16 ސެޕްޓެމްބަރ 2024
ދިރާގުން އަންނަ މަހުގެ އެކެއްގައި ފާހަގަކުރާ އެ ކުންފުނީގެ އަހަރީ ދުވަހާ ގުޅުވައިގެން ސްޕީޑް ބޯޓެއް ދޭ ޕްރޮމޯޝަނެއް ލޯންޗުކޮށްފި އެވެ.
ދިރާގުން އަންނަ މަހުގެ އެކެއްގައި ފާހަގަކުރާ އެ ކުންފުނީގެ އަހަރީ ދުވަހާ ގުޅުވައިގެން ސްޕީޑް ބޯޓެއް ދޭ ޕްރޮމޯޝަނެއް ލޯންޗުކޮށްފި އެވެ.
މި ޕްރޮމޯޝަނުގައި ބައިވެރިވެވޭނީ ދިރާގުގެ 400ރ. އިން މަތީގެ ޕޯސްޓްޕެއިޑް ޕެކޭޖު ގެންގުޅޭ ކަސްޓަމަރުންނާއި ފައިބާ 40އެމް ޕެކޭޖުން މަތީގެ ޕެކޭޖުތައް ގެންގުޅޭ ކަސްޓަމަރުންނަށާއި 400ރ. އިން މަތިން ރީޗާޖުކުރާ ޕްރީޕެއިޑް ކަސްޓަމަރުންނަށެވެ. އަލަށް އެ ނެޓްވޯކާ ގުޅި މި އަގުތަކުން މަތީގެ ޕެކޭޖުތައް ނަގާ ކަސްޓަމަރުންނަށް ވެސް ޕްރޮމޯޝަނުގައި ބައިވެރިވެވޭނެ އެވެ.
މި ޕްރޮމޯޝަނަށް ޝަރުތުހަމަވާ ކަސްޓަމަރުންނަށް ޕްރޮމޯޝަނުގައި ބައިވެރިވުމަށް "ވިން އަ ސްޕީޑްބޯޓް" ޕޯޓަލްއިން އެންރޯލްކުރެވޭނެ އެވެ.
Win a Speedboat
Win a Speedboat
"ވިން އަ ސްޕީޑްބޯޓު" ޕޯޓަލް. މި ޕޯޓަލްއިން ޕްރޮމޯޝަންގައި ބައިވެރިވެވޭނެ.
ދިރާގު ހެޑް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ޑިރެކްޓަރު ބްރޭންޑް އެންޑް މާކެޓިން ކޮމިއުނިކޭޝަންސް މުހައްމަދު މިރްޝާން ހަސަން ވިދާޅުވީ މިދިޔަ އަހަރުގެ އަހަރީ ދުވަހުގެ ޕްރޮމޯޝަނަށް ލިބުނު ބޮޑު ތަރުހީބާ އެކު، މި ފަހަރުގެ ޕްރޮމޯޝަން އެ އަށް ވުރެ ފުރިހަމަ ވާނެ ކަމަށެވެ.
"މިދިޔަ އަހަރު ދިން ޓެސްލާ ކާރަށް ވަރަށް ބޮޑު ތަރުހީބެއް ލިބުނު. އެހެންވެ މި އަހަރު މި ދެނީ އެ އަށް ވުރެ އަގުހުރި، އެއަށް ވުރެ ފުރިހަމަ އިނާމެއް. އަދި މި ފަހަރު މި ޕްރޮމޯޝަނުގައި މި ލޯންޗުކުރަނީ ކުރިއަށް ވުރެ ގިނަ ކަސްޓަމަރުންނަށް ބައިވެރި ވެސް ވެވޭ ގޮތަށް،" މިރުޝާން ވިދާޅުވި އެވެ.
ދިރާގުގެ ޑިރެކްޓަރު ބްރޭންޑް އެންޑް މާކެޓިން ކޮމިއުނިކޭޝަންސް މުހައްމަދު މިރްޝާން ހަސަން މިއަދު އޮތް ނޫސްވެރިންގެ ބައްދަލުވުމުގައި ވާހަކަދައްކަވަނީ. -- ފޮޓޯ: ފަޔާޒް މޫސާ | މިހާރު
މި ނޫސްވެރިންގެ ބައްދަލުވުމުގައި ސްޕީޑް ބޯޓާ ގުޅޭ ގޮތުން އަލްޝާލީ މެރިންގެ ޖެނެރަލް މެނޭޖަރު އިސްމާއިލް ޝަރީފު ވިދާޅުވީ މި ޕްރޮމޯޝަނުގައި ދޭ ބޯޓަކީ މިދިޔަ އަހަރު އެ ކުންފުނިން ފަރުމާކޮށް މާކެޓަށް ނެރުނު "މަގްލާން 32" ބްރޭންޑުގެ ބޯޓެއް ކަމަށެވެ. އަދި މިއީ އެކްސްކާޝަންތަކުގައި ބޭނުންކުރަން ހާއްސަކޮށް، ސޭންޑުބޭންކުތަކަށް ފަސޭހައިން ވަދެވޭ ގޮތަށް ފެނަށް ތިލަކޮށްކަމަށް ފަރުމާކޮށްފައިވާ އުޅަނދެއް ކަމަށް ވިދާޅުވި އެވެ.
މި ސްޕީޑު ބޯޓަކީ 12 މީހުންގެ ޖާގައިގެ، 32 ފޫޓުގެ ލޯންޗެކެވެ. ކެބިންއަކާ އެކު ފަރުމާކޮށްފައިވާ މި ލޯންޗުގައި ޕްރައިވެސީއަށް ބޮޑުކޮށް ފާހަނާއެއް ހުރެ އެވެ. އަދި ސޭންޑުވިޗު ފަދަ ލުއި ކާނާ އާއި ކޮފީ ހަދާނެ ޖާގައެއް ވެސް ހިމެނެ އެވެ.
މި ބޯޓުގައި އިންޖީނު އަޅާފައިވާ އެލިއާ ކުންފުނީގެ ފަރާތުން، މާކެޓިން މެނޭޖަރު އަހުމަދު އަސީލް ވިދާޅުވީ މީގައި އަޅާފައި ވަނީ 175 ހޯސްޕަވަރުގެ ޔަމަހާ ދެ އިންޖީނު ކަމަށެވެ. އަދި މިއީ އެ ކުންފުނީގެ ކަސްޓަމަރުންގެ މެދުގައި މަގުބޫލު މޮޑެލްއެއް ކަމަށާއި މި އިންޖީނަކީ 2018 ވަނަ އަހަރު ދިވެހި ކަނޑުގައި ޓެސްޓުކޮށްފައިވާ އިންޖީނެއް ކަމަށް ވިދާޅުވި އެވެ.
ޔަމަހާ އިންޖީނު އަޅާފައިވާ މި ސްޕީޑުބޯޓުގެ ޖުމްލަ އަގު ގާތްގަނޑަކަށް 1.2 މިލިއަނަށް އަރަ އެވެ. މި ސްޕީޑު ބޯޓު ހޯދުމުގެ ފުރުސަތު މި ޑިސެމްބަރު 16 ވަނަ ދުވަހުގެ ނިޔަލަށް ވަނީ ހުޅުވާލައިފަ އެވެ. ބޯޓު ލިބޭ ފަރާތަށް އަންނަ އަހަރުގެ ޖެނުއަރީ މަހުގެ ތެރޭގައި ބޯޓު ހަވާލުކުރުމަށް ދިރާގުން ވަނީ ނިންމައިފަ އެވެ.
ދިރާގުން ބުނީ އެ ކުންފުނިން އެއްވެސް ކަސްޓަމަރެއް ބާކީ ނުކުރުމުގެ ގޮތުން މި ޕްރޮމޯޝަނުގެ މުއްދަތުގައި މަންތުލީ ގިވްއަވޭ އިނާމުތަކެއް ދިނުމަށް ހަމަޖެހިފައިވާ ކަމަށެވެ. އަދި މިއީ އެ ކުންފުނީގެ ހުރިހާ ކަސްޓަމަރުންނަށް އޮޓަމެޓިކްކޮށް ބައިވެރިވެވޭ ޕްރޮމޯޝަނެއް ކަމަށް ވެސް ބުންޏެވެ. ގިވްއަވޭގެ ގޮތުގައި ކަސްޓަމަރުންނަށް ކޮމްޕްލީޓް ސްޕޯޓްސް ފިޝިން ގިއާ ސެޓަކާއި އެންމެ ފަހުގެ ގޯ ޕްރޯ ހީރޯއަކާއި މިނީ ޑްރޯންއެއް އަދި ފްރީ ޑައިވިން ވޮޗެއް ވަނީ ހުށަހަޅައިފަ އެވެ.
ދިރާގުން މި އަހަރު ފާހަގަކުރާނީ 37 ވަނަ އަހަރީ ދުވަހެވެ.
ރީލޯޑުކޮށްގެން ކޮންމެ ހަފްތާއަކު އައިފޯން 15 ޕްރޯއެއް
އީއޭއެފްސީ މިނީ ސީރީޒްގެ ޗެމްޕިއަންކަން "ދަ ލޮޖް"އަށް
ދިރާގުން "ސީޑް"އާއެކު ހަދާފައިވާ ޕާޓްނާޝިޕް އާ ކޮށްފި
ދިރާގު ރޯޑްރޭހަށް ރަޖިސްޓަރީވުމުގެ ފަހު ދުވަކީ އަންގާރަ
އީއޭއެފްސީ މިނީ ސީރީޒް ޓޯނަމަންޓު މާދަމާ ފަށަނީ
ރޯޑް ރޭހުގެ އޮފީސް/ރިސޯޓް ކެޓަގަރީއަށް ރެޖިސްޓްރީކުރަނީ
ދިރާގު ރޯޑް ރޭސް އޮކްޓޯބަރު 25 ގައި ބާއްވަނީ
ދިރާގު ފިންޓެކް ކުންފުންޏަށް އެމްއެމްއޭއިން ލައިސެންސް
ދިރާގުން ރެޑް ކްރެސެންޓުގެ މަސައްކަތަށް އެހީ ދެނީ
ދިރާގުން ބޭއްވި ކޮންޓެސްޓުގެ ނަސީބުވެރިންނަށް އިނާމުދީފި