ދިރާގު ޓީވީ އާއި އިންޓަނެޓްގެ ހިދުމަތް ރަތްމަންދު އަށް

ދިރާގު ހައިސްޕީޑް ފައިބަ އިންޓަނެޓާއި ދިރާގު ޓީވީގެ ހިދުމަތް މ. ރަތްމަންދު އަށް ރަސްމީކޮށް ދޭން ފަށައިފި އެވެ.

އެ ދެ ހިދުމަތާއެކު، އެ ރަށުގެ މީހުންނަށް ހާއްސަ ޕްރޮމޯޝަންތަކެއް ވެސް ކުރިއަށް ގެންދެ އެވެ. ބްރޯޑްބޭންޑަށް އެޕްލައި ކުރާ މީހުންނަށް ހިލޭ ފައިބާ ގުޅައި ދިނުމާއި ފައިބަ އަށް ބޭނުންވާ ހާއްސަ ރައުޓަރު ނުވަތަ އޯއެންޓީ ވެސް އެ ޕްރޮމޯޝަންގައި ހިލޭ ލިބޭނެ އެވެ. ދިރާގު ޓީވީގެ ހިދުމަތް ހޯދުމަށް އެޕްލައި ކުރާ މީހުންނަށް އެ ހިދުމަތް ވެސް ހިލޭ ގުޅައި ދިނުމުގެ އިތުރުން ޑިކޯޑަރު ހިލޭ ލިބޭނެ ކަމަށް ދިރާގުން ބުނެ އެވެ.

އެ ކުންފުނިން ބުނީ، ރަތްމަންދޫގެ މީހުންނަށް މިހާރު ހަލުވި ސްޕީޑްގައި އިންޓަނެޓް ލިބޭނެ ކަމަށާއި ބޮޑެތި ޑޭޓާ އެލަވަންސްތައް ހިމެނޭ ތަފާތު ޕެކޭޖުތައް ވެސް ލިބޭނެ ކަމަށެވެ. އަދި ދިރާގު ޓީވީ މެދުވެރިކޮށް، އެންމެ މަގުބޫލު މުނިފޫހިފިލުވުުގެ ކޮންޓެންޓު އެއް ތަނަކުން ބަލައިލެވޭނެ ކަމަށް ވެސް ދިރާގުން ބުންޏެވެ.

ދިރާގު ފައިބަ ބްރޯޑްބޭންޑްގެ ހިދުމަތް މިހާރު ރާއްޖޭގެ 83 ރަށަކަށް ދެ އެވެ. އަދި މީހުން ދިރިއުޅޭ 84 ޕަސެންޓް ރަށަށް ދިރާގު ޓީވީގެ ހިދުމަތް އަންނަނީ ދެމުންނެވެ.