08 މާޗް 2023
މިދިޔަ މަހު އަވަހާރަވި ކ. ގުރައިދޫ ދާއިރާގެ މެމްބަރު އިބްރާހިމް ރިޒާގެ ހަނދާނުގައި ޤުރުއާން މުބާރާތެއް ބޭއްވުމަށް އެ ރަށު ކައުންސިލުން ނިންމައިފި އެވެ.
މިދިޔަ މަހު އަވަހާރަވި ކ. ގުރައިދޫ ދާއިރާގެ މެމްބަރު އިބްރާހިމް ރިޒާގެ ހަނދާނުގައި ޤުރުއާން މުބާރާތެއް ބޭއްވުމަށް އެ ރަށު ކައުންސިލުން ނިންމައިފި އެވެ.
"އުސްތާޒު ރިޒާގެ ހަނދާނީ ޤުރުއާން މުބާރާތް 1444" ނަމުގައި ކުރިއަށް އޮތް ރޯދަމަހު ބާއްވާ މުބާރާތުގައި ބައިވެރިވާން މިހާރު ވަނީ ހުޅުވާލައިފަ އެވެ.
މުބާރާތުގައި ބައިވެރިވެވޭނީ:
- ގުރައިދޫގެ ރަށްވެހިންްނަށް.
- ގުރައިދު އަށް ރަޖިސްޓަރީ ވެފައި ނެތަސް މަންމަ ނުވަތަ ބައްޕަ އެ ރަށަށް ރަޖިސްޓަރީ ވެފައިވާ މީހުންނަށް.
- ގުރައިދު އަށް ރަޖިސްޓަރީ ވެފައި ނެތަސް އެ ރަށު ސްކޫލްގައި ކިޔަވާ ކުދިން.
މި މުބާރާތް 10 އުމުރު ފުރާއަކަށް ހުޅުވާލައިގެން ބާއްވާ އިރު، މުބާރާތް ކުރިއަށް ގެންދާނީ ބަލައިގެންނާއި ނުބަލައި ކިޔެވުމުގެ ގޮފި ހިމެނޭ ގޮތަށެވެ.
ކެންސަރުގެ އާލާސްކަންފުޅުގައި ގިނަ ދުވަސް ވަންދެން އުޅުއްވުމަށް ފަހު އުމުރުން 55 އަހަރުގައި ރިޒާ އަވަހާރަވީ މިދިޔަ މަހުގެ 22 ވަނަ ދުވަހުގެ ރޭ މެލޭޝިއާގަ އެވެ.
ރިޒާ ވަނީ ގުރައިދޫ ދާއިރާގެ މެމްބަރުކަން ފާއިތުވި 14 އަހަރު ފުރުއްވާފަ އެވެ. އަދި ކުރީގެ ރައީސް އަބްދުﷲ ޔާމީންގެ ސަރުކާރުގައި ޖުޑީޝަލް ސާވިސް ކޮމިޝަން (ޖޭއެސްސީ) ގައި ރައްޔިތުންގެ މަޖިލީހުގެ މެންބަރުންގެ ތެރެއިން ހޮވާ މެންބަރެއްގެ ގޮތުގައި ވެސް އިންނެވި އެވެ. އެ ކޮމިޝަންގެ ނައިބު ރައީސްކަން ވެސް ރިޒާ ކުރެއްވި އެވެ. ރިޒާ އަވަހާރަވުމާ ގުޅިގެން ގުރައިދޫ ދާއިރާ އަށް މެމްބަރަކު ހޮވަން އަންނަ މަހުގެ 15 ގައި ބައި-އިލެކްޝަން ބާއްވަން އިލެކްޝަން ކޮމިޝަން (އީސީ) އިން ވަނީ ނިންމައިފަ އެވެ.
ގުރައިދޫ ދާއިރާގެ އެމްޑީޕީގެ ޕްރައިމަރީ އަށް 4 މީހެއް
އެމްއެންފީން ވެސް ގުރައިދޫ ދާއިރާއަށް ކެންޑިޑޭޓެއް
ގުރައިދޫ ދާއިރާގެ ބައި އިލެކްޝަނަށް އެމްޑީޕީން ޕްރައިމަރީ ބާއްވަނީ
ފެންބޮޑުވެ ގުރައިދޫ 50 އަށްވުރެ ގިނަ ގެއަށް ގެއްލުން
ގުރައިދޫ ހިއްކި ބިމުން ގޯތިނުދޭތީ ރައީސްގެ ނުރުހުން
ޝާޒް، މަޖިލިހުގެ މެންބަރުކަމުގެ ހުވާ ކުރައްވައިފި
ނަޝީދުގެ ފެކްޝަންގެ މަސައްކަތަށް އާދަމް ޝަރީފުގެ ޝުކުރު
ގުރައިދޫ ދާއިރާގެ ގޮނޑި ފުރަތަމަ ފަހަރަށް އެމްޑީޕީއަށް
ގުރައިދޫ ދާއިރާގެ ވޯޓު ގުނުން ރޯދަ ވީއްލައިގެން!
ގުރައިދޫ ދާއިރާގެ އިންތިހާބު: ވޯޓުލުން ފަށައިފި