މާސްކް ނޭޅި ދަރިވަރަކު ހައްޔަރުކޮށް ޖަލަށް

މާސްކް ނޭޅި ދަރިވަރަކާ ހެދި މުޅި ސްކޫލް ބަންދުކޮށް، އޭނާ ޖަލަށް

11 އޮކްޓޯބަރ 2021

އެެމެރިކާގެ ސްކޫލެއްގެ ދަރިވަރަކު މާސްކް ނޭޅި މައްސަލައެއްގައި މުޅި ސްކޫލް ބަންދުކޮށް، އޭނާ ހައްޔަރުކޮށް ޖަލަށްލި މައްސަލައެއް ހޫނުވެއްޖެ އެވެ.

އަހުމަދު އަދްޝަން

ވިއޮމިން ސްޓޭޓް ލެރަމީ ހައި ސްކޫލްގައި ކިޔަވާ ގްރޭސް ސުމިތު، 16، މިދިޔަ ބުރާސްފަތި ދުވަހު ހައްޔަރުކުރީ ސްކޫލުން ކަނޑައަޅާފައި އޮތް އުސޫލާ ހިލާފަށް އޭނާ ކުރިން ވެސް ދެ ފަހަރެއްގެ މަތިން މާސްކް ނާޅައި ސްކޫލަށް ވަން މައްސަލައެއްގައި ނަސޭހަތް ދީފައި ވަނިކޮށް އެކަން ތަކުރާރު ކުރުމުންނެވެ. އެގޮތުން މުޅި ސްކޫލް ލޮކްޑައުންކޮށް، އޭނާ ހައްޔަރުކުރީ ފުލުހުންގެ ބެލުމުގެ ދަށުން ބިޑި ވެސް އަޅުވައިގެންނެވެ. ބާރުގެ ބޭނުން ކޮށްގެން ދަރިވަރު ހައްޔަރު ކުރަން ޖެހުނީ މާސްކް ނާޅައި ހުރުމުން ސްކޫލުން ނުކުތުމަށް ތަކުރާރުކޮށް އެދުމުން އެގޮތަށް އަމަލު ނުކުރުމުންނެވެ.

މި މަންޒަރު ފެންނަ ވީޑިއޯއެއް ވެސް ޓްވިޓާގައި ދައުރުވެފައިވެ އެވެ.

Meet Grace. She's a 16 year old girl who's showing more courage than most men right now. She's refusing to comply with the mask mandate her Wyoming school board is trying to force. She was fined and arrested. Here's her arrest. She's a hero.

Support her: https://t.co/reUHkcHjHx pic.twitter.com/fs0Xr5mz03
— Robby Starbuck (@robbystarbuck) October 9, 2021

މީޑިއާތަކުން ބުނީ އޭނާ ސްކޫލްގެ އުސޫލުތަކާ ތަކުރާރުކޮށް ހިލާފުވުމުގެ ސަބަބުން ޖަލުގައި ބަންދުކޮށް، ސްކޫލުން ސަސްޕެންޑްކޮށް އަދި ޖޫރިމަނާ ވެސް ކޮށްފައިވާ ކަމަށެވެ. ގްރޭސް ބުނެފައި ވަނީ މާސްކް އެޅުމާއި ނޭޅުމަކީ އޭނާ އަށް ލިބިގެންވާ މިނިވަން ކަމެއް ކަމަށާއި އެ މިނިވަންކަން އެއްވެސް ބަޔަކަށް ފޭރިނުގަނެވޭނެ ކަމަށެވެ.

There are at least three levels of crazy here:

1. She was suspended from school for not wearing a mask.

2. She was arrested and jailed for it.

3. THEY PUT THE ENTIRE SCHOOL ON LOCKDOWN.

And all this in the reddest red state. https://t.co/rwJ7xRM341
— Ezra Levant ? (@ezralevant) October 9, 2021

މި ހާދިސާއާ ގުޅިގެން ގްރޭސްގެ ބައްޕަ އެންޑީ ސުމިތު ވަނީ ސްކޫލް ހިންގާ ޑިސްޓްރިކްޓްގެ ސުޕްރިންޑެންޓް ޖުބާލް ޔެނީ އަށް ވެސް ވަރަށް ބޮޑަށް ފާޑު ކިޔައިފަ އެވެ. އޭނާ ބުނީ ދަރިފުޅު ސަސްޕެންޑް ނުކުރެވޭނެ ކަމަށާއި ދަރިފުޅާ މެދު ކަންތައްކޮށްފައި ވަނީ ވަރަށް އިހާނެތިކޮށް ކަމަށެވެ. މި ހާދިސާއާ އެކު، މާސްކާ ދެކޮޅު ބައެއް ފަރާތްތަކުން މިހާރު ދަނީ ގްރޭސީ އަށް ސަޕޯޓްކޮށް ވާހަކަ ދައްކަމުންނެވެ.

Do you have any concept how amazing this young girl is and how scary this must be for her. She embodies the heart and spirit of a true American! God bless her and others like her. #AmericanHero https://t.co/SftHeprdws
— Jerrod Sessler ?? Republican for Congress - WA (@Sessler) October 9, 2021

ގްރޭސް މިނިވަން ކުރަން މިހާރު މަސައްކަތް ކުރަމުން އަންނަ އިރު އޭނާގެ ވަކީލުންނަށް ދޭނެ ފީ ހޯދުމަށް އެންޑީ ވަނީ "ގިވްސެންޑްގޯ" ގައި އޮންލައިން ކްރައުޑްފަންޑިން ކެމްޕޭނެއް ވެސް ފަށައިފަ އެވެ. އެއަށް މިހާތަނަށް 18،000 އަށް ވުރެ ގިނަ ޑޮލަރު ލިބިފައިވެ އެވެ.

Click here to Give now to STAND WITH GRACE by Andy Smith

Grace is a high school junior. She is a beautiful young lady who is kind, caring, and compassionate. She loves dance and theater and is a good student. Grace has chosen to exercise her rights and attend school without wearing a mask. The local school board has voted to enforce a universal mask polic...

GiveSendGo.com

ގްރޭސީގެ ހާދިސާއާ ގުޅިގެން ލެރަމީ ހައި ސްކޫލް ހިންގާ އަލްބޭނީ ކައުންޓީން އަމަލުރަމުން އަންނަ މާސްކް އެޅުމުގެ އުސޫލު އަލުން ރިވިއު ކުރަން މިހާރު ވަނީ ނިންމައިފަ އެވެ. މިހާރު ކަނޑައަޅާފައި އޮތް ގޮތުން މާސްކް އެޅުމުގެ އުސޫލުތަކަށް ލުއިދޭނީ މަދުވެގެން އާބާދީގެ 70 ޕަސެންޓް މީހުން ވެކްސިންގެ ދެ ޑޯޒް ފުރިހަމަ ކުރުމުންނެވެ. އަލްބޭނީ ކައުންޓީގައި ވެކްސިން ޖެހި ނިސްބަތަކީ އަދި 49 ޕަސަންޓެވެ.

އެމެރިކާގެ ސްކޫލްތަކުގައި މާސްކް އަޅަން މަޖުބޫރު ކުރާތީ މި ފަހުން ވަރަށް ގިނަ ބެލެނިވެރިން އެކަމާ ދެކޮޅަށް ވާހަކަ ދައްކައި، ބައެއް ސްކޫލްތަކާ ދެކޮޅަށް މުޒާހަރާ ވެސް ކޮށްފައިވެ އެވެ.

Comments