ފޯސީޒަން ކުޑަހުރާގައި އިތުރު ސުއިޓްތަކެއް ހަދައިފި

މާލެ އަތޮޅުގައި އޮންނަ ފޯސީޒަން ކުޑަހުރާގައި އިތުރު މޫދު ސުއިޓްތަކެއް ހަދައިފި އެވެ.

ފޯސީޒަން ކުޑަހުރާގައި، ޖާގަ ތަނަވަސް 800 އަކަމީޓަރުގެ ތިން ކޮޓަރި އާއި އިންފިނިޓީ ސުވިމިން ޕޫލެއް ހިމެނޭ ސުއިޓަކާއި ދެ ކޮޓަރި އާއި ސުވިމިން ޕޫލް ހިމެނޭ ސުއިޓެއްގެ އިތުރުން އާއިލާތަކަށް ހާއްސަ ދެ ކޮޓީގެ ސުއިޓެއް ވެސް ވަނީ އަލަށް ހަދައިފަ އެވެ. އާއިލާތަކަށް ހާއްސަކޮށްގެން ހެދި މޫދު ސުއިޓަކީ ދުވަސްވީ މީހުންގެ އާއިލާތަކަށާއި ރަހުމަތްތެރިން ހިމެނޭ ދެ ގްރޫޕަކަށް ބޭނުންކުރެވޭ ގޮތަށް ހަދާފައިވާ ސުއިޓެކެވެ.

އެ ރިސޯޓުން ބުނި ގޮތުގައި އަލަށް ހެދި ތިން ކޮޓަރި ހިމެނޭ ސުއިޓުގައި ޖުމްލަ ހަ މީހުންގެ ޖާގަ ހުންނާނެ އެވެ. އަދި އޭގެ އިތުރުން ކުޑަ ދެ ކުދިންގެ ގެންގުޅެވޭނެ ޖާގަ ވެސް ހުންނާނެ ކަމަށް ފޯ ސީޒަނުން ބުންޏެވެ.

އެންމެ މަތީ ފެންވަރުގެ ހިދުމަތްދޭ ރިސޯޓުގައި އަލަށް ހެދި ކޮންމެ ސުއިޓަކީ ވެސް ޓޫރިސްޓުންނަށް ވަރަށް މޫދުގެ ހިތްގައިމުކަމާއި އަރާމް ލިބޭ ގޮތަށް ޑިޒައިންކޮށްގެން ހަދާފައިވާ ވިލާތަކެކެވެ.

އެ ރިސޯޓުގައި މިހާރު ވެސް 38 ވޯޓާ ބަންގަލޯ ހުރެ އެވެ. އޭގެ ތެރޭގައި ހިމެނެނީ އެއް ކޮޓަރީގެ 32 ބަންގަލޯ އާއި ހަ ސުއިޓެކެވެ.