02 ޖުލައި 2024
ދިވެހި އިމާމުން ތަމްރީނުކުރަން ބުރޫނާއީ އަށް ފޮނުވަން ނިންމައިފި އެވެ.
ދިވެހި އިމާމުން ތަމްރީނުކުރަން ބުރޫނާއީ އަށް ފޮނުވަން ނިންމައިފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އިއްޔެ އެކްސްގައި ކުރެއްވި ޕޯސްޓެއްގައި ވިދާޅުވީ ރާއްޖެއިން ބޭރުން އިތުރު ތަމްރީނު ލިބިގަތުމުގެ ފުރުސަތުގެ ދަށުން، ބުރޫނާއީ ދާރުއްސަލާމަށް 20 އިމާމަކު މި މަހު 15 ގައި ފުރާނެ ކަމަށެވެ.
މި ތަމްރީނު ޕްރޮގްރާމް އޮންނާނީ ބުރޫނާއީގެ ގައުމީ އިސްލާމީ ޔުނިވާސިޓީ، ސުލްތޯން ޝަރީފް އިސްލާމިކް ޔުނިވާސިޓީގައި ކަމަށް ޝަހީމް ވިދާޅުވި އެވެ.
އިސްލާމިކް މިނިސްޓްރީން މިއަދު ކުރި އިއުލާނެއްގައި ވަނީ މި ޕްރޮގްރާމްގައި ބައިވެރިވާން ޝައުގުވެރިވާ އިމާމުންނަށް ފޯމު ހުށަހެޅުމުގެ ފުރުސަތު ހުޅުވާލައިފަ އެވެ. މި ތަމްރީނު ޕްރޮގްރާމުގައި ބައިވެރިވެވޭނީ ރާއްޖޭގައި މިވަގުތު ތިބި އިމާމުންނަށް ކަމަށް އެ އިއުލާނުގައި ބުންޏެވެ.
އަރަބި ބަހުން ރަނގަޅަށް ލިޔަން ކިޔަން އެގުމާ އެކު، ކަމާ ގުޅޭ ދާއިރާގައި މަސައްކަތްކުރާ މީހެއް ކަމަށް ވުމަކީ ޝަރުތެއް ކަމަށް ވެސް އެ އިއުލާނުގައި ބުނެފައިވެ އެވެ.
މި ޕްރޮގްރާމްގައި ބައިވެރިވުމަށް އަންނަ ބުރާސްފަތި ދުވަހުގެ ކުރިން ފޯމު ހުށަހަޅަން ޖެހެ އެވެ.
މިނިސްޓްރީން ބުނި ގޮތުގައި، އެއީ ހަތް ދުވަހުގެ ތަމްރީނު ޕްރޮގްރާމެއް ކަމަށާއި އެ ޕްރޮގްރާމް ކުރިއަށް ގެންދާނީ މި މަހު 16 އިން 22 އަށެވެ.
އިމާމުންނަށް އަމާޒުކޮށްގެން ދީނީ މައުލޫމާތު ދިނުމުގެ މަގުސަދުގައި ހިންގާ މި ޕްރޮގްރާމްގައި ޓިކެޓާއި ވިސާ ފިޔަވާ އެހެން ހުރިހާ ހަރަދެއް ބުރޫނާއީ އިން ހަމަޖައްސައިދޭނެ ކަމަށް އެ އިއުލާނުގައި ބުންޏެވެ.
އިމާމުން ތަމްރީންކުރަން އިސްލާމިކް މިނިސްޓްރީން މިދިޔަ ޖެނުއަރީ މަހު އިއުލާންކުރި ގައުމީ މަޝްރޫއުގެ ފުރަތަމަ ބުރުގައި އިމާމުންނާއި ހަތީބުންގެ 20 މީހަކު ވަނީ މިދިޔަ ފެބްރުއަރީ މަހު މައްކާ އަށް ފޮނުވައިފަ އެވެ.
ތައިލެންޑުގެ އިސްލާމިކް ޔުނިވަސިޓީއަށް އިމާމުން ފޮނުވަނީ
ހުރިހާ އިމާމުންނަށް ހާއްސަ ޕްރޮގްރާމް އަންނަމަހު ފަށަނީ
ޖަމިއްޔާތަކުން ހިންގާ ދީނީ ހަރަކާތްތަކަށް މާލީ އެހީ
12 މިސްކިތެއްގައި ހުކުރު ކުރީ ޒުވާން ހަތީބުން
"ސަފީރުންނަށް ދަތި ކުރުމަކީ ނަސްރު ދިނުމެއް ނޫން"
އޮސްޓްރޭލިއާ ނޭވީގެ އިމާމް ރާއްޖޭގައި ހުތުބާ ދެއްވަނީ
ފަލަސްތީނުގެ މިނިސްޓަރު ރާއްޖޭގައި ހުތުބާ ދޭން ދައުވަތު
ހަނިއްޔާގެ ކަށުނަމާދު މަޖުބޫރު ނުކުރީ ވާޖިބަކަށް ނުވާތީ
ހާފިޒުން ދަސްވެނިވުމުގެ ހަފުލާ ކުލަގަދަކޮށް ބާއްވަނީ
ހައްޖު ކޯޓާ އިތުރުވުމުގެ ފުރުސަތު އެބައޮތް: ޝަހީމް