ރާކީ ބުނަނީ ދަންޖެހުން ހުއްޓުވަން ސީލިންގް ފަންކާ މަނާކުރަންޖެހޭ ކަމަށް

ނެށުންތެރިޔާ އަދި ބަތަލާ ރާކީ ސާވަންތު ދައްކާ ބައެއް ވާހަކަތަކުން ވަރަށް ގިނަ މައްސަލަތައް ވެސް މީގެ ކުރިން ދިމާވެ މީހުން އޭނާ ދެކެ ރުޅިއައިސްފައި އެބަހުއްޓެވެ. މިފަހަރު ބުނަނީ އަންހެން އަމިއްލަ އަށް މަރުވުން ހުއްޓުވަން، ގޭގައި ސީލިންގް ފަންކާ ހަރުކުރުން މަނާކުރަން ވެއްޖެ ކަމަށެވެ.

ރާޖޫ އެ ވާހަކަ ދައްކާފައި ވަނީ އޭނާގެ އެކުވެރިޔާ އަދި ޓީވީ ބަތަލާ ޕްރަތިޔޫޝާ ބެނާޖީ ދާދިފަހުން ސީލިން ފަންކާއެއްގައި ދަންޖެހި މަރުވުމާ ގުޅިގެންނެވެ. ރާކީގެ މި ވާހަކައާ ގުޅިގެން ވެސް ޓީވީ އިންޑަސްޓްރީގައި މަލާމާތްކޮށް ޖޯކު ޖެހި އެވެ.

އިންޑިއާ ޓައިމްސްގެ ނޫސްވެރިން ރާކީއާ ބައްދަލުކޮށް، ސީލިން ފަންކާ މަނާކުރަން ރާކީ ވަކާލާތުކުރާއިރު އޭނާގެ ގޭގައި ސީލިން ފަންކާ ހުންނަނީ ކީއްވެތޯ ވަނީ ސުވާލުކޮށްފަ އެވެ. ރާކީ ބުނެފައި ވަނީ ސީލިންގް ފަންކާ ގޭގޭގައި ބެހެއްޓުމާ ދެކޮޅު ކަމަށާއި ނަމަވެސް އޭނާގެ މަންމަ ފަންކާ ބޭނުންވާތީ އެ ނުނެގިފައި ހުރީ ކަމަށެވެ.

ރާކީ ބުނީ އޭނާ ބޭނުންނަ މަ ފަންކާ ނެގިދާނެ ކަމަށާއި ނަމަވެސް މަންމަ ބޭނުންވާތީ ބެހެއްޓީ ކަމަށެވެ. މުޅި ދުނިޔެއާ ހަނގުރާމަ ކުރިޔަސް މަންމަ އާ ހަނގުރާމަ ނުކުރެވޭނެ ކަމަށް ވެސް ރާކީ ބުންޏެވެ.