އެމްޑީޕީގެ މަތިއުތުރު ޕްރޮވިންސްގެ ރައީސްކަން އަކްރަމަށް

އެމްޑީޕީގެ މަތި އުތުރު ޕްރޮވިންސްގެ ރައީސްކަން ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ކާމިޔާބުކުރައްވައިފި އެވެ.

މިއަދު ކުރިއަށް ގެންދިޔަ މި އިންތިހާބު އަކްރަމް ކާމިޔާބު ކުރީ ހެލްތް މިނިސްޓްރީގެ ސްޓޭޓް މިނިސްޓަރު އަހުމަދު އާދިލާއި ހެރިޓޭޖް މިނިސްޓްރީގެ ސީނިއާ ޕޮލިސީ ޑިރެކްޓަރު އަހުމަދު ހާޝިމް (ޓިންޓިން) އާ ވާދަކޮށެވެ.

އަކްރަމަށް 2988 ވޯޓު ލިބުނުއިރު އާދިލަށް 850 ވޯޓު އަދި ޓިންޓިންއަށް ލިބުނީ 291 ވޯޓެވެ.

އެމްޑީޕީގެ މަތި އުތުރު ޕްރޮވިންސްގައި ހިމެނެނީ ހއ. އާއި ހދ. އަދި ށ. އަތޮޅެވެ.