މިސް އިންޑިއާގެ މަގާމު 19 އަހަރުގެ ޒުވާނަކަށް

މަޝްހޫރު ބިއުޓީ ޕޭޖަންޓް "މިސް ވޯލްޑް" ގެ 71 ވަނަ އެޑިޝަންގައި އިންޑިއާ ތަމްސީލުކުރާ ބައިވެރިޔާ ހޮވައިފި އެވެ.

މިދިޔަ ހޮނިހިރު ދުވަހުގެ ރޭ ބޭއްްވި ހަފްލާއެއްގައި "މިސް އިންޑިއާ" ނުވަތަ "ފެމިނާ މިސް އިންޑިއާ ވޯލްޑް" ގެ ތާޖު ލިބިފައި ވަނީ ރާޖަސްތާނުގެ 19 އަހަރުގެ ނަންދިނީ ގުޕްތާ އަށެވެ.

އިންޖިނޭރުންނާއި ސިއްހީ ދާއިރާގެ މީހުން ތަމްރީނުކޮށްދިނުމުގައި މަޝްހޫރު ރާޖަސްތާނުގެ ކޯޓާ ސިޓީއަށް އުފަން، ނަންދިނީ ވަނީ ބިޒްނަސް މެނޭޖްމަންޓުގެ ދާއިރާއިން ޑިގްރީ ހާސިލްކޮށްފަ އެވެ. އޭނާއާ އެންމެ ގާތުން ވާދަކުރީ ނިއު ދިއްލީން ވާދަކުރި ޝްރެޔާ ޕޫންޖާ އެވެ. އަދި ތިން ވަނަ އަށް ދިޔައީ މަނިޕޫރުގެ ސްޓްރެލާ ލުވާންގެވެ.

ނަންދިނީގެ ބޮލުގައި ތާޖު އެޅުވި މަންޒަރު ފެންނަ ފޮޓޯއަކާ އެކު "މިސް އިންޑިއާ" ގެ ރަސްމީ އިންސްޓަގްރާމް ޕޭޖުގައި ކުރި ޕޯސްޓެއްގައި ވަނީ ނަންދިނީ އަށް ތައުރީފްކޮށްފަ އެވެ. އަދި އަންނަ މަހު ޔޫއޭއީގައި ބާއްވާ "މިސް ވޯލްޑް" ގައި އޭނާ ވާދަކުރާ މަންޒަރު ބެލުމުގެ އިންތިޒާރުގައި ތިބި ކަމަށް ބުނެފައިވެ އެވެ.

އިންޑިއާގެ މަނިޕޫރުގައި ބޭއްވި 59 ވަނަ "މިސް އިންޑިއާ" ބިއުޓީ ޕެޖެންޓުގެ ހަފްލާގައި ކަރްތިކް އާރްޔަން އަދި އަނަންޔާ ޕާންޑޭގެ ހުށަހެޅުންތައް ފެނިފައިވެ އެވެ.