27 ނޮވެމްބަރ 2024
ރިސޯޓުތަކާއި ގެސްޓް ހައުސްތަކަށް ލިބޭ ޑޮލަރު ބޭންކުތަކުން މާރުކުރަންޖެހޭ ގޮތަށް ނިންމާފައިވާ ނިންމުމަށް ލުޔެއް ނުދޭ ކަމަށާއި މަސައްކަތް ކުރަމުން އަންނަނީ މިހާރު އެކަމަށް ހަދާފައިވާ ގަވާއިދު ގާނޫނަކަށް ބަދަލުކުރުމަށް ކަމަށް މަރުކަޒީ ބޭންކުގެ ގަވަރުނަރު އަހުމަދު މުނައްވަރު މިއަދު ވިދާޅުވެއްޖެ އެވެ.
ރިސޯޓުތަކާއި ގެސްޓް ހައުސްތަކަށް ލިބޭ ޑޮލަރު ބޭންކުތަކުން މާރުކުރަންޖެހޭ ގޮތަށް ނިންމާފައިވާ ނިންމުމަށް ލުޔެއް ނުދޭ ކަމަށާއި މަސައްކަތް ކުރަމުން އަންނަނީ މިހާރު އެކަމަށް ހަދާފައިވާ ގަވާއިދު ގާނޫނަކަށް ބަދަލުކުރުމަށް ކަމަށް މަރުކަޒީ ބޭންކުގެ ގަވަރުނަރު އަހުމަދު މުނައްވަރު މިއަދު ވިދާޅުވެއްޖެ އެވެ.
އެމްއެމްއޭ އިން "ބޭރު ފައިސާއާބެހޭ ބިލް"ގެ ނަމުގައި ގާނޫނެއް އެކުލަވާލުމަށްޓަކައި، އާންމުންގެ ހިޔާލަށް ރޭ ހުޅުވައިލުމުން، މިހާރު އޮތް ގަވާއިދުގެ ދަށުން ބޭންކުތައް މެދުވެރިކޮށް މާރުކުރަންޖެހޭ ޑޮލަރުގެ އަދަދުތަކަށް ލުއިތަކެއް ދީފައިވާ ކަމުގެ އަޑުތައް ފެތުރުނެވެ.
އެކަމާ ގުޅިގެން އެމްއެމްއޭ އިން ބޭއްވި ނޫސްވެރިންގެ ބައްދަލުވުމެއްގައި ގަވަރުނަރު ވިދާޅުވީ މިހާރު އޮތް ގަވާއިދަށް ގާނޫނީ ބާރު ދިނުމަށް ގާނޫނެއް އެކުލައިލުން ފިޔަވައި، އެއްވެސް ލުޔެއް ދީފައެއް ނުވާނެ ކަމަށެވެ.
އެ ބިލާ ގުޅޭގޮތުން ނޫސްވެރިންގެ ބައްދަލުވުމުގެ ތެރެއިން ނޫސްވެރިންނާ ހިއްސާކުރި ޕްރެޒެންޓޭޝަންގައި ބުނީ، ކެޓަގަރީ "އޭ" ގައި ހިމެނޭ، ރިސޯޓުތަކާއި ހޮޓާތަކާއި ޓޫރިސްޓް އުޅަނދުތައް ކޮންމެ ޓޫރިސްޓަކަށް، ބޮލަކަށް 500 ޑޮލަރުގެ ރޭޓުން، ރާއްޖޭގެ ބޭންކަކަށް ޑޮލަރު މާރުކުރަން ލާޒިމްވެ އެވެ. އަދި ކެޓަގަރީ "ބީ" ގައި ހިމެނޭ ގެސްޓް ހައުސްތަކުން ކޮންމެ ޓޫރިސްޓެއްގެ ބޮލަކަށް 25 ޑޮލަރުގެ ރޭޓުން ކޮންމެ މަހަކު އެ އަދަދު ބޭންކަކަށް ޖަމާކޮށް މާރުކުރަން ޖެހެ އެވެ.
އެއީ މިހާރު އޮތް ގަވާއިދުގައި ވެސް ހިމަނާފައި އޮތް އަދަދުތަކެވެ.
އެމްއެމްއޭގެ ގަވަރުނަރު މުނައްވަރު ނޫސްވެރިންނާ ބައްދަލުކުރައްވަން މިއަދު ވަޑައިގަންނަވަނީ.---ފޮޓޯ: ނިޝާން އަލީ| މިހާރު
މުނައްވަރު ވިދާޅުވި ގޮތުގައި، ޓޫރިޒަމް ދާއިރާގައި ހަރަކާތްތެރިވާ ފަރާތްތަކަށް އިންސާފުވެރިވުމުގެ ގޮތުން، އާ ކެޓަގަރީއެއް ބިލްގައި ވަނީ ހިމަނައިފަ އެވެ.
މިގޮތުން، ޓޫރިޒަމް ދާއިރާގައި ނުހިމެނޭ ފަރާތްތަކުން ވެސް، އަހަރެއްގެ ތެރޭގައި 20 މިލިއަން އެމެރިކާ ޑޮލަރަށް ވާ އަދަދަށް ބޭރު ފައިސާ ލިބޭ ނަމަ އެ ފަރާތްތަކަށް ލިބޭ ބޭރު ފައިސާގެ އާމްދަނީގެ 25 ޕަސެންޓަށް ވުރެ ބޮޑު ނުވާ އަދަދެއް ރާއްޖޭގެ ބޭންކު އެކައުންޓަކަށް ޖަމާކުރަން މަޖުބޫރުވާ ގޮތަށް ބިލްގައި ވަނީ ހިމަނައިފަ އެވެ.
"އެއްވެސް ލުޔެއް ދީފައެއް ނުވާނެ. ފެއާ ވުމުގެ ގޮތުން ނޮން ޓޫއަރިޒަމް ފަރާތްތައް ހިމެނުން ފިޔަވައި އިތުރު އެއްވެސް ޗޭންޖެއް ގެނެސްފައެއް ނުވާނެ،" ގަވަރުނަރު ވިދާޅުވި އެވެ.
އޭނާ ވިދާޅުވި ގޮތުގައި، ބިލްގައި ހިމަނާފައިވާ ގިނަ އިސްތިސްނާތަކަކީ ވެސް ގަވާއިދުގައި މިހާރު ވެސް ހުރި އިސްތިސްނާތަކެވެ. އެކަމަކު ޓޫރިޒަމްގެ ދާއިރާގެ ފަރާތްތަކުން ގަވާއިދާ ގުޅޭގޮތުން ފާޅުކުރަމުންދާ ކަންބޮޑުވުންތަކާ ގުޅިގެން، ބައެއް ކުދި ބަދަލުތައް ބިލްގައި ހިމަނާފައިވާ ކަން މުނައްވަރު ފާހަގަކުރެއްވި އެވެ.
ޑޮލަރު މާރުކުރުމުން އިސްތިސްނާވާ ހާލަތްތަކުގެ ތެރޭގައި:
- 24 ގަޑިއިރު ހޭދަނުކުރާ ޓޫރިސްޓުން
- ދެ އަހަރުން ދަށުގެ ކުޑަކުދިން
- ހިލޭ ނުވަތަ ކޮމްޕިލެމްޓަރީކޮށް ތިބޭ ފަރާތްތައް
ބިލުގައި ދެން މައިގަނޑު ގޮތެއްގައިވާ އެންމެ ބޮޑު ބަދަލަކީ 50 އެނދަށް ވުރެ ގިނަ ވިޔަސް މަދުވިޔަސް މީހުން ދިރިއުޅޭ ރަށެއްގައި ހުންނަ ޓޫރިސްޓު ހޮޓާތައް ބީ ކެޓަގަރީއަށް ބަދަލުވުމެވެ. އޭރުން އެ ތަންތަނުން މާރުކުރަން ޖެހޭނީ ބޮލަކަށް 25 ޑޮލަރުގެ ރޭޓުންނެވެ. ބޭރުގައި ރަޖިސްޓަރީ ކޮށްފައިވާ ޓޫރިސްޓު އުޅަނދުތައް ވަނީ މި ކަންކަމުން އިސްތިސްނާކޮށްފަ އެވެ.
ޑޮލަރު މާރުކުރުން ނުވަތަ ޑިޕޮޒިޓް ބެހެއްޓުމުގެ އުސޫލާ ހިލާފުވާ ފަރާތްތައް ޖޫރިމަނާ ކުރެވޭ މާއްދާތަކެއް ބިލްގައި ވަނީ ހިމަނައިފަ އެވެ.
އެމްއެމްއޭގެ ގަވަރުނަރު މުނައްވަރު ނޫސްވެރިންގެ ސުވާލުތައް މިއަދު އަޑުއައްސަވަނީ.---ފޮޓޯ: ނިޝާން އަލީ| މިހާރު
ބިލް އެކުލަވާލާފައިވަނީ ޑޮލަރު މާރުކުރަން ލާޒިމުވާ ޖުމްލަ އަދަދުގެ 0.05 ޕަސެންޓާއި 0.10 ޕަސަންޓާ ދެމެދުގެ އަދަދަކުން ޖޫރިމަނާ ކުރުމާއި މާރުކުރަންޖެހޭ ދުވަހުގެ އިތުރަށް ހިނގާ ކޮންމެ ދުވަހަކަށް ވެސް ޖޫރިމަނާ ހިނގާ ގޮތަށެވެ.
ގަވަރުނަރު ވިދާޅުވީ، ރާއްޖޭގެ ޓޫރިޒަމް ދާއިރާއަށް އަހަރަކު ހަތަރު ބިލިއަން ޑޮލަރު ވަންނަ އިރު، ދައުލަތުގެ ރިޒާވް އިތުރު ނުވަނީ ކީއްވެތޯ އެތައް ބަޔަކު ސުވާލުކުރާ ކަމަށެވެ.
"ރިޒާވް އިތުރު ކުރުމަކީ އެމްއެމްއޭގެ ގާނޫނީ ޒިންމާއެއް. އެ މަސައްކަތް އަޅުގަނޑުމެން މި ކުރަނީ،" އޭނާ ވިދާޅުވި އެވެ.
އެމްއެމްއޭއިން އާންމުކުރި ގަވާއިދަށް ޓޫރިޒަމް ދާއިރާގެ ބޮޑެތި ބައެއް ވިޔަފާރިތަކުން ވަނީ ދެކޮޅު ހަދައިފަ އެވެ. އަދި އެ ގަވައިދުގައި ބުނާ ގޮތަށް އަމަލު ނުކުރެވޭނެ ކަމަށް ވެސް ވަނީ ބުނެފަ އެވެ. ނަމަވެސް، ރައީސް ޑރ. މުހައްމަދު މުއިއްޒު ވަނީ އެ ކަންބޮޑުވުންތައް ހުރި ނަމަވެސް ގަވައިދު ބަދަލުނުކުރައްވާނެ ކަމަށް މީގެ ކުރިން ފާޅުގައި ވިދާޅުވެފަ އެވެ.
ޑޮލަރު މާރުކުރުމުގެ ބަދަލުން އާންމުންނަށް ފައިދާކުރާނެ
އަންނަ އަހަރު ރިޒާވް 705 މިލިއަން ޑޮލަރަށް އަރާނެ
ޑޮލަރު މާރުކުރަންޖެހޭ ގޮތަށް ގާނޫނު ހެދުން މުހިންމު
ޑޮލަރުގެ ގަވާއިދަށް 173 ރިސޯޓުން ރަޖިސްޓްރީވެއްޖެ
މުހިއްމު ގަވާއިދެއް، ގެސްޓް ހައުސްތަކަށް ގެއްލުންވެދާނެ
އަހަރަކު 750 މިލިއަން ބޭންކުތަކަށް މާރުކުރަން ޖެހޭ!
އަވަސް ފިޔަވަޅުތަކަކުން ހައްލު ހޯދަންޖެހޭ މައްސަލައެއް!
ޓޫރިޒަމަށް ދޫކުރި ލޯނުގެ އަދަދު 12 ބިލިއަނަށް!
ޑޮލަރުގެ ކަޅު ބާޒާރުގެ ބާރު ކަނޑުވާލަން ވެއްޖެ!
ރިސޯޓުތައް ބަންދުވުމުން އިމްޕޯޓު ދަށްވެ ޑޮލަރުގެ އަގު ދަށަށް