އދ. ދަނގެތީގެ މަޝްހޫރު ވިޔަފާރިވެރިޔާ މަހުމޫދު އަބޫބަކުރު މަރާލާފައި ވަނީ ހަށިގަނޑުގެ އެކި ތަންތަނަށް ވަޅި ހަރައިގެން ކަމަށް އޭނާގެ ހަށިގަނޑު ދުށް ބައެއް މީހުން މިރޭ ބުނެފި އެވެ.
އދ. ދަނގެތީގެ މަޝްހޫރު ވިޔަފާރިވެރިޔާ މަހުމޫދު އަބޫބަކުރު މަރާލާފައި ވަނީ ހަށިގަނޑުގެ އެކި ތަންތަނަށް ވަޅި ހަރައިގެން ކަމަށް އޭނާގެ ހަށިގަނޑު ދުށް ބައެއް މީހުން މިރޭ ބުނެފި އެވެ.
އެ ރަށުގައި ހޮޓަލަކާއި ކާޑުގެ ބާވަތްތައް ވިއްކައި އަދި އޮޑިދޯނިފަހަރު ވެސް ގެންގުޅޭ، އުމުރުން 57 އަހަރު މަހުމޫދުގެ ހަށިގަނޑު ދަނގެތީގެ ހިނަވާގޭގައި މިހާރު ބާއްވާފައިވާއިރު، ހަށިގަނޑު ފެނުނު ބައެއް މީހުން ބުނާގޮތުގައި، އޭނާގެ ކަރަށާއި ބޮލަށް އެއް ފަހަރަށް ވުރެ ގިނައިން ވަޅި ހަރާފައި ހުއްޓެވެ.
"އެ ޒަހަމްތައް ވަރަށް ފުން،" ދަނގެތީގައި މިހާރު ތިބި "މިހާރު" ގެ ނިއުސް ޓީމާ ވާހަކަ ދެއްކި މީހަކު ބުންޏެވެ.
ދަނގެތީގައި މަރާލާފައި އޮއްވައި ފެނުނު މަހްމޫދު އަބޫބަކުރު. -- ފޮޓޯ: މިހާރު
މަހުމޫދުގެ ހަށިގަނޑަށް ލިބިފައިވާ ގެއްލުންތައް އިތުރަށް ބަލައި އެކްސްރޭ ނެގުމަށްޓަކައި ދަނގެތީގައި ހިންގާ އަމިއްލަ ކްލިނިކަށް ގެންދަން މިހާރު އަންނަނީ ތައްޔާރުވަމުންނެވެ.
މަހުމޫދު އަބޫބަކުރު މަރައިލި މައްސަލަ ތަހުގީގުކުރަން ދަނގެތީގައި ފުލުހުން މިރޭ ހަރަކާތްތެރިވަނީ.---ފޮޓޯ:ނިޝާން އަލީ/މިހާރު
މަހުމޫދު މަރާލައި ދަނގެތީގެ ފަޅުގެއެއްގެ ފެން ވަޅަކަށް ވައްޓާލާފައި އޮއްވައި ފެނުނީ އޭނާ ހޯދަމުން އަންނަނިކޮށް މިއަދު މެންދުރު 2:30 ހާއިރު އެވެ. ހެނދުނު 10 ޖެހިއިރުން ފެށިގެން ރަށުގެ ރައްޔިތުންގެ ނުކުމެ މަހުމޫދު ހޯދަމުން އަންނަނިކޮށް ފެނުނުއިރު އޮތީ ގޯންޏަކަށް ލައި އެ ވަޅަށް ވައްޓާލައިފަ އެވެ.
މަހުމޫދުގެ ހަށިގަނޑު އެ ވަޅުން ނެހީ ހަވީރު ފަހެއް ޖަހާކަންހާއިރު އެވެ.
މަހުމޫދަށް ވީނުވީއެއް ނޭނގި ގެއްލުނީ ދަނގެތީގެ ބައެއް މީހުން ބުނާގޮތުގައި ސާފްޗެމްޕިއަންޝިޕް މުބާރާރުގައި ރާއްޖެ އާއި އިންޑިއާ ރޭ ކުޅުނު މެޗަށް ފަހު ގެއިން ބޭރަށް ނުކުތް ފަހުންނެވެ. ނަމަވެސް އޭނާ ގެއްލިގެން ކައުންސިލް އިދާރާ އަށް ރިޕޯޓް ކުރީ މިއަދު ހެނދުނު 10 ޖަހާކަންހާއިރެވެ.
މަހުމޫދު މަރާލައި ވައްޓާލާފައި އޮތް ވަޅު. -- ފޮޓޯ: މިހާރު
މަހުމޫދު މަރައިލި މައްސަލައިގައި ދަނގެތީގެ ބައެއް މީހުން ޝައްކުގެ އިނގިލި ދިއްކުރަނީ މީގެ ތިން މަހެއްހާ ދުވަސް ކުރިން ތޮއްޑޫން ދިޔަ ދެ މީހަކަށެވެ. ދަނގެތީގެ މީހުން އެ ދެ މީހުންގެ މައްޗަށް ތުހުމަތު ކުރާ ބައެއް ކަންކަން އެބަހުރިއިރު، އެ މީހުން ހަވީރުއްސުރެ ތިބީ ފުލުހުންގެ ބެލުމުގެ ދަށުގަ އެވެ.
"މި ރަށުގެ ހުރިހާ އެންމެން ގޮތަކަށް އިއްތިފާގުވޭ އެ ދެ މީހުންގެ އަތެއް މި ކަމުގައި އޮތް ކަމަށް،" ދަނގެތީގައި މިހާރު ހަރަކާތްތެރިވާ "މިހާރު" ގެ ނިއުސް ޓީމުގެ މެމްބަރަކު ބުންޏެވެ.
ދަނގެތީގެ ބައެއް މީހުން ބުނާގޮތުގައި މަހުމޫދަކީ އެ ރަށުގެ އެންމެންހެން ވަރަށް ބޮޑަށް އިހުތިރާމުކުރާ އަދި ވިޔަފާރީގެ ދާއިރާގައި މަތީ ފެންވަރުގައި ގުނައިލެވޭ މީހެކެވެ. އެ ރަށުގައި އުޅޭ އެންމެންނަށް ބޭނުންވާ ޒަރޫރީ ބާވަތްތައް އެތެރެކޮށްދެނީ މަހުމޫދެވެ. ދަނގެއްޗަށް ކާޑުގެ ބާވަތްތައް ގަނޑުކޮށް ގެންގޮސް ވިއްކަނީ މަހުމޫދެވެ. ކައްކާ ގޭހުގެ ވިޔަފާރީގެ އިތުރުން ސަޕްލައި ދޯނި ގެންގުޅެ އެވެ.
ދަނގެތީގައި މަރާލާފައި އޮއްވައި މިއަދު ފެނުނު މަހުމޫދުގެ ހަށިގަނޑު އެ ރަށު ހެލްތު ސެންޓަރުގައި މިރޭ ބާއްވާފައި އޮތް އިރު، ސިއްހީ ހިދުމަތްތެރިން ހަަރަކާތްތެރިވަނީ.--- ފޮޓޯ: ނިޝާން އަލީ/މިހާރު
"އެ ވަރުގެ ވިޔަފާރިވެރިއަކު މި ރަށުގައި ނޫޅޭނެ. އަހަރެމެންނަށް ޔަގީންވާ ގޮތުގައި މަހުމޫދު އެ މަރައިލީ ފައިސާގެ ދަހިވެތި ކަމުގައި. އޭނާގެ ޖީބުގައި ގަނޑުކޮށް ފައިސާ ނުހުންނަ އިރެއް ނުދާނެ. ބައިވަރު ކޭޝް އަތުގައި އަބަދުވެސް ހުންނާނެ،" އަންބަކާއި ހަތަރު ކުދިން ތިބި މަހުމޫދާ ގުޅޭ ގޮތުން ދަނގެތީގެ މީހަކު ބުންޏެވެ.
ސާލިމް އެދުނީ އޭނާގެ މަރުގެ ހުކުމް ދަމަހައްޓަން
ސާލިމް މަރަން ކުރި ހުކުމް ކަށަވަރުކުރަން ހައިކޯޓަށް
މަހްމޫދުގެ މަރު: އަންނަ މަހު ސާލިމަށް ހުކުމްކުރަނީ
މަހްމޫދް މެރުމުގެ ދައުވާ ސާލިމްގެ މައްޗަށް ސާބިތުވެއްޖެ
މަހްމޫދުގެ މަރުގެ ޝަރީއަތް މާދަމާ ފަށަނީ
މަހުމޫދު މަރާލީ ސާލިމް ފައިސާ ބޭނުންވެގެން: ފުލުހުން
ސާލިމް ޝަރީއަތް ނިމެންދެން ބަންދަށް
ސާލިމްގެ ބަންދަށް 15 ދުވަސް އިތުރުކޮށްފި
މަހްމޫދުގެ ހަށިގަނޑު ކޮނޑަށް ލައިގެން ދިޔައީ ސާލިމް
މަހްމޫދު މަރާލީ ސާލިމް އެކަނި ކަމަށް ގަބޫލެއް ނުކުރޭ