ޓެރަރިޒަމް އޮޕަރޭޝަނެއް މާލެ އާއި އައްޑޫގައި ފަށައިފި

ޓެރަރިޒަމް އޮޕަރޭޝަނެއްގައި މާލެ އާއި އައްޑޫގައި ބަލައިފާސްކުރަނީ

11 ނޮވެމްބަރ 2022

ސަލާމަތީ ބާރުތަކުން މާލެ އާއި އައްޑޫގައި ޓެރަރިޒަމްގެ މައްސަލައަކާ ގުޅޭ އޮޕަރޭޝަނެއް ފަށައިފި އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނެފައިވާ ގޮތުގައި، އޮޕަރޭޝަން ކުރިއަށް ގެންދަނީ މާލެ އާއި އައްޑޫގެ އިތުރުން އައްޑޫގެ ކަނޑުގެ ސަރަހައްދުގަ އެވެ.

ސޯޝަލް މީޑިއާގައި ދައުރުވާ ބައެއް ފޮޓޯތަކުން އެނގޭ ގޮތުގައި އައްޑޫގައި ކުރިޔަށް ދާ އޮޕަރޭޝަންގެ ތެރެއިން ބައެއް ގެއެއް ވެސް ބަލާ ފާސް ކުރަމުން އެބަދެ އެވެ.

އޮޕަރޭޝަންގައި ބަލާ ފާސް ކުރުމަށް ގެއަކަށް ވަދެފައި ވަނީ ސިފައިންގެ ބޮން ސްކުއާޑުން ކަމަށް އައްޑޫގެ މީޑިއާއަކުން ރިޕޯޓު ކޮށްފައި ވެ އެވެ.

ނަމަވެސް އެކަމާ ބެހޭ އެއްވެސް ތަފްސީލެއް ފުލުހުން ނުދެ އެވެ.

ރާއްޖޭގައި މީހުން މަރަން ފަސް ނުޖެހޭ ނުރައްކާތެރި 1000 އަކަށް ވުރެ ގިނަ މީހުން އުޅެމުން އަންނަ ކަމަށް ފުލުހުން މީގެ ކުރިން ވަނީ ބުނެފަ އެވެ.

ދިވެހި ފުލުހުންގެ ޚިދުމަތާއި މޯލްޑިވްސް ނެޝަނަލް ޑިފެންސް ފޯސް ގުޅިގެން ކުރިއަށް ގެންދާ ކައުންޓަރ ޓެރަރިޒަމް އޮޕަރޭޝަނެއް މާލެއާއި އައްޑޫ ސިޓީއާއި އައްޑޫ ސިޓީގެ ކަނޑުގެ ސަރަހައްދުގައި ކުރިއަށް އެބަ ގެންދަން.
— Maldives Police (@PoliceMv) November 11, 2022