ރަޝިޔާ ސަފީރު އަވަހާރަކޮށްލުން ރާއްޖޭން ކުށްވެރިކޮށްފި

20 ޑިސެމްބަރ 2016

ރަޝިޔާ އިން ތުރުކީ އަށް ކަނޑައަޅާފައި ހުންނެވި ސަފީރު އަންދުރޭ ކަރްލޯފް ހަށިކޮޅަށް އެ ގައުމުގެ ފުލުހަކު ބަޑި ޖަހާ އަވަހާރަކޮށްލުމާ ގުޅިގެން އެކަން ދިވެހި ސަރުކާރުން ކުށްވެރިކޮށްފި އެވެ.

މުހައްމަދު ޔާމީން

ފޮރިން މިނިސްޓްރީން މިއަދު ކުރި ޓުވީޓެއްގައި ބުނީ ރަޝިޔާ ސަފީރު އަވަހާރަކޮށްލަން ދިން ހަމަލާ ހަރުކަށި އިބާރާތުން ކުށްވެރިކުރާ ކަމަށެވެ. އަދި ސަފީރުގެ އާއިލާ އަށް ތައުޒިޔާ ކިޔާ ކަމަށް ވެސް ޓުވީޓުގައި ބުނެފައިވެ އެވެ.

GOM condemns in the strongest terms the assassination of Russian Ambassador Andrey Karlov. Heartfelt condolences to his family members - FM
— MFA-Maldives (@MDVForeign) December 20, 2016

ފޮރިން މިނިސްޓްރީން ކުރި ޓުވީޓު.

ސަފީރުގެ ހަށިކޮޅަށް ބަޑި ޖެހީ ފޮޓޯ މައުރަޒެއް ހުޅުވުމުގެ ރަސްމިއްޔާތެއްގައި ވާހަކަ ދައްކަވަން ހުންނަވަނިކޮށެވެ. އެއީ ސީރިއާގެ ހަލަބަށް ދޭ ހަމަލާތަކުގައި ރަޝިޔާ ބައިވެރިވާތީ އެކަމުގެ ރުޅީގައި ދިން ހަމަލާއެއް ކަމަށް ބެލެވެ އެވެ.

ހަމަލާ ދިން ފުލުސް މީހާ ގޮވަމުން ދިޔައީ ހަލަބާއި ސީރިޔާގެ މަތިން ހަނދާން ނައްތާނުލުމަށެވެ. އަދި އެ އުދުވާނުގައި ބައިވެރިވާ އެންމެންނަށް ހައްގު އަދަބު ދޭނެ ކަމަށް ވެސް އޭނާ ގޮވި އެވެ.

ތުރުކީ ފުލުހުން މިހާރު ވަނީ އޭނާ ހައްޔަރުކޮށްފި އެވެ.

ސަފީރު ކަރްލޯފުގެ ޑިޕްލޮމެޓިކް ކެރިއަރު ފައްޓަވާފައި ވަނީ 1976 ވަނަ އަހަރު އެވެ. ތުރުކީގެ ސަފީރަކަށް އޭނާ އަައްޔަންކުރީ 2013 ގަ އެވެ.

Comments