ނާސާގެ އެސްޓްރޮނޯޓުންގެ ބެޗަށް 10 މީހުން

08 ޑިސެމްބަރ 2021

ކުރިއަށް އޮތް ތަނުގައި ހަނދަށް ވެސް ދެވޭނެކަމުގެ އުންމީދު އާކޮށް ދިނުމާ އެކު، އެމެރިކާގެ ޖައްވީ އިދާރާ ނާސާގެ އާ އެސްޓްރޮނޯޓް ކުލާހަށް 10 ބައިވެރިން ނަގައި ހޯމަ ދުވަހު އެކަން އިއުލާންކޮށްފި އެވެ.

އަހުމަދު އަދްޝަން

އެސްޓްރޮނޯޓުންނަށް ވާން ތަމްރީނު ހަދަން ފުރުސަތު ލިބުނު މީހުންގެ ތެރޭގައި ހިމެނެނީ 10 މީހެކެވެ. އެއީ ހަ ފިރިހެނުންނާއި ހަތަރު އަންހެނުންނެވެ. މި 10 މީހުން ހޮވާފައި ވަނީ ނާސާ އިން މި އަހަރުގެ މާޗް މަހުގެ ތެރޭގައި ހުޅުވާލި ފުރުސަތާ އެކު އެޕްލައިކުރި 12،000 އަށް ވުރެ ގިނަ ކެންޑިޑޭޓުންގެ ތެރެއިންނެވެ.

އެމެރިކާ އިން އަލުން ހަނދަށް ދާން ކުރިއަށް ގެންދާ "އާޓެމިސް ޕްރޮގްރާމް" ގެ ނަމާ ވެސް ގުޅުވައިގެން އަލަށް އެސްޓްރޮނޯޓުންގެ ތަމްރީނު ދޭން 10 މީހަކު ހޮވި އިރު، މި މަސައްކަތް ކުރިއަށް ގެންދާނީ "އާޓެމިސް ޖެނެރޭޝަން" ގެ ނަމުގަ އެވެ.

From Alaska to Florida, the 10 women and men selected for our 2021 astronaut candidate class bring an incredible range of experience—which they'll use as we explore the Moon and expand our presence in low-Earth orbit.

Meet the team: https://t.co/P2roLmayhI pic.twitter.com/hyQV4PLKG2
— NASA (@NASA) December 6, 2021

މިއަށް ހޮވުނު 10 ބައިވެރިންނަކީ ނިކޯލް އެޔާޒް، މާކޯސް ބެރިއޮސް، ކްރިސްޓީނާ ބާޗް، ޑެނިޒް ބާންހަމް، ލޫކް ޑެލަނީ، އެންޑްރޭ ޑަގްލަސް، ޖެކް ހެތަވޭ، އަނިލް މެނަން، ކްރިސްޓޮފާ ވިލިއަމްސް އަދި ޖެސިކާ ވިޓްނާ އެވެ.

މީގެ ތެރޭގައި ހިމެނޭ ބައެއް މީހުންނަކީ އެމެރިކާއި އެއްގަމާއި ކަނޑުގެ އަސްކަރިއްޔާގައި މަސައްކަތްކޮށްފައިވާ މީހުންނެވެ. އަދި އީލޮން މަސްކްގެ ސްޕޭސް އެކްސްގައި މަސައްކަތްކޮށްފައިވާ މީހުން ވެސް ހިމެނެ އެވެ.

LIVE NOW: Meet the newest group of future @NASA_Astronauts!

We're introducing our next class of astronaut candidates, who will begin training in January. https://t.co/0MDI1qtfu3
— NASA (@NASA) December 6, 2021

މި މީހުންގެ ތަމްރީނުތަކުގެ ދެ އަހަރު ކުރިއަށް ދާނީ ހިއުސްޓަންގައި ހުންނަ ނާސާގެ ޖޯންސަން ސްޕޭސް ސެންޓަރުގަ އެވެ. ތަމްރީނުތައް ފަށާނީ އަންނަ މަހުގެ ތެރޭގަ އެވެ. ޖޯންސަން ސްޕޭސް ސެންޓަރުގެ ޑިރެކްޓަރު ވަނެސާ ވީޝް ވިދާޅުވި ގޮތުގައި އެސްޓްރޮނޯޓުންގެ ގޮތުގައި އަލަށް ތަމްރީނުކުރާ މީހުންނަކީ ކުރިއަށް އޮތް ތަނުގައި އިންޓަނޭޝަނަލް ސްޕޭސް ސްޓޭޝަން (އައިއެސްއެސް) އާއި މާސް އާއި އަދި ހަނދަށް ދިއުމުގެ ފުރުސަތު ވެސް ލިބުން އެކަށީގެންވާ ބައެކެވެ.

ނާސާގެ އެޑްމިނިސްޓްރޭޓަރު ބިލް ނެލްސަން ވިދާޅުވި ގޮތުގައި އަލަށް 10 މީހަކު އެސްޓްރޮނޯޓުންގެ ގޮތުގައި ތަމްރީނު ކުރުމަކީ މުސްތަގުބަލަށް ކުރެވޭ މަސައްކަތުގެ މުހިއްމު ބައެކެވެ.

NASA Selects New Astronaut Recruits to Train for Future Missions

NASA has chosen 10 new astronaut candidates from a field of more than 12,000 applicants to represent the United States and work for humanity’s benefit in space.

NASA

"އެޕޯލޯ ޖެނެރޭޝަން [އެމެރިކާ އަށް ހަނދަށް ދިޔަ ފުރަތަމަ މިޝަނަށް ނިސްބަތްވާ ނަން] އަށް ފަހު މިހާރު މިއޮތީ އާޓެމިސް ޖެނެރޭޝަންގެ ޓްރެއިނިންތައް ފަށަައިގަތުން." އޭނާ ވިދާޅުވި އެވެ.

ހަނދަށް ދާން ކުރާ މަސައްކަތް މިހާރު އެމެރިކާ އިން ވަނީ 2024 އިން 2025 އަށް ފަސްކޮށްފަ އެވެ. ސަބަބަކީ ތައްޔާރީތައް ދިގުލައިގެން ދިއުމެވެ. "އާޓެމިސް ޕްރޮގްރާމް" ގެ ދަށުން ދެ މީހަކު 2025 ގައި ހަނދަށް ދާނެ އެވެ. އޭގެ ތެރޭގައި އަންހެން އެސްޓްރޯނަޓަކު ވެސް ހިމެނޭނެ އެވެ.

Comments