20 ނޮވެމްބަރ 2023
ކުރިއަށް އޮތް އަހަރުގައި ފައިސާ ޗާޕުކުރަން ޕްލޭނެއް ކޮށްފި ނަމަ ރާއްޖޭގެ އެކްސްޗޭންޖް ރޭޓަށް ކުރާ ނޭދެވޭ އަސަރު ކުޑަ ކުރުމަށް އޯޕަން މާކެޓް އޮޕަރޭޝަންސް (އޯއެމްއޯ) ފެށުމަށް މަޖުބޫރު ވެދާނެ ކަމަށް މަރުކަޒީ ބޭންކުން މިއަދު ބުނެފި އެވެ.
ކުރިއަށް އޮތް އަހަރުގައި ފައިސާ ޗާޕުކުރަން ޕްލޭނެއް ކޮށްފި ނަމަ ރާއްޖޭގެ އެކްސްޗޭންޖް ރޭޓަށް ކުރާ ނޭދެވޭ އަސަރު ކުޑަ ކުރުމަށް އޯޕަން މާކެޓް އޮޕަރޭޝަންސް (އޯއެމްއޯ) ފެށުމަށް މަޖުބޫރު ވެދާނެ ކަމަށް މަރުކަޒީ ބޭންކުން މިއަދު ބުނެފި އެވެ.
ދައުލަތުގެ އަންނަ އަހަރުގެ ބަޖެޓާ ގުޅޭ ގޮތުން ދިން ލަފައިގެ ޕްރެޒެންޓޭޝަންގައި އެމްއެމްއޭގެ ސީނިއާ ރިސާޗު އެނަލިސްޓް މުހައްމަދު އިމްތިނާން ވިދާޅުވީ، ދައުލަތުގެ ހަރަދުތައް ހަމަޖެއްސުމަށް ބޭރުގެ ފަރާތްތަކުންނާއި ޑޮމެސްޓިކް މާކެޓުން ފައިނޭންސިން ހޯދުމަށް މި ދަނޑިވަޅުގައި ދަތިވެފައިވާ ކަމަށެވެ.
އަންނަ އަހަރުގެ ބަޖެޓު ފޮތުގައިވާ ގޮތުން އަންނަ ޑިސެމްބަރު މަހުން ފެށިގެން ޕަބްލިކް ބޭންކް އެކައުންޓުން އޯވަޑްރޯ ނުކުރަން ނިންމާފައި ވެ އެވެ. އިމްތިނާން ވިދާޅުވީ، އެ ހާލަތު ބަދަލުވެ، އަލުން އޯވަޑްރޯ ކުރާ ނަމަ އިގްތިސާދުގައި ދައުރުވާ ފައިސާ އިތުރުވެ، ބޭރު ފައިސާ އަށް އޮންނަ ޑިމާންޑް އެތަށް ގުނައަކަށް އިތުރުވާނެ ކަމަށެވެ.
"ކުރިޔަށް އޮތް އަހަރުގައި ވެސް މިފަދައިން ސަރުކާރުގެ ހަރަދުތައް ހަމަޖެއްސުމަށް ރާވާކަމުގައިވާ ނަމަ އެކްސްޗޭންޖް ރޭޓަށް ކުރާ ނޭދެވޭ އަސަރު ކުޑަކުރުމަށްޓަކައި އެމްއެމްއޭ އިން އޯޕަން މާކެޓް އޮޕަރޭޝަންސް (އޯއެމްއޯ) ފެށުމަށް މަޖުބޫރުވެގެން ދާނެ،" އޭނާ ވިދާޅުވި އެވެ.
އެމްއެމްއޭ އިން އެހެން ބުނިއިރު މިވަގުތު ޑޮލަރުގެ އަގު ކަޅުބާޒާރުގައި އުޅެނީ ރަސްމީ ރޭޓަށް ވުރެ މާ މަތީގަ އެވެ. މިވަގުތު ކަޅު ބާޒާރުގައި ޑޮލަރެއް ލިބެނީ 17.30ރ.- 18.20ރ. އާ ދެމެދުގެ އަގެއްގަ އެވެ.
އިމްތިނާނު ވިދާޅުވީ، ސަރުކާރުގެ ހަރަދުތައް ހަމަޖެއްސުމަށް އެމްއެމްއޭއިން ދަރަނި ނެގުމަކީ ދެމެހެއްޓެނިވި ކަމެއް ނޫން ކަމަށެވެ. އެއީ ބޭރުގެ މާލީ އިދާރާތަކުންނާއި އެ އޮތޯރިޓީން ވެސް ރެކޮމެންޑް ކުރާ ކަމެއް ނޫން ކަމަށް ވިދާޅުވި އެވެ.
ބަޖެޓު ކޮމިޓީގައި ތިއްބެވި ބައެއް މެންބަރު -- ފޮޓޯ: ފަޔާޒް މޫސާ / މިހާރު
އެމްއެމްއޭ އިން ދިން ބަޖެޓު ލަފާގައިވާ ގޮތުން ދައުލަތުގެ ރަސްމީ ރިޒާވް ވަކި ވަރެއްގައި ހިފެހެއްޓުމަށާއި ސަރުކާރު ހިއްސާވާ ކުންފުނިތަކަށް ބޭނުންވާ ބޭރު ފައިސާ ފޯރުކޮށްދިނުމަށް ބޭރުގެ ފައިނޭންސިންއަކީ މިވަގުތު ކޮންމެހެން ހޯދަން ޖެހިފައިވާ އެއްޗެއް ކަމަށެވެ.
އެމްއެމްއޭ އިން ބުނީ، މި އަހަރަށް ފައިނޭންސިންގެ ގޮތުގައި އަންދާޒާ ކޮށްފައިވާ އަދަދުން 200 މިލިއަން ޑޮލަރު ނޮވެންބަރު މަހާއި ޑިސެމްބަރު މަހުގެ ތެރޭގައި ހޯދުމަކީ ވަރަށް މުހިންމު ކަމެކެވެ.
އަންނަ އަހަރުގެ ބަޖެޓުގައި ބޭރުގެ ފަރާތްތަކުން ފައިނޭންސިންގްގެ ގޮތުގައި 550 މިލިއަން ޔޫއެސް ޑޮލަރު ރަސްމީ ރިޒާވް ގައި ހިމަނާފައިވާއިރު، މި އަދަދުން ބައެއް 2024 ވަނަ އަހަރު ކުރީކޮޅު ރިޒާވަށް ލިބުމަކީ މުހިންމު ކަމެއްކަމުގައި ވެސް މަރުކަޒީ ބޭންކުން ބުނެފައި ވެ އެވެ.
"ބޭރުގެ ފައިނޭންސިންގެ އަދަދުތައް ނުލިބިއްޖެ ނަމަ އެކްސްޗޭންޖް ރޭޓަށް ކުރާ ނޭދެވޭ އަސަރު އިތުރުވެ، ތަކެތީގެ އަގު އުފުލުމަކީ އެކަށީގެން ވާކަމެއް. ވުމާ އެކު، މި ހިރާސްތައް ކުޑަކުރުމަށްޓަކައި ދުރާލާ ބޭރުގެ ފަރާތްތަކުން ހޯދުމަށް ހިމަނާފައިވާ ފައިނޭންސިން ހޯދުމުގެ މަސައްކަތް ކުރުމަށް މި އޮތޯރިޓީން ލަފާ އަރުވަން،" އިމްތިނާނު ދެއްވި ޕްރެޒެންޓޭޝަންގައި ވިދާޅުވި އެވެ.
އެމްއެމްއޭ އިން ވަނީ އަންނަ އަހަރަށް ލަފާކުރާ އާމްދަނީ އިން 1.3 ބިލިއަން ރުފިޔާގެ ހިލޭ އެހީ ނުލިބުމުގެ ފުރުސަތު ވަރަށް ބޮޑު ކަމަށާއި އަންނަ އަހަރުގެ ރިކަރަންޓް ހަރަދު ކުޑަކުރުމަށް ހުށަހަޅާފައިވާ ސިޔާސަތުތައް އަވަސް މުއްދަތެއްގެ ތެރޭގައި ތަންފީޒުކުރަން އެދިފަ އެވެ.
މާލިއްޔަތު ރަނގަޅަސް ގޮންޖެހުން ބޮޑު!
ޑޮލަރަށް ޖެހުން ހައްލު ކުރާނީ ކިހިނެއް؟
"ޗައިނާ ލޯނުތައް ލުއިވި ކަމުގެ މައުލޫމާތެއް ނުލިބޭ"
100 ޑޮލަރުގެ ފޭކު ނޫޓު ދައުރުވަނީ
އަޅާނުލައި ތިއްބާ ޑޮލަރުގެ އަގު 17ރ.ގައި ހަރުލައިފި
އެމްއެމްއޭ އިން 650 މިލިއަން ޑޮލަރު ވިއްކި
ރާއްޖޭގެ އެކްސްޗޭންޖް ރޭޓް ފްލޯޓް ކޮށްލަން ވީތަ؟
ފައިސާ ޗާޕުކުރުން: އިގްތިސާދީ ނުރައްކާތެރި ނިންމުމެއް!
"ޑޮލަރާގުޅޭ ފިޔަވަޅުތައް ލަސްވަނީ ލޮކްޑައުންތަކާ ހެދި"
ޑޮލަރުގެ އަގު އަނެއްކާވެސް 19ރ. އަށް އުފުލިއްޖެ