15 ޑިސެމްބަރ 2022
ކ. ހުރާގައި ބޯޓްޔާޑެއް ހަދަން ކުއްޔަށް ދޫކުރަން ނިންމާފައިވާ 100،000 އަކަފޫޓުގެ ބިން އިއްޔެ ބަޔަކާ ހަވާލުކޮށްފި އެވެ.
ކ. ހުރާގައި ބޯޓްޔާޑެއް ހަދަން ކުއްޔަށް ދޫކުރަން ނިންމާފައިވާ 100،000 އަކަފޫޓުގެ ބިން އިއްޔެ ބަޔަކާ ހަވާލުކޮށްފި އެވެ.
އެ ރަށު ކައުންސިލުން މިއަދު ބުނީ، އެ ބިން ކުއްޔަށް ދިނީ ފިކްސް އިން މެރިން ޕްރައިވެޓް ލިމިޓެޑާ ކަމަށެވެ. ހުރާގައި ބޭއްވި ހާއްސަ ރަސްމިއްޔާތެއްގައި ކަމާ ގުޅޭ އެއްބަސްވުމުގައި ވަނީ ސޮއިކޮށްފަ އެވެ.
ފިކްސް އިން މެރިން އަކީ ރާއްޖޭގައި ބޯޓު ބަނުމާއި މަރާމާތު ކުރުން ފަދަ މަސައްކަތްކުރާ ކުންފުންޏެކެވެ.
ކ. ހުރާގައި ބޯޑުޔާޑެއް ހަދަން ފިކްސް އިން މެރިން ކުންފުންޏާ ބިން ހަވާލުކުރުމަށް ބޭއްވި ރަސްމިއްޔާތު -- ފޮޓޯ: ހުރާ ކައުންސިލް
ހުރާގެ ހުޅަނގުފަރާތުގައި ޒަމާނީ ފެންވަރުގެ ބޯޓުޔާޑެއް ހެދުމަށް ބޮޑު ބިމެއް ކުއްޔަށް ދޫކުރަން ނިންމައި، ކައުންސިލުން ބިޑަށް ހުޅުވާލީ މިދިޔަ އޮކްޓޯބަރު މަހު 23 ގަ އެވެ.
ގިނަވެގެން 30 އަހަރަށް ކުއްޔަށް ދޫކުރާ އެ ބިމުގައި އޮޑިދޯނިފަހަރު ބަނުމާއި މަރާމާތުކުރުމާއި އަދި އެ މަސައްކަތާ ގުޅުން ހުރި އެހެން ވިޔަފާރިތައް ވެސް ކުރެވޭނެ ކަމަށް ހުރާ ކައުންސިލުން ބުންޏެވެ. ބިން ކުއްޔަށް ހިފަން އެންމެ ކުޑަ އަގެއްގެ ގޮތުގައި ހުށަހޭނެ ކަމަށް ބުނީ އަކަފޫޓަކަށް 1ރ. އެވެ.
ހުރަ އަކީ ލާމަރުކަޒީ ގާނޫނުގެ ދަށުން މިހާރު ކޮންމެ ރަށެއްގައި ވެސް ހަދަން ޖެހޭ ލޭންޑް ޔޫސް ޕްލޭން އެންމެ ފުރަތަމަ ނިންމައި ޕްލޭނިން މިނިސްޓްރީގެ ހުއްދަ ލިބުނު ރަށްތަކުގެ ތެރެއިން އެއް ރަށެވެ.
ސަރުކާރުން 2020 ވަނަ އަހަރު ހުރާގައި 23 ހެކްޓަރުގެ ބިމެއް ވެސް ހިއްކި އެވެ. އެ ބިން ބޭނުން ނުކޮށް އަދިވެސް އޮތީ ހިއްކި ގޮތަށެވެ.
ހުރާގައި ބޯޓުޔާޑެއް ހަދަން ބިމެއް ކުއްޔަށް ދެނީ
ނާލްގެ ހާލު އަންނަނީ ރަނގަޅުވަމުން: ރަށު ކައުންސިލް
ހިންމަފުއްޓާއި ހުރައަށް ފެރީ ލޯންޗުތައް ފަށައިފި
މެރިން މާސްޓާއިން ޔޫއޭއީއަށް ބޯޓެއް އެކްސްޕޯޓްކުރަނީ
ނިއު/ސިފައިން ކަޓައި، ހުރާ އާއި ގްރާންޑޭ ސެމީ އަށް
ގްރީން ކަޓުވާލައި ކުއާޓާގެ ފަހު ޖާގަ ހުއްރިއްޔާ އަށް
ނިއު އާއި ހުއްރިއްޔާ ކުޅުނު މެޗުތައް އެއްވަރު
ގޮފާގެ ފޮތުން ސަފުހާއެއް: ސަޕޯޓަރުން ކުރިމަތީ ކުޅުންތެރިން ލަދުގަންނަވާލުން
ޗައިނާ ކޮޅަށް ގޯލު ޖެހި ދިވެހި "މަސްވެރިޔާ"
ހުރާގައި ކެޕްސުލްއެއް ވަޅުލައިފި؛ ނަގަނީ 2037ގައި