ކަސްޓަމްސްގެ ސީޖީ ޝަރީފް ރިޓަޔާކުރައްވައިފި

ކޮމިޝަނާ ޖެނެރަލް އޮފް ކަސްޓަމްސް ޝަރީފް ރިޓަޔާކުރައްވައިފި

06 ނޮވެމްބަރ 2023

ކޮމިޝަނަ ޖެނެރަލް އޮފް ކަސްޓަމްސް އަބްދުﷲ ޝަރީފް މިއަދު އެ މަގާމުން ރިޓަޔާ ކުރައްވައިފި އެވެ.

އޭނާ ކަސްޓަމްސްގެ ވަޒީފާ އިން ރިޓަޔާ މި ކުރެއްވީ އެ އިދާރާގައި 28 އަހަރު ވަޒީފާ އަދާކުރެއްވުމަށް ފަހު އެވެ.

ކަސްޓަމްސްގެ އެންމެ އިސްވެރިޔާގެ މަގާމަށް އަބްދުﷲ ޝަރީފް އައްޔަންކުރީ ޖޫން 2020،23 ގައި ރައީސް އިބްރާހިމް މުހައްމަދު ސޯލިހެވެ. އެއީ އެ މަގާމުގައި ހުންނެވި އަހުމަދު ނުއުމާން މާޗް 2020،31 ގައި އަވަހާރަވުމާ ގުޅިގެންނެވެ.

އޭގެ ކުރިން އަބްދުﷲ ޝަރީފް ހުންނެވީ ޑެޕިއުޓީ ކޮމިޝަނާ ޖެނަރަލްގެ މަގާމުގަ އެވެ. އަބްދުﷲ ޝަރީފް ވެފައި ވަނީ ފަހުގެ ތާރީޚެއްގައި ކަސްޓަމްސްގެ އިދާރާގެ ތެރެއިން، އެ އިދާރާގެ އެންމެ އިސްވެރިޔާގެ މަގާމަށް އައްޔަން ކުރެއްވި ފުރަތަމަ ބޭފުޅާއަށެވެ.

"Today marks the retirement of Commissioner General @AbdullaSh4reef, who dedicated 28 remarkable years to Customs. As CG since 2020, he led our focus on automating procedures, fortifying border security, and championing integrity at MCS. Wishing him a fulfilling retirement!" pic.twitter.com/t2OmYmaO2n
— Maldives Customs Service (@CustomsMv) November 6, 2023

ކަސްޓްސްގެ ގިނަ މަގާމުތަކެއް ފުރުއްވި އަބްދުﷲ ޝަރީފް ރިޓަޔާ ކުރެއްވުމާ ގުޅިގެން އެ އިދާރާ އިން އެކްސްގައި ކުރި ޕޯސްޓެއްގައި ވަނީ ކަސްޓްމަސްގެ ހިދުމަތްތަށް ޒަމާނީކޮށް، ފެންވަރު ރަނގަޅު ކުރުމަށް އަބްދުﷲ ޝަރީފް ކުރެއްވި މަސައްކަތް ފާހަގަކޮށްފަ އެވެ.

Comments