އުތުރާއި މެދުތެރޭގެ އަތޮޅުތަކުގައި ވަައި ނުސާފުވެފައި

ވައި ނުސާފުވެ، އުތުރާއި މެދުތެރޭގެ އަތޮޅުތަކުގައި ދުރު ފެންނަވަރު ދަށަށް

09 ޖެނުއަރީ 2023

ޖައްވު ނުސާފުވުމުގެ ސަބަބުން އުތުރާއި މެދުތެރޭ އަތޮޅުތަކުގައި ދުރު ފެންނަ މިންވަރު ކުޑަވެފައިވާ ކަމަށް މޫސުމާ ބެހޭ ގައުމީ އިދާރާ، މެޓް އޮފީހުން ބުނެފި އެވެ.

ނަޖާހް މަސްއޫދު

"ހޭޒް" ނުވަތަ ވައި ނުސާފުވުމުގެ އަސަރު މި ދުވަސްވަރު ރާއްޖެއަށް ކުރަމުންދާއިރު އޭގައި އެކުލެވިގެން ވަނީ ހިރަފުހާއި ކާރުހާނާތަކުން އަރާ ދުމެވެ. ދުން ގިނަވެ، ފުސްވުމުގެ ސަބަބުން، ލޮލަށް ފެންނަ ދުރުމިން ދަށްވެ ދަތުރުފަތުރު ކުރުމަށް ވެސް އުނދަގޫވެ އެވެ.

މިރޭ މެޓުން ބުނީ، ސާފު ދުވަހެއްގައި 10 ކިލޯމީޓަރަށް ވުރެ ދުރު ފެނުނަސް، ވޭތުވެރިޔާ 24 ގަޑިއިރު، ހާއްސަކޮށް މެދުތެރޭ ސަރަހައްދަށް އެ މިންވަރު ހުރީ އެވަރެޖުކޮށް ހަތަރު ކިލޯމީޓަރުގައި ކަމަށެވެ. އެކަން ދިމާވަނީ އިރުމަތިން ޖެހެމުންދާ ވައިގެ ސަބަބުން ކަމަށް ވެސް ބުންޏެވެ.

ދުރު ފެންނަ މިންވަރަށް އަސަރު ކުރާ ކަންކަމުގެ ތެރޭގައި ވަައިޖެހޭ މިސްރާބާއި ބާރުމިނާއި ވިއްސާރަވުން މުހިންމު ދައުރެއް އަދާ ކުރާކަން ވެސް މެޓުން ފާހަގަކުރި އެވެ. ވިއްސާރަވުމުން ވައި ސާފުވެ އެވެ.

މެޓް އޮފީހުން ކުރިން ބުނެފައިވާ ގޮތުގައި، އިރުވައި މޫސުން ފެށޭ ހިސާބު ޑިސެމްބަރު މަހުން ފެށިގެން މާޗު މަހާ ހަމައަށް ވައި ނުސާފުވާކަން ފާހަގަކުރެވެ އެވެ. އެކަން ދިމާވަނީ ހުޅަނގުން އިރުމައްޗަށް ވައި ބަދަލުވަމުންދާ ދުވަސްވަރު، ހިމާލަޔަން ސަރަހައްދުން ދިމާއި ހިރަފުސް ވަޔާއެކު ރާއްޖެއާ ހިސާބަށް ފޯރާތީ ކަމަށް ވެސް ބުނެފައިވެ އެވެ.

Observatories in north and central have been reporting low visibility over the past few days.

Follow the thread for precautionary measures by @HPA_MV pic.twitter.com/zBPdjEscks
— Maldives Meteorology (@MetMaldives) January 9, 2023