ތޮއްޑޫގައި ބާރު ސްޕީޑުގައި ދުއްވި ސައިކަލަކުން ޖެހި ތުއްތު ކުއްޖަކަށް ވަރަށް ބޮޑު އަނިޔާވެއްޖެ

އއ. ތޮއްޑޫގައި ބާރު ސްޕީޑުގައި ދުއްވި ސައިކަލަކުން ޖެހި ތުއްތު ކުއްޖަކަށް ވަރަށް ބޮޑަށް އަނިޔާވެއްޖެ އެވެ.

ފުލުހުން މިއަދު ބުނީ، ތޮއްޑޫގެ މަގެއްގެ މަތިން ދުއްވި ސައިކަލުން އެއް އަހަރުގެ ކުއްޖެއްގެ ގައިގައި ޖެހިގެން އެކްސިޑެންޓެއް ހިނގާފައިވާ ކަމުގެ ރިޕޯޓް ރޭ ލިބިފައިވާ ކަމަށެވެ.

އެ އެކްސިޑެންޓުގައި އަނިޔާވި އުމުރުން އެއް އަހަރުގެ ފިރިހެން ކުއްޖާގެ ހާލު ސީރިއަސް ކަމަށާއި އެ ކުއްޖާ އިމަޖެންސީގައި މާލެ ގެނެސް މިހާރު އައިޖީއެމްއެޗުގައި ފަރުވާދެމުން އަންނަ ކަމަށް ވެސް ފުލުހުން ބުންޏެވެ.

ބާރު ސްޕީޑުގައި ދުއްވި ސައިކަލު ފުލުހުން މިހާރު ވަނީ ޓޯކޮށްފަ އެވެ. ނަމަވެސް، މި މައްސަލައާ ގުޅިގެން އަދި މީހަކު ހައްޔަރުކޮށްފައި ނުވާ ކަމަށް ފުލުހުން ބުންޏެވެ.

ފުލުހުން އަންނަނީ އެ މައްސަލަ ތަހުގީގުކުރަމުންނެވެ.

މި އެކްސިޑެންޓު ހިނގި ގޮތް ފެންނަ ވީޑިއޯ ސޯޝަލް މީޑިއާގައި އަންނަނީ ދައުރުވަމުންނެވެ.

އެ ވީޑިއޯ އިން ފެންނަ ގޮތުގައި، އެ ވަގުތު މަގުން ހިނގާފައި ތިޔަ ތިން މީހަކާ އެކު ހުރި އެ ކުއްޖާ ދުވަމުން މަގު މެދަށް ދިޔަތަނާ ވަރަށް ބާރަށް ދުއްވާފައި ދިޔަ ސައިކަލަކުން ކުއްޖާގެ ގައިގައި ޖެހެނީ އެވެ.

އެ ސައިކަލުގައި ތިބީ ދެ ފިރިހެނުންނެވެ.