ކޯޓުން ބްރެޒިލްގެ އެފްއޭގެ ރައީސް މަގާމުން ދުރުކޮށްފި

ރިއޯ ޑީ ޖެނީރޯ (ޑިސެމްބަރު 9) - ބްރެޒިލްގެ ކޯޓުން، އެ ގައުމުގެ ފުޓްބޯޅަ ކޮންފެޑެރޭޝަން (ސީބީއެފް) ގެ ރައީސް އެޑްނާލްޑޯ ރޮޑްރިގޭޒް މަގާމުން ދުރުކޮށްފި އެވެ.

ރިއޯ ޑީ ޖެނީރޯގެ ކޯޓުން، ރޮޑްރިގޭސް މަގާމުން ދުރުކުރުމަށް ފަހު ކޯޓުން ވަނީ ސީބީއެފްގެ ވަގުތީ ރައީސަކަށް ބްރެޒިލްގެ ކުޅިވަރު އަދުލުގެ މަތީ ކޯޓުގެ ފަނޑިޔާރު ހޯސޭ ޕެރްޑިޒް އައްޔަން ކޮށްފަ އެވެ.

ރިއޯ ޑީ ޖެނީރޯގެ ކޯޓުން، ރޮޑްރިގޭސް މަގާމުން ދުރުކުރުމަށް ފަހު ވަނީ ސީބީއެފްގެ ވަގުތީ ރައީސަކަށް އެ ގައުމުގެ ކުޅިވަރު އަދުލުގެ މަތީ ކޯޓުގެ ފަނޑިޔާރު ހޯޒޭ ޕެރްޑިޒް އައްޔަން ކޮށްފަ އެވެ.

ކޯޓު ވަނީ 30 ދުވަހުގެ ތެރޭގައި އާ އިންތިހާބެއް އިންތިޒާމް ކުރުމުގެ ޒިންމާ ޕެރްޑިޒްއާ ހަވާލުކޮށްފަ އެވެ.

ރޮޑްރިގޭޒްގެ މަގާމު ގެއްލިފައިވާ ކަމަށް މިިދޔަ ބުރާސްފަތި ދުވަހު ކޯޓުން ކަނޑައެޅީ އޭނާ ރައީސް ކަމަށް އިންތިހާބު ކުރަން މިދިޔަ އަހަރު ބޭއްވި ކޮންގްރެސް ބާތިލުކަމަށް ނިންމުމަށް ފަހު އެވެ.

އޭނާގެ މަގާމު ގެއްލިފައިވާ ކަމަށް ކޯޓުން ނިންމި އިރު އޭނާގެ ދައުރު ހަމަވާން އަދި ތިން އަހަރު އެބައޮތެވެ. ދައުރު ހަމަވާނީ 2026 ގަ އެވެ.

ކޯޓުން މި ގޮތަށް ނިންމާފައި މިވަނީ އިންތިހާބީ މަރުހަލާއާ ގުޅިގެން ޕަބްލިކް ޕްރޮސެކިއުޓާ އޮފީހާއެކު 2022 ވަނަ އަހަރު ސީބީއެފުން ހެދި އެއްބަސްވުމުގެ ދަށުން މަގާމު ގެއްލުނު އެ އިދާރާގެ ކުރީގެ ނައިބު ރައީސުން މައްސަލަ ހުށަހެޅުމުންނެވެ.

ކޯޓުން ކުރި ހުކުމުގައި ވަނީ ޕަބްލިކް ޕްރޮސެކިއުޓާ އޮފީހާއި ސީބީއެފްއާ ދެމެދު ހަދާފައިވާ އެގްރީމެންޓަކީ ގާނޫނާ ހިލާފު އެއްބަސްވުމެއް ކަމަށެވެ.

ކޯޓުގެ ނިންމުމާ ގުޅިގެން، ސީބީއެފްގެ ސްޕޯކް ޕާސަން ބުނީ ކޯޓުގެ ނިންމުން އައި ގޮތް އެނގިފައިވާ ކަމަށާއި ކޯޓުން އެޅި ފިޔަވަޅުތައް އިތުރަށް ދިރާސާ ކުރަމުންދާ ކަމަށެވެ.