ބެޓީ ވައިޓްގެ ލަގްޒަރީ ގެ 10 މިލިއަން ޑޮލަރަށް ވިއްކާލަނީ

މިދިޔަ އަހަރު ޑިސެމްބަރުގައި މަރުވި އެމެރިކާގެ ކުޅަދާނަ އެކްޓަރު އަދި ކޮމީޑިއަން ބެޓީ ވައީޓްގެ ލަގްޒަރީ ގެ 10.5 މިލިއަން ޑޮލަރަށް ވިއްކާލަން އިއުލާންކޮށްފި އެވެ.

"ދަ ގޯލްޑެން ގާލްސް" އާއި "ދަ މެރީ ޓައިލާ މޫރީ ޝޯ" އިން ގިނަ ބައެއްގެ ލޯބި ހޯދި ބެޓީގެ ގެ ވިއްކާލަން އިއުލާންކުރި އިރު، އެ ގެއަށް އިމާރާތްކުރި ފަހުން 50 އަށް ވުރެ ގިނަ އަހަރުވެއްޖެ އެވެ.

ސްޓްރޯކެއް ޖެހިގެން، އުމުރުން 99 އަހަރު ބެޓީ މަރުވިއިރު، އޭނާ ވަނީ 70 އަހަރު ހޮލީވުޑްގައި މަސައްކަތް ކޮށްފަ އެވެ.

އެމެރިކާގެ ލޮސް އެންޖެލަސްގައި ހުންނަ ބްރެންޓްވުޑް ޕާކް ކިޔާ އެ ގެ އިމާރާތްކުރީ 1952 ގަ އެވެ. ވަރަށް ރީތި ވިއުއެއް ވެސް އިންނަ އެ ގޭގައި ހަ ކޮޓަރި އާއި ޕޫލްއަކާއި ތިން އަކަކިލޯމީޓަރުގެ ހުސް ބިމެއް ވެސް އޮވެ އެވެ. އެ ބިމުގައި ވަނީ ގަސް އިންދާ ފުރާލައިފަ އެވެ.

ވޯލް ސްޓްރީޓް ޖާނަލްގައިވާ ގޮތުން، ބެޓީ އާއި އޭނާ ތިން ވަނަ އަށް ކައިވެނިކުރި އަދި މިހާރު މަރުވެފައިވާ ޓީވީ ޕާސަނަލިޓީ އެލެން ލުޑެން އެ ގެ ގަތީ 1968 ވަނަ އަހަރު އެވެ. އެއީ އެމީހުން ކައިވެނިކުރިތާ ފަސް އަހަރު ފަހުންނެވެ.