މެންބަރު ނަސީމް ޕީއެންސީ އަށް ސޮއި ކުރައްވައިފި

ރައްޔިތުންގެ މަޖިލީހުގެ ތުލުސްދޫ ދާއިރާގެ މެންބަރު އިބްރާހިމް ނަސީމް ޕީއެންސީ އާ ގުޅިވަޑައިގެންފި އެވެ.

ނަސީމް އަކީ ރައްޔިތުންގެ މަޖިލީހުގައި ވަކި ޕާޓީއަކަށް ނިސްބަތް ނުވާ މެންބަރެކެވެ.

އޭނާ މިއަދު ވަނީ މި އަހަރުގެ ރިޔާސީ އިންތިހާބު ކާމިޔާބު ކުރެއްވި ޕީއެންސީ އަށް ނަސީމް ސޮއި ކުރެއްވައި އެ ޕާޓީގެ ޗެއާޕާސަން އަބްދުއްރަހީމް އަބްދުﷲ އާ ފޯމް ހަވާލު ކުރައްވައިފަ އެވެ.

ނަސީމްގެ އިތުރުން އެހެން މެންބަރުންތަކެއް ވެސް ކުރިޔަށް އޮތް ދުވަސްތަކުގައި ޕީޕީއެމް ނުވަތަ ޕީއެންސީ އާ ގުޅިވަޑައިގަންނަވާނެ ކަމުގެ އަޑު ވަނީ ފެތުރިފަ އެވެ.

މި ބަދަލާއެކު މަޖިލީހުގައި މިހާރު ތިބޭނީ ޕީއެންސީގެ ހަތަރު މެންބަރުންނެވެ.

ނަސީމް އެ ޕާޓީ އާ ގުޅިވަޑައިގަތް އިރު ގިނަ އަދަދެއްގެ ބަޔަކު ވަނީ އަންނަ އަހަރު ބާއްވާ މަޖިލިސް އިންތިހާބުގައި ޕީޕީއެމް/ޕީއެންސީ ޓިކެޓުގައި ވާދަ ކުރައްވާނެ ކަމަށް އިއުލާން ކުރައްވައިފަ އެވެ.