތައްގަނޑު ނެތިގެން ރީރަޖިސްޓްރީ ނުކުރެވިދާނެ. އަޅުގަނޑުމެންގެ އެންމެ ބޮޑު ކަންބޮޑުވުމަކީ މިކަން ކުރަންޖެހޭ ސަބަބު ނޭނގުން. މިހާރު އޮތްގޮތުން، މުވައްޒަފު ރީ ރަޖިސްޓްރީ ކުރުމުގެ ބާރު މި ދޫކޮށްލަނީ ރިސޯޓުގެ މެނޭޖްމެންޓުގެ އަތްމައްޗަށް،" އަނަސް ވިދާޅުވި އެވެ.
އިލެކްޝަންސް ކޮމިޝަނުން މި ފަހަރު އެންމެ ފުރަތަމަ ނިންމީ ރިސޯޓުތަކުގައި ބަހައްޓާ ވޯޓު ފޮށި 87 ޕަސެންޓް މަދުކޮށް، އެންމެ ހަތް ރިސޯޓެއްގައި ވޯޓު ފޮށި ބެހެއްޓުމަށެވެ. ނަމަވެސް، އެ ކޮމިޝަނަށް އަމާޒުވަމުން ދިޔަ ފާޑުކިޔުންތަކާ އެކު، އެ ނިންމުން ބާތިލްކޮށް، ވޯޓުލާން 100 މީހުން ރަޖިސްޓަރީކުރާ ކޮންމެ ރިސޯޓެއްގައި ވޯޓު ފޮށި ބަހައްޓަން ފަހުން ވަނީ ނިންމައިފަ އެވެ.
މިހާރު ނިންމާފައިވާ ގޮތުން، 43 ރިސޯޓެއްގައި ވޯޓުފޮށި ބަހައްޓާނެ އެވެ.
އީސީން ބުނީ ރިސޯޓު ތަކުގައި 100 އަށް ވުރެ މަދު މީހުން ވޯޓުލާން ރަޖިސްޓަރީ ކޮށްފި ނަމަ ވޯޓު ފޮށި ނުބަހައްޓާނެ ކަމަށެވެ. އަދި، އެ ފޮއްޓަށް ވޯޓުލާން ކުރި ރަޖިސްޓްރީ ބާތިލްވާނެ އެވެ. އެގޮތަށް ބާތިލްކުރަން ޖެހިއްޖެ ނަމަ އެ ފޮއްޓަކަށް ކުރިން ރަޖިސްޓްރީކުރި މީހުން އެހެން ފޮއްޓަކަށް ވޯޓުލުމަށް، ރީ-ރަޖިސްޓަރީ ކުރުމަށް ތިން ދުވަހުގެ ފުރުސަތެއް ދޭނެ އެވެ.
ނުފޫޒު ފޯރުވާ ކަމަށް ކިޔަނީ ބަލިވާނެތީ: އެމްޑީޕީ
ކަރުދާހުގައި ކުރަހާނަމަ ވޯޓު ބާތިލްވާ ގޮތަށް ފާސްކޮށްފި
ކަރުދާހުގައި ކުރަހާނަމަ ވޯޓު ބާތިލްވާންޖެހޭ: މެމްބަރުން
ވޯޓު ހަރާބު ކުރުމުގެ ފުރުސަތު ނުދޭނަން: ޝާހިދު
ވޯޓު ގުނަން އުޅޭ ގޮތާ މެދު އިދިކޮޅު ހިތްހަމައެއްނުޖެހޭ
ވަގު ފޯމު ހުށަހެޅީ ޕާޓީއެއްގެ ތިން މީހަކު: އަކްރަމް
ވޯޓުލާ ތަނަށް އަމިއްލަ ގަލަން ވެއްދެން ޖެހޭނެ: މާރިޔާ
ބަހައްޓަނީ އެ މަރުކަޒަކަށް ވޯޓު ލާ މީހުންގެ ލިސްޓް
ވޯޓު އޮޅުވާލަން ވިސްނާނެ ކަމެއް ނެތް: ރައީސް ޔާމީން
ވަގު ފޯމް ހުށަހެޅި މީހުންނާ ދެކޮޅަށް ދައުވާ ކުރަނީ