އީދު ބަންދުގައި ކަނޑުތައް އާދައިގެ ވަރަކަށް ގަދަވާނެ

ކުރިއަށް އޮތް ބޮޑު އީދު ބަންދުގައި ރާއްޖޭގެ ކަނޑުތައް އާދައިގެ ވަރަކަށް ގަދަވާނެ ކަމަށް މެޓް އޮފީހުން މިއަދު ބުނެފި އެވެ.

މެޓް އޮފީހުން ބުނީ އީދު ބަންދުގައި މޫސުން އާންމުކޮށް ރަނގަޅުވި ނަމަވެސް، ކަނޑުތައް އާދައިގެ ވަރަކަށް ގަދަވާނެ ކަމަށް ލަފާކުރެވޭ ކަމަށެވެ. އަދި ވައިޖެހޭނީ އާންމު ގޮތެއްގައި 15 މޭލުގެ ބާރުމިނުގައި ކަމަށް ވެސް އެ އޮފީހުން ބުންޏެވެ.

"އާދައިގެ ވަރަކަށް ކަނޑުތައް ގަދަވާނެ، އަދި ކެރިކޮޅު ދޭތެރެއަކުން އުޅޭނެ،" މެޓް އޮފީހުން ބުންޏެވެ.

އީދަށް ލިބޭ ހަފުތާއެއްގެ ބޮޑު ބަންދަށް ރަށްރަށަށް ފުރަން ގިނަ ބަޔަކު ތިބީ ތައްޔާރަށެވެ. ވައިގެމަގުންނާއި ކަނޑުމަގުން ރަށްރަށަށް ފުރާ ގިނަ އުޅަނދުތަކުގެ ޖާގަ ވެސް މިހާރު ވަނީ މާދަމާއިން ފެށިގެން އީދު ބަންދު ނިމެންދެން އެއްކޮށް ފުލްވެފަ އެވެ.

ބޮޑު އީދު ދުވަހަކީ އަންނަ އާދިއްތަ ދުވަހެވެ.