އަންނަ ހަފުތާގައި އިމާމުވެ ހުކުރު ނަމާދު ކުރައްވާނީ މެންކް، ހަތަރު ދަރުހެއް ދެއްވާނެ

އަންނަ ހުކުރު ދުވަހު މާލޭގެ އިސްލާމީ މަރުކަޒުގައި އިމާމުވެ، ހުކުރު ނަމާދު ކުރައްވާނީ ދުނިޔޭގެ މަޝްހޫރު ދީނީ އިލްމުވެރިޔާ މުފްތީ މެންކް ކަމަށް އިސްލާމިކް މިނިސްޓްރީން ބުނެފި އެވެ.

މެންކް، ހުކުރު ދުވަހު ރާއްޖެ ވަޑައިގެން އަންނަ ހަފުތާގެ ހޯމަ ދުވަހާ ހަމައަށް ރާއްޖޭގައި މަޑުކުރައްވާނެ އެވެ.

މެންކް ހުތުބާ ދެއްވާނީ ﷲ އާ ދެމެދު އޮންނަ ގުޅުން ދިރުވުމާ ގުޅޭގޮތުންނެވެ.

މާލެ ސަރަހައްދުގެ އިތުރުން އައްޑު އާއި ފުވައްމުލަކުގައި ވެސް އޭނާ ދަރުސް ދެއްވާނެ އެވެ.

ދަރުސްތަކުގެ މައުލޫއު:

- އަންނަ ހުކުރު ދުވަހުގެ ރޭ މާލޭގެ ކާނިވާ ސަރަހައްދުގައި ދަރުސް ދެއްވާނީ ޑިޕްރެޝަން، އެންޒައިޓީ އަދި ސްޓްރެސްއާ ގުޅޭގޮތުން.

- އަންނަ ހޮނިހިރު ދުވަހު ފުވައްމުލަކު ސްޓޭޑިއަމްގައި ދަރުސް ދެއްވާނީ އިސްލާމްދީނާއި އޯގާތެރިކަމާއި އޯގާތެރިކަމުގެ މައްޗަށް.

- އަންނަ ހަފުތާގެ އާދިއްތަ ދުވަހު އައްޑޫ ސިޓީ ސްކެއާގައި ދަރުސް ހާއްސަ ކޮށްފައިވަނީ އުފެއްދުންތެރި މުސްލިމްގެ މައުލޫއަށް

- އެންމެ ފަހުގެ ދަރުސް، މި މަހުގެ 31 ވަނަ ދުވަހު އޮންނާނީ ހުޅުމާލެ ސިންތެޓިކް ޓްރެކްގައި. އެ ރޭގެ މައުލޫއަކީ އާއިލީ މައްސަލަތައް ހައްލުކުރުން.

މެންކް އެންމެ ފަހުން ރާއްޖެ ވަޑައިގަތީ ޖެނުއަރީ 2020 ގަ އެވެ. އެ ދަތުރުގައި ހދ. ކުޅުދުއްފުށީގައި އޭނާ ދަރުސް ދެއްވި އެވެ. އޭގެ ކުރިން 2015 ވަނަ އަހަރާއި 2016 ވަނަ އަހަރު ވެސް ރާއްޖެ ވަޑައިގެން އެކި މައުލޫއުތަކަށް ދީނީ ދަރުސް ދެއްވި އެވެ. ކޮންމެ ދަރުހަކަށް ވެސް ވަރަށް ގިނަ ބައެއްގެ ތަރުހީބު ލިބުނެވެ.