ދިރާގު ފައިބާ އިންޓަނެޓާއި ޓީވީ ޅ. އޮޅުވެލިފުއްޓަށް

ދިރާގު ހައިސްޕީޑް ފައިބާ އިންޓަނެޓްގެ ހިދުމަތާއި ދިރާގު ޓީވީގެ ހިދުމަތް ޅ. އޮޅުވެލިފުއްޓަށް ރަސްމީކޮށް ތައާރަފުކޮށްފި އެވެ.

ދިރާގުން ބުނީ އެ ރަށަށް އެ ދެ ހިދުމަތް ތައާރަފު ކުރީ ހާއްސަ އޮފާތަކާ އެކު ކަމަށެވެ. އެގޮތުން ހިދުމަތް ހޯދާ ކަސްޓަމަރުންނަށް ހިލޭ ފައިބަރު ގުޅައިދިނުމުގެ އިތުރުން ފައިބާ އަށް ބޭނުންވާ ހާއްސަ ރައުޓަރު ވެސް ހިލޭ ލިބޭނެ ކަމަށް ދިރާގުން ބުނެއެވެ.

ދިރާގުން ބުނީ އެ ރަށުން ދިރާގު ޓީވީގެ ހިދުމަތް ހޯދާ ކަސްޓަމަރުންނަށް ހިލޭ ހިދުމަތް ގުޅައިދިނުމުގެ ހިދުމަތާއި ޑީކޯޑަރު ހިލޭ ލިބޭނެ ކަމަށެވެ.

ދިރާގުން ބުނީ ބޮޑެތި ޑޭޓާ އެލަވަންސްތައް މިހާރު އެ ރަށުގެ ރައްޔިތުންނަށް ލިބޭނެ ކަމަށެވެ. އަދި ދިރާގު ޓީވީ މެދުވެރިކޮށް މުނިފޫހިފިލުވުމުގެ ކޮންޓެންޓް އެއް ޕްލެޓްފޯމެއްގެ ދަށުން ބަލާލެވޭނެ ކަމަށް ވެސް ބުންޏެވެ.

ދިރާގުން ބުނީ އެ ކުންފުނީގެ ފައިބަރު ނެޓްވޯކު އިންޓަނެޓުގާއި ދިރާގު ޓީވީގެ ހިދުމަތް މިހާރު 85 ޕަސެންޓަށް ވުރެ ގިނަ ގޭބިސީތަކަށް ލިބޭނެ ކަމަށެވެ.

ދިރާގުން ބުނީ ކަސްޓަމަރުންނަަށް ލުއިފަސޭހަ ގޮތްތައް ހޯދާ ދިނުމަށް އެ ކުންފުނިން މަސައްކަތް ކުރަމުންދާ ކަމަށެވެ.