އެފްއެޗްއޭއެމްގެ މިފަހަރުގެ ކޯ ސްޕޮންސަރަކަށް ސިމްޑީ ގްރޫޕް

ރާއްޖޭގައި ބާއްވާ އެންމެ ބޮޑު ހޮސްޕިޓަލިޓީ އެސްކްޕޯ، ފުޑް އެންޑް ހޮސްޕިޓަލިޓީ އޭޝިއާ މޯލްޑިވްސް (އެފްއެޗްއޭއެމް) ގައި ސިމްޑީ އިން ކޯ ސްޕޮންސަރެއްގެ ގޮތުގައި ބައިވެރިވެއްޖެ އެވެ.

ދަރުބާރުގޭގައި މިހާރު ކުރިއަށްދާ އެފްއެޗްއޭއެމް އެގްޒިބިޝަންގައި ބޮޑު ދެ ސްޓޯލްގައި ސިމްޑީ ސީޕީޑީން ވިއްކާ ގިނަ ބްރޭންޑުތަކެއްގެ އުފެއްދުންތައް ވަނީ ދައްކާލައިފަ އެވެ.

އޭގެ ތެރެއިން އެއް ސްޓޯލް ސިމްޑީން ހާއްސަކޮށްފައިވަނީ އެ ކުންފުނިން ވިއްކާ މަގުބޫލު ދިލްމާ ސައިފަތުގެ ބާވަތްތަކަށެވެ. އެ ސްޓޯލުގެ ހަރުތަކުގައި ދިލްމާގެ އެކި ވައްތަރުގެ, އެކި ފްލޭވާތަކުގެ ސައިފަތް ބަހައްޓާފައިވެ އެވެ. އޭގެ ތެރޭގައި ދިލްމާގެ ލޫޒް ޓީ އާއި ޓީ ބޭގްސް އަދި އެލިކްސާ ވަނީ ދައްކާލައިފަ އެވެ. މި ފަހަރު އެ ސްޓޯލަށް ޒިޔާރަތްކުރާ ކަސްޓަމަރުންނަށް ދިލްމާ އެލިކްސާއިން އަލަށް ނެރެފައިވާ ރޭންޖުގެ އައިސްޓީ ތަޖުރިބާ ކޮށްލުމުގެ ފުރުސަތު ލިބޭނެ ކަމަށް ސިމްޑީން ބުންޏެވެ.

ސިމްޑީގެ ދެ ވަނަ ސްޓޯލްގައި ސިމްޑީ ސީޕީޑީއިން ވިއްކާ ގިނަ ބްރޭންޑުތަކެއްގެ ޕްރޮޑަކްޓުތައް ޝޯކޭސް ކޮށްފައިވެ އެވެ. އެ ތަނުގައި ބިޔަރެމްބާގް, ޖޭމްސް, މަސްޓާޑް އިން ފެށިގެން ގަރަފަލޯގެ ޕާސްތާ, ސްޕެގެޓީ, އައިކެފޭގެ އެކި ރަހަތައް އަދި ނޫރު ބްރޭންޑުގެ ސަންފްލާވާ އޮއިލް އާއި މަޔޮނައިޒް އާއި ދިލްމާ ބާސްމަތީ ރައިސްގެ އިތުރުން ޓާޓާ ސޯލްޓްގެ ޕްރޮޑަކްޓް ލައިން ވަނީ ދައްކާލައިފަ އެވެ.

މި ސްޓޯލުން ސިމްޑީގެ ސަޕްލަޔާ ދުނާރު ބްރޭންޑުގެ ބާސްމަތީ ހަނޑޫ ބޭނުންކޮށްގެން ތައްޔާރުކޮށްފައިވާ ހާއްސަ ޑިޝް އެއްގެ ރަހަ ބަލައިލުމުގެ ފުރުސަތު ލިބޭނެ އެވެ.

ސިމްޑީގެ ޕީއާރު އެންޑް މާކެޓިން މެނޭޖަރު އިބްރާހިމް ހަމީޝް ވިދާޅުވީ, ސިމްޑީގެ ސްޓޯލްތައް ހާއްސަކޮށްފައިވަނީ ހޮސްޕިޓާލިޓީ ދާއިރާގެ ފަރާތްތަކާއި ހޯލްސޭލަރުންނާއި ރީޓެއިލަރުންނަށް ކަމަށެވެ. އެ ފަރާތްތަކަށް ގަންނަން ބޭނުންވާ ތަކެތީގެ މައުލޫމާތުތައް އެ ސްޓޯލުން ލިބޭނެ ކަމަށް އޭނާ ވިދާޅުވި އެވެ. އަދި ސްޓޯލުން ހެޔޮ އަގުތަކެއްގައި އުފެއްދުންތައް ގަތުމުގެ ފުރުސަތު ލިބޭނެ ކަމަށް ވެސް އޭނާ ވިދާޅުވި އެވެ.

ސިމްޑީން 200 އަށް ވުރެ ގިނަ ބްރޭންޑުގެ 15،000 އަށް ވުރެ ގިނަ އުފެއްދުން ރާއްޖޭގެ މާކެޓަށް ނެރެފައިވެ އެވެ. އެ ކުންފުނިން އެފްއެޗްއޭއެމްގައި ޝޯކޭސް ކޮށްފައިވާ ޕްރޮޑަކްޓުތައް ތަޖުރިބާ ކުރުމުގެ ފުރުސަތު މާދާމާގެ ނިޔަލަށް ލިބޭނެ އެވެ.